Машҳурлар нафақат саҳна ёки экран қаршисида, балки биргаликдаги саъй-ҳаракатлари билан даромадни икки, ҳаттоки уч баравар оширади. Кино, мода, мусиқий санъат — бу юлдузли оилаларнинг ягона ҳаракат майдони эмас. Улар оилавий брендга айланган, фарзандлари эса ота-онасининг изидан юрибгина қолмай, ўз йўлини ҳам яратмоқда. Рўйхатдаги машҳур оилалар қандай пул ишлашади ва уларнинг фарзандлари қандай ютуқларга эришган? Буларнинг барчасини мақолада билиб оласиз.
Коппола
Коппола фамилияси кино саноатида сифат белгиси ҳисобланади. Френсис Форд Коппола томошабинларга “Чўқинтирган ота”, “Дракула”, “Апокалипсис” каби афсонавий фильмларни туҳфа этган.
Қизиқ томони шундаки, у кўпинча ўз яқинларини ҳам фильмларига жалб қилган.
Френсининг опаси Талия Шайр “Чўқинтирган ота” фильмида Конни Корлеоне образини маҳорат билан гавдалантирган ва ушбу роли учун “Оскар” мукофотига номзод бўлган. Қизиқ томони, Френсис дастлаб уни бу ролга олишни истамаган, бироқ Талия кастингда шунчалик табиий ҳаракат қилган эдики, режиссёрда бошқа танлов қолмаган.
Коппола оиласининг кейинги авлоди ҳам кино тарихида ўз изини қолдирган. Френсининг қизи София Коппола 2004 йилда “Таржима машаққатлари” фильми билан “Оскар” мукофотини қўлга киритган. 2017 йилда эса “Ҳалокатли васваса” фильми учун Канн кинофестивалида “Энг яхши режиссёр” деб эътироф этилган.
Бу оилада деярли ҳар бир киши ўз истеъдодини намоён қилган, лекин биз фақат Николас Кейжни эслаймиз. У Коппола фамилиясидан воз кечиб, Кейжа тахаллусини олган ва мустақил равишда муваффақиятга эришган. 1996 йилда “Лас Вегасни тарк этиш” фильми учун энг яхши эркак роли бўйича “Оскар”ни қўлга киритган.
Смитлар
Уилл Смит деярли ҳамма соҳада иқтидорли. Кўпчилик унинг актёрлигидан олдин мусиқий фаолияти ҳақида унутган. У ҳатто 2018 йил футбол бўйича жаҳон чемпионатининг расмий мадҳиясини куйлаган. Бундан ташқари, ўз гуруҳига эга бўлган ва ҳозир уни яна жонлантирмоқчи.
Уилл — икки карра “Оскар” номзоди бўлган актёр.
У иккинчи рафиқаси Жада Пинкэтт Смит билан нафақат оила, балки истеъдодлар устахонасини яратди. Уларнинг икки фарзанди — Уиллоу ва Жейден дунёга танилган. Жейден болалигида “Бахт ортидан қувиб” фильмида иштирок этган ва ҳозирда 20 дан ортиқ ролда ўйнаган. Аммо ҳозир у кўпроқ репга эътибор қаратмоқда.
Уиллоу ҳам ўз ҳаётини мусиқа билан боғлади, унинг қўшиқлари ҳип-ҳоп ва R’n’B услубларига тегишли. Ижоди шунчалик яхши эканки, ҳатто шахсан Jay-Z ёш қўшиқчининг продюсерига айланган.
Бундан ташқари, Уиллоунинг бошқа фаолияти ҳам бор, жумладан, моделлик, уни Карл Лагерфелд шахсан қўллаб-қувватлаган.
Бекҳэмлар
Бу фамилия — ҳақиқий реклама бренди. Улар тегган ҳар қандай нарса фойда келтиргандек туюлади.
Виктория Spice Girls гуруҳидаги муваффақиятли карьерасидан сўнг дизайнерликка ўтган. Ҳозир унинг бренди Британия қироллик оиласи аъзолари томонидан ҳам кийилади.
Девид эса футболчилик фаолиятини тугатгач, кўплаб брендлар билан ҳамкорлик қилиб, рекламаларда суратга тушишда давом этмоқда. Уларнинг оилавий бизнеси 500 миллион доллардан зиёдга баҳоланмоқда.
Фарзандлари ҳам мустақил даромад топишни бошлаган. Бруклин фотография билан шуғулланган, Burberry учун реклама компаниясини суратга олган. Ҳозир у миллиардернинг қизи Никола Пелтсга уйланган ва вақтининг кўп қисмини унга бағишламоқда.
Ромео теннис билан шуғулланмоқда, Круз эса қўшиқ куйлайди ва бу йўлда анча муваффақиятга эришган. 13 ёшли Харпер эса онасининг изидан бориб, мода соҳасига киришга бел боғлаган — ҳаттоки ўз бизнесини очмоқчи.
Jay-Z ва Бейонсе
Бу оила — яна бир ажойиб ҳамкорлик намунаси. Улар бир-бирини чин дилдан севади. Бейонсе узоқ вақт ҳомиладор бўлолмаган, ҳаттоки ЭКУ ёрдамида ҳам. Шунда улар бола асраб олиш ҳақида ўйлашган, бироқ кутилмаганда жуфтлик фарзандли бўлган — ҳатто эгизаклар туғилган.
Энди бизнесга қайтсак: Jay-Z — энг муваффақиятли продюсер ва ижрочилардан бири. Бейонсе эса поп мусиқасида юксак чўққига чиққан. У биринчи бўлиб визуал альбом чиқарган, ўз сайтини очган ва шахсий фотосуратларини журнал орқали эмас, ўзи бўлишади.
У нафақат клип, балки минифильм ҳам яратади ва пуллик обуна орқали тақдим этади. Шунингдек, ўзининг IvyPark спорт кийимларини ишлаб чиқаради.
Jay-Z эса Uber акцияларидан даромад олади, Tidal номли мусиқий стриминг хизматига эгалик қилади — бу Apple Music’ка рақобатчи.
Forbes маълумотларига кўра, бу оиланинг умумий бойлиги 1,16 миллиард доллар атрофида.
Уларнинг қизи Блу Айви ҳозирча ишламайди, лекин яқин орада фаолият бошлаши мумкин. Ҳозирча у ота-онаси билан йирик тадбирларда мунтазам кўриниб туради.
Ҳадидлар
Ҳадидлар оиласида ҳозир энг машҳурлари — Белла ва Жижи. Аммо доим ҳам шундай бўлмаган.
Уларнинг онаси Йоланда ҳам модел сифатида ёмон карьера қилмаган. Лекин 31 ёшида оилага вақт ажратиш учун саҳнани тарк этган. У машҳур архитектор ва меҳмонхоналар тармоғи эгаси Муҳаммад Ҳадидга турмушга чиққан.
Йоланда бугунги кунда фарзандларига маслаҳат берувчи ва йўлбошчи бўлиб келмоқда.
Изоҳ (0)