2011 йилда эфирга узатила бошлаган “Муҳташам юз йил” сериалини оддий томошабинлардан тортиб Туркия раҳбаригача танқид қилган. Бироқ ушбу лойиҳа турк киносаноатининг энг муваффақиятли ижод маҳсули сифатида тарихга муҳрланган.
Сериалнинг машҳурлиги пасайганига қарамай, мухлислар ҳали ҳам у ҳақдаги қизиқарли фактларни топмоқда.
Маълум бўлишича, сериал Эрдоғон томонидан ҳам танқидга учраган, мамлакатнинг ҳозирги раҳбари сериални султоннинг спиртли ичимликлар ичиши ҳамда аёлларга “суяги йўқлиги” учун танқид қилган. Бундан ташқари, томошабинлар ҳам кўп салбий фикрлар билдиришган — турли оммавий ахборот воситаларига сериалга қарши 70 000 тага яқин шикоят келиб тушган. Мурожаатчилар сериалда тарихий фактлар бузиб кўрсатилган деб ҳисоблашган.
Яна бир қизиқ факт шундаки, фақат 4 нафар актёр сериалнинг барча қисмларида рол ўйнаган. Уларнинг умумий сони 139 та эди. Улар султон Сулаймон, ҳарам оғаси Сумбул, Моҳидаврон Султон ва Гулфем хотун ролларини ўйнаган актёрлар эди.
Энг қизиғи — актёрларнинг иш ҳақи ҳақида маълумоти бўлиб, Ҳалит Эргенч (султон Сулаймон) ҳар бир қисм учун 30 000 доллар, Нур Феттаҳоғлу (Моҳидаврон Султон) эса ҳар бир қисм учун 14 000 доллардан олган.
Изоҳ (0)