Маълум бўлишича, кўплаб машҳурлар бир неча йиллардан сўнг баъзи фильмларда суратга тушганидан афсусланишган, ҳатто улар дунёдаги энг юқори даромад келтирувчи фильмлардан бирига айланган бўлса ҳам.
Кристен Стюарт — “Чарли фаришталари”
Актриса “Чарли фаришталари” фильмидаги ролини ёқтирмаслигини бир неча бор тан олган. Дастлаб ушбу фильмни суратга олишда иштирок этиш ғояси Кристенга жозибали туюлади, аммо кейинчалик у бу танловидан афсусланади.
Юлдузга нима учун бу роли ёқмагани маълум эмас, лекин 2000 йилда суратга олинган “Чарли фаришталари” фильми унга кўпроқ ёқишини айтади.
Жорж Клуни — “Бэтмен ва Робин”
Дунёга машҳур Жорж Клуни “Бэтмен ва Робин” фильмидаги ролини ҳалигача афсус билан эслайди. Лекин бу ерда гап режиссёрда эмас, балки актёрни мутлақо қониқтирмайдиган актёрлик маҳоратида эди. Унинг сўзларига кўра, у ўз ролини яхши ижро этолмаган ва бутун фильмнинг муваффақиятсизлиги учун ўзини айбдор деб ҳисоблайди.
Женнифер Лоуренс — “Йўловчилар”
Актриса “Йўловчилар” фильмидаги ролидан норози эканини айтади. Бундан ташқари, ўша пайтда унинг яқин дугонаси, қўшиқчи Адел Лоуренсни бу фильмда иштирок этишдан қайтаради, аммо юлдуз хоҳишига кўра ҳаракат қилишга қарор қилади ва кейинчалик бу ишидан афсусланади.
Жессика Альба — “Фантастик тўртлик”
Жессика Альба 2000 йилларнинг ўрталарида “Фантастик тўртлик” фильмида Кўринмас аёл ролини ўйнаганида суперқаҳрамонлар ролини ижро этган биринчи актрисалардан бири эди. Бироқ бу тажриба муваффақиятсиз тугайди — фильмдан кейин Альба бир муддат актрисалик фаолиятини якунлайди.
“Мен бу фильмни ёмон кўрардим. Эсимда, мен Силвер Сёрферда ўлаётганимда, режиссёр менга шундай деганди: “Сен касалга ўхшаб кўриняпсан. Йиғлаганда гўзалроқ бўла оласанми? Чиройли йиғла, Жессика!”.
“Ҳақиқатан ҳам шунчалик аҳмоқманми? Менинг инстинктларим ва ҳис-туйғуларим етарли эмасми? Ўшанда ўзимга ўзим: “Ҳаммасига минг лаънат. Энди мени кино бизнес қизиқтирмайди”, деганман”, — дея қўшимча қилади Жессика.
Бен Аффлек — “Қўрқмас”
Бен Аффлек “Қўрқмас” фильмини бутун карьерасидаги энг омадсиз иши деб ҳисоблайди.
Актёр тафсилотларни ошкор қилмаган, аммо муваффақиятсизлик уни суперқаҳрамонлар ҳақидаги фильмларда иштирок этишга ва Бэтмен ролини ўйнашга ундаганини айтади.
Изоҳ (0)