Қачонлардир кино саноатида юқори марраларни забт этиб, Голливудда машҳурликка эришиш ҳақида хаёлига ҳам келтирмаган актёрлар бор. Улар ўз ишини мутлақо нолдан — оддий касб эгалигидан бошлаган. Официантлик, нонвойлик, фастфуд кафесида сотувчилик кабилар билан шуғулланган машҳурлар билан қуйида яқиндан танишамиз.
Бред Питт
Голливуд юлдузи Бред Питт машҳурликка эришишдан аввал бир пайтлар товуқ костюмида кўчаларни кезиб, Mad Chicken деб номланган ресторанни реклама қилар эди. Шунингдек, бўлажак юлдуз клубларда раққоса ва актёрлар учун ҳайдовчи бўлиб ҳам ишлаган.
Ўша вақтлар Питт бир кун келиб шахсий ҳайдовчисига эга бўлишини тасаввур ҳам қилмас эди.
Гарри Стайлс
Актёр ёшлигидан меҳнатда тобланган болалардан бўлган. У аввал Чеширдаги W Mandeville Bakery номли дўконда нон маҳсулотлари сотувчиси бўлиб ишлаган.
“Мижозлар уни кўриб, чиндан ҳам кўзлари ёришиб кетар эди. Гарри доимо меҳнаткаш бола бўлган. Унинг вазифасига булочка сотиш, дўконни тозалаш, пол, товоқлар ва пештахталарни ювиш кирар эди”, — деб эслади дўконнинг собиқ раҳбари Саймон Уэйкфилд.
Меган Фокс
Машҳур актриса авваллари қандай кун кечиргани ҳақида эслашни ёқтирмайди. Меган Фокс турли буюртмаларни кафеларга тарқатувчи ва ҳафтада бир марта кафе ташқарисида кулгили костюмда рақсга тушувчи сифатида ишлаган.
“Мен кафеда ишлаб, баъзан харидорларни жалб қилиш учун банан костюмида кафе ташқарисида рақсга тушардим. Энг ёмони — костюмнинг юз қисмида кесма бор эди ва унинг ичида мен эканлигимни ҳамма билар эди. Кафе ёнидан ўтиб кетаётган танишларим эса тинимсиз устимдан кулар, бирор хунук сўз айтиб кетар эди”, — деб ўтмишини ёдга олди Меган.
Энди улар Мегандан дастхат олишса арзийди.
Жонни Депп
Катта экранларга чиқишдан аввал актёр Жонни Депп телефон орқали канселярия товарларини сотган. Савдо соҳасидаги иш тажрибаси унга актёрлик маҳоратини ишга солишга ёрдам берган. Депп ҳийла ва яхши муомала билан одамларга ручка сотишга ҳаракат қилар эди.
“Мен ўзимга турли исмлар ўйлаб топар ва совғалар, конкурслар борлиги ҳақида ёлғон гапириб, кўпроқ товар сотишга уринар эдим”, — дея бўлишди Жони.
Марго Робби
Қачонлардир Марго Subway номли фастфуд таомлар тармоғида ишлаган. Машҳур сўзларига кўра, у тайёрлаган сендвичлар жуда мазали бўлган. Ҳозирда актирса бундай кафеларга деярли ташриф буюрмай қўйган.
Кане Уэст
Рэпер ёшлигида Гап бренди кийим дўконида сотувчи бўлиб ишлаган. Бир неча йиллардан сўнг эса унинг Yeezy бренди мазкур компания билан бирга ҳамкорликни йўлга қўйди.
Ева Мендес
Ёшлигида америкалик актриса Ева Мендес Ҳот Догс Он А Стиcк кафесида ишлаган ҳамда турли савдо марказларида ҳотдог сотган. У тезроқ катта бўлишни ва молиявий мустақилликка эришишни истаган.
Изоҳ (0)