Кино дунёсида бир нечта фильмда бирга рол ўйнаган актёр жуфтликлари кам учрайди. Ҳатто кадр ортида ҳам бундай жуфтликлар кўпинча дўстона муносабатларни сақлаб, бирга вақт ўтказишади. Энг машҳур бешта кино жуфтлигини ва улар бирга рол ўйнаган фильмларни эслаймиз.
Кристен Стюарт ва Жесси Айзенберг
“Зулмат остонасидаги муҳаббат” фильмининг етарлича баҳоланмаган юлдузи Кристен Стюарт ва икки карра “Оскар” мукофотига номзод Жесси Айзенберг Голливуд дунёсининг икки “аутсайдер”идир.
Улар дунёвий зиёфатларни четлаб ўтишга ҳаракат қилишади ва шахсий ҳаётлари ҳақида гапиришга одатланмаганлар, ҳамкасблари эса уларни кўпинча ғалати деб ҳисоблашади. Эҳтимол, феъл-атворларидаги шу ўхшашлик сабабли улар чиқишиб кетгандир. Айзенберг ва Стюарт шу кунгача учта фильмда бирга рол ўйнашган.
Биринчи марта улар 2007 йилда “Маданият ва истироҳат боғи” деб номланган самимий комедия мелодрамасида учрашишган. 2015 йилда “Ултраамерикаликлар” номли абсурд отишмалар ва жангари комедия услубидаги ёқимли картинада, бир йил ўтгач эса “Киборлар ҳаёти” мелодрамасида бирга рол ўйнашди. Режиссёр Вуди Алленнинг асарини Стюарт ва Айзенбергнинг энг яхши фильми деб ҳисоблаш мумкин. Кино танқидчилари бу енгил, аммо бир жиҳатдан фожиали муҳаббат тарихини юқори баҳоладилар.
Ал Пачино ва Роберт Де Ниро
Икки кино афсонаси — Роберт Де Ниро ва Ал Пачино — 50 йилдан ортиқ вақт давомида дўстлашиб келмоқда. Улар Нью Йоркнинг қўшни туманларида ўсган ва болалигидан ҳаётга бир хил қарашган. Биринчи марта актёрлар оламшумул трилогия “Чўқинтирган ота” нинг бир қисмида учрашишган. Иккинчи фильмда Де Ниро ёш Вито Корлеоне — Майкл Корлеоненинг отаси ролини ўйнаган, бу ролни Ал Пачино ижро этган.
1995 йилда Ал Пачино, Роберт Де Ниро ва Вел Килмер иштирокидаги ўтган аср охирида суратга олинган машхур жангари фильмлардан бири “Тортишув” экранларга чиқди.
Эски дўстлар 2008 йилда “Ўлдириш ҳуқуқи” номли криминал триллерида ва 2019 йилда Мартин Скорсезенинг деярли тўрт соатлик фильми “Ирландиялик” драмасида рол ўйнашган. Фильм “Оскар” мукофотининг 10 та ва “Олтин глобус”нинг 5 та номинацияга лойиқ деб топилган. 70 ёшли актёрларнинг юзларини ёшартириш учун Скорсезе қимматбаҳо компьютер технологиясидан фойдаланган.
Том Круз ва Никол Кидман
Юлдузли жуфтлик Том Круз ва Никол Кидман Тони Скоттнинг “Момақалдироқ кунлари” спорт драмасини суратга олишга тайёргарлик пайтида танишишган. Ўша йилларда Круз аллақачон машҳурлик чўққисида, Кидман эса ижодкорлик фаолиятини бошлаган эди.
1992 йилда жуфтлик “Узоқ-узоқда” номли саргузашт мелодрамасида рол ўйнаган, 7 йилдан кейин эса Том Круз ва Никол Кидман ижросида энг машҳур фильм — Стенли Кубрикнинг “Кўзларини катта-катта юмиб” триллери катта экранларга чиқди. Фильмда улар ажрашиш арафасидаги жуфтлик ролини ўйнаганлар. Бу фильмдаги суратга олиш ишлари икки кино юлдузи муносабатларининг охири бўлди, 2001 йилда Том Круз ва Никол Кидман ажрашишди.
Жонни Депп ва Ҳелена Бонем Картер
Жонни Депп ва Ҳелена Бонем Картер жуфтлигини ушбу бешликдаги актёр дуэтларининг рекордчиси деб аташ мумкин. Улар биргаликда бешта фильмда рол ўйнаганлар. Биринчи марта актёрлар “Чарли ва шоколад фабрикаси” фильмида биргаликда ишлаганлар. Режиссёр Тим Бёртон уларнинг кадрдаги ўзаро уйғунлигини жуда ёқтирганидан, икки йилдан сўнг яна улар билан “Суини Тодд, Флит-стритлик сартарош” фильмини суратга олди. Бир мунча вақт ўтгач, дуэт унинг “Алиса мўжизалар мамлакатида” ва “Қоронғу соялар” фильмларида пайдо бўлган. Охирги марта улар биргаликда “Ёлғиз рейнжер” фильмида рол ўйнаганлар.
Ҳаётда актёрлар дўст, лекин доимо романтик муносабатлар ҳақидаги миш-мишларни рад этишга мажбур бўладилар. Хусусан, Жонни Депп ва актриса Эмбер Херд ўртасидаги суд жараёни бутун дунёга тарқалганда, Ҳелена Бонем Картер ўзининг фильмдаги шеригини ҳимоя қилиб, унга қарши “бекор қилиш маданиятини” танқид қилган.
Женнифер Лоуренс ва Бредли Купер
Голливуд актёрлари Бредли Купер ва Женнифер Лоуренсни ҳам биргаликда суратга тушиш бўйича “ветеранлар” деб аташ мумкин. Уларнинг биринчи “Менинг йигитим — псих!” фильми гарчи актриса “Энг яхши аёл роли” номинациясида “Оскар”ни олган бўлса ҳам танқидчилар томонидан ўртача баҳоланди. Томошабинлар режиссёр Девид О. Расселлнинг мелодрамасини яхшироқ қабул қилишди.
2013 йилда актёрлар яна “Америкача ҳийла” драмасида бирга суратга тушиб, учта “Олтин глобус” мукофотига сазовор бўлишди. 2014 йилда Лоуренс ва Купер яна бош ролларни биргаликда ижро этган “Серена” мелодрамаси чиқди. Уларнинг ижодий фаолиятидаги охирги фильм “Жой” драмаси ҳисобланади.
Изоҳ (0)