Смартфонлар ва бақириш тақиқ остида: машҳурлар фарзандларини қандай тарбиялайди?

Агар отангиз шаҳзода бўлса, онангиз эса саҳна маликаси бўлса, бу сизга тўлиқ эркинлик берилиши керак дегани эмас. Суперюлдузнинг фарзанди бўлиш, ташвишлардан ва чекловлардан холи ҳаёт кечириш каби туюлади. Аммо ҳақиқат анча аччиқроқ. Кўплаб юлдузлар ўз оилаларида қатъий қоидалар ўрнатган: қатъий дресс код қоидаларидан тортиб тўлиқ гаджетлардан воз кечишгача. Қуйида машҳур ота-оналарнинг болалари дуч келадиган тақиқлар ҳақида бўлишдик.

Кейт Миддлтон ва шаҳзода Уилям: дресс код қоидалари, моллюскалар ва бақиришга тақиқ

Кейт Миддлтон ва шаҳзода Уилямнинг учта фарзанди бор. Уларни тарбиялашга бўлган ёндашув намунали монархияга хос бир қатор тақиқлардан иборат. Меросхўрларнинг овқатланиши қатъий тартибга солинади. Масалан, болаларга (ва катталарга ҳам) моллюскаларни истеъмол қилиш тақиқланган. Гап шундаки, ушбу маҳсулот озиқ-овқат заҳарланишига олиб келиши мумкин. Дўкондан сотиб олинган болалар овқати ҳам мумкин эмас: болалар учун овқат фақат уйда тайёрланади.

Уларнинг кийимлари ҳам қаттиқ назорат остида. Ўғил болаларга саккиз ёшга тўлгандагина шим кийишга рухсат берилади. Унгача эса (ҳар қандай об-ҳавода) шорти афзал кўрилади. Кичик малика одоб-ахлоқ қоидаларига кўра, барча тадбирларда кўйлакларда пайдо бўлиши керак.

Уйда ҳам хулқ-атвор қоидалари мавжуд. Улар протокол билан эмас, балки ота-оналар томонидан белгиланган. Болаларга ижтимоий тармоқларда саҳифа очишга рухсат берилмайди — ҳатто махфий номлар остида ҳам. Умуман олганда, оилада гаджетлар қаттиқ назорат остида. Бундан ташқари, болаларга бақириш ва жанжаллашишга рухсат берилмайди. Ота-оналарнинг ўзлари буни кузатиб, уйда хотиржамлик ва ҳурмат муҳитини яратадилар.

Анжелина Жоли: бақиришни тақиқлаш ва “блокировка кунлари”

Уйда бақиришни тақиқлашни яна бир кўп болали она ўрнатган. Анжелина Жоли учта фарзандни дунёга келтирган ва яна учта болани асраб олган. Голливуд юлдузи мақомига қарамай, у жуда ёпиқ ҳаёт кечиради ва унинг болалари деярли ижтимоий тармоқларда кўринмайди ҳамда оммавийликка интилмайди. Ҳатто актрисанинг шахсий саҳифасида ҳам оила билан умумий фотосуратлар йўқ — фақат камдан-кам портретлар мавжуд.

Болалигидан бошлаб Жоли фарзандларини уйда ўқитган, уларни фильмларга ва гуманитар сафарларга олиб борган, ташқи дунёнинг таъсиридан ҳимоя қилган. Унинг уйида бир нечта ёзилмаган қонунлар мавжуд. Энг муҳими — жанжаллар ва бақиришни тақиқлаш: ота-оналар ҳар доим болалар олдида жанжаллашмасликка ҳаракат қилишган. Оилада, шунингдек, керакcиз шовқин ва ташқи босимсиз бирга вақт ўтказиш учун ҳеч ким уйдан чиқмайдиган “блокировка кунлари” бор.

Барча болаларнинг интернетга кириш имконияти бўлса-да, уйда хавфсизлик филтрлари ўрнатилган. Актрисанинг собиқ эри Бред Питт бир вақтлар тарбиялашда кўпроқ тузилмани афзал кўришини тан олган эди. Бироқ Анжелина ўзи эркинлик ва ишончга таянади: болаларнинг қатъий тартиб-қоидалари ва овқатланишда ҳам чекловлар ҳеч қачон бўлмаган.

Мадонна: 16 ёшгача телефондан фойдаланишга чеклов ва ширинликларни тақиқлаш

Энг шов-шувли юлдузлардан бири Мадонна олтита фарзандининг тарбиясида қатъий қоидаларга амал қилади. У иккита фарзандни дунёга келтирган тўрттасини асраб олган. Қўшиқчи ўзининг исёнкор образига қарамай, уйда талабчан ва қаттиққўл онадир.

Унинг болалари эрта ёшдан бошлаб қатъий тартибда яшайди. Рационда ширинлик, туз, сут маҳсулотлари ва консервалар йўқ. Телевизор кўриш тақиқланган, шунингдек, кечки сайрлар учун комендантлик соати амал қилади ва барча болалар соат 10 дан кечиктирмай уйда бўлишлари керак. Бундан ташқари, Мадоннада муҳим қоида бор: болалар биринчи смартфонни фақат 16 ёшда олишади.

Vogue журналига берган интервьюсида қўшиқчи бошқа болалари телефон олганида улар билан алоқани йўқотганидан афсусланиб айтди: “Бу бизнинг муносабатларимизга чек қўйди. Албатта, тўлиқ эмас, лекин смартфонлар уларнинг ҳаётида жуда катта рол ўйнай бошлади. Улар доимо ўзларини ижтимоий тармоқлардаги бошқа одамлар билан таққослашади ва бу ўз-ўзини ривожлантириш учун жуда ёмон таъсир қилади” дейди у.

Блейк Лайвли ва Райан Рейнолдз: кадр ташқарисидаги ва ота-оналар назоратидаги болалар

Шоу-бизнеснинг энг чиройли ва мустаҳкам жуфтликларидан бири тўртта фарзандни тарбиялашмоқда. Блейк 2023 йил февраль ойида энг кичик ўғлини дунёга келтирди. Айтишларича, Райаннинг гўзал Скарлетт Ёҳанссон билан олдинги никоҳи кўп жиҳатдан болаларни хоҳламаганлиги сабабли бузилган. Лайвли эса доимо катта оила қуришни хоҳлаётганини айтган.

Юлдузли ота-она фарзандларини диққат-эътибордан эҳтиёткорлик билан ҳимоя қилишади. Блейк журналистларга болаларини фотосуратга олишни тўхтатишини илтимос қилиб, кўп марта жамоатчиликка мурожаат қилган: “Биз турмуш ўртоғим билан танлаган касбимизнинг ёмон тарафи, шахсий ҳаётнинг йўқлигидир ва қиладиган барча ишларимиз дарҳол жамоатчиликка маълум бўлади. Биз болаларимизга улар учун бу очиқлик керакми ёки йўқми, ўзлари қарор қилишларига имкон бермоқчимиз”, деган у.

Шунингдек, жуфтлик болаларнинг кундалик тартибини қатъий назорат қилишади. Уларга ота-оналари ёнига суратга олиш майдончаларига боришга рухсат берилади, фақат жанжал ва қотиллик саҳналари бўлмаган кунларда. Машҳур ота-оналар фарзандларининг ҳаётида имкон қадар ўзлари қатнашишга ҳаракат қилишади: энагаларни таклиф қилишса-да, тарбияни уларга тўлиқ топширишмайди.