Баъзи олимларнинг таъкидлашича, дунёда ҳар бир одамнинг камида бир нечта қиёфадошлари бор. Албатта, машҳурлар ҳам бундан мустасно эмас ва улар мунтазам равишда телевизорда кўриниб туришгани сабабли уларнинг жуфтлигини топиш анча осон.
Яқинда Нью Йорк боғларининг бирида актёр Тимоти Шаламега ўхшаш қиёфалар мусобақаси бўлиб ўтди. Танловда 2600 дан ортиқ иштирокчи йиғилди. Уларни танлов ғолибига 50 долларлик мукофот ваъда қилган YouTube блогери Энтони По бирлаштирди.
Мухлислар севимли актёрига ўхшаш ёки йўқлигини синаш учун Вашингтон-сквер паркига йиғилишди. Танловда ҳатто уй ҳайвонлари ҳам иштирок этди.
Мусобақада Майлс Митчелл исмли йигит ғолиб бўлди, у Вилли Вонка образида намоён бўлди ва рюкзакидан атрофдагиларга ширинликлар сочиб юрди.
“Мен бир вақтнинг ўзида ҳам хурсанд ва ҳайратдаман. Бу ерда менга ўхшаган инсонлар жуда кўп экан. Бу ҳақиқатан ҳам ажойиб тажриба бўлди” дейди чемпион.
Агар ҳақиқий Тимоти Шаламе ташриф буюрмаганда эди, йигит оломон ўртасидаги асосий юлдуз бўлиб қолар эди. Даврага машҳур актёр кириб келгач, мухлислар уни олқишлар билан кутиб олди.
Шаламе бир неча иштирокчилар билан суратга тушиб, ўз йўлида давом этган.
Шаламенинг Нью Йоркка келиши тасодиф эмас эди. У 2025 йилда катта экранларга чиқиши режалаштирилган “Марти Суприм” фильмини суратга олиш ишларида қатнашмоқда.
Изоҳ (0)