Голливуд юлдузлари орасида кинодаги карьерасини болалигидан бошлаган бўлса-да, машҳурликка анча кейинроқ эришганлари ҳам бор. The Voice нашри шу каби машҳур актёрлар ҳақида маълумот берди.
Кира Найтли
.jpg)
Кира Найтли “Бекҳем каби ўйна” фильмидам рол ўйнаганида атиги 17 ёшда ва “Кариб денгизи қароқчилари: Қора марварид тавқи лаънати” лойиҳасида суратга тушганида 18 ёшда эди. Актриса бу лойиҳаларда иштирок этганидан сўнг томошабинларнинг эътиборига тушди, унинг бу кинокартиналарда суратга тушмасидан деярли ўн йил олдин кинодаги фаолиятини бошлагани ҳақида жуда кам инсон билади. У илк марта 1993 йилда экранда пайдо бўлган ва 10 ёшида у “Билл” телесериалида вояга етмаган ўғри Шина Роуз ролини ўйнаган. Шунингдек, Киранинг отаси ҳам худди шу сериалда суратга тушган.
Элизабет Тейлор
Элизабет Тейлор “Иссиқ том устидаги мушук” ёки “Клеопатра” каби фильмлардаги “катта инсон” ролларини шу қадар муваффақиятли ижро этганки, унинг болалигида ҳам бир нечта лойиҳаларда суратга тушганини унутиш осон. Бўлажак кино юлдузи ўзининг дебютини 10 ёшида, яъни 1942 йилда “Ҳар дақиқада инсон туғилади” фильмида қилган.
Бен Аффлек
Кўпчилик “Ақлли Уилл Хантинг” фильмини Бен Аффлекнинг кинодаги дебюти деб ўйлайди, бироқ у аслида болалигида актёрлик фаолиятини бошлаган. Масалан, актёр 12 ёшида PBS программасининг “Мимининг саёҳати” таълим дастурида суратга тушган.
Риз Уизерспун
Ризнинг кино оламдаги биринчи катта роли 1991 йилда “Ойдаги инсон” фильми бўлди, ўша пайтда актриса 14 ёшда эди. Бироқ актриса 1998—1999 йилларга келиб, “Плезантвил” ва “Шафқатсиз ўйинлар” фильмларидаги роллари туфайли ҳақиқатан ҳам машҳурликка эришаётган юлдуз номига даъвогарлик қила бошлади. Шундан кейин у Голливудда нафақат актриса, балки продюсер сифатида ҳам катта муваффақиятларга эришди.
Райан Рейнолдс
Райан вояга етганидан кейин Голливудга кириб келди, бироқ у ўзининг ватани Канадада жуда эрта актёрлик фаолиятини бошлаган. У ўз карьерасини 1990 йилда ўсмир ёшдаги болалар учун суратга олинган “Ўн беш” драмасида бошлаган, ўша пайтда актёр 15 ёшда бўлган.
Изоҳ (0)