Ҳақиқий кино ишқибозлари юлдуз болалар ва ота-оналари бирга рол ўйнашганини билишса-да, аммо кўпчилик бу оилавий дуэтларни эътиборсиз қолдириши мумкин.
Ванда Вентҳам, Тимоти Карлтон ва Бенедикт Кембербетч
“Шерлок” телесериалида Бенедиктнинг ҳақиқий отаси ва онаси машҳур детективнинг ота-онаси ролини ўйнаган. Томошабинлар уларни учинчи ва тўртинчи фаслларда кўришлари мумкин эди. Ванда Вентҳам ва Тимоти Карлтон ҳам ХХ аср ўрталарида театр ва кинодаги карьераларини бошлаган машҳур актёрлардир. Улар ҳатто фильмлардан бирининг суратга олиш майдончасида учрашишган.
Энди МакДауэлл ва Маргарет Куэлли
-R7iAXWZ9.webp)
Машҳур она ва унинг қизи “Фаррош” сериалида биргаликда рол ўйнаган. Маргарет йигити билан ўртасидаги қийин муносабатлари туфайли икки ёшли қизи билан қочиб кетган ва фаррош бўлиб ишга кирган аёл ролини ижро этади. Энди эса руҳий касалликка чалинган онасининг ролини ўйнайди.
Бен Стиллер, Жерри Стиллер ва Энн Мира
Маълум бўлишича, Бен Стиллер иштирок этган бир нечта комедиялардаги ширинсўз чол аслида актёрнинг экрандаги отасигина эмас, балки унинг биологик отаси ҳам.
Айтганча, Бен нафақат отаси, балки онаси билан ҳам биргаликда рол ижро этган. Актриса Энн Мира “Музейдаги тун” фильм франшизасининг биринчи қисмида эпизодик ролда қатнашган.
Фильмда актёрнинг онаси иш билан таъминлаш хизмати ходими Дебби ролини ижро этади, бош қаҳрамон иш жойи топиш учун унинг олдига боради.
Брюс Уиллис ва Румер Уиллис
Актёр оиласида туғилган Румер Гленн Уиллис машҳур ота-онаси сингари фильмларда рол ўйнашни хоҳлайди. Унинг отаси ва онаси кино саноатида таниқли бўлса-да, бу борада унга ҳеч қандай ёрдан беришмайди. Аммо Брюс Уиллис “Гаровга олинган” триллерининг кастингида қатнашишга қизини мажбур қилади. Суратга олиш пайтида ёш актриса 16 ёшда бўлган, у ўз ролини аъло даражада бажара олган.
Колин Хенкс ва Том Хенкс
Колин Хенкс ва унинг машҳур дадаси Том Хенкс биринчи марта 1996 йилда мусиқий комедияда экранда бирга пайдо бўлган ва 2008 йилда “Буюк Бак Ховард” фильмида яна ота ва ўғил ролини ўйнаган.
Гвинет Пелтроу ва Блайт Даннер
Машҳур Голливуд актрисаси Блайт Даннернинг фарзандлари машҳур онасининг изидан боришга қарор қилишади. Ўғли Жейк режиссёр, қизи Гвинет Пелтроу дунёга машҳур актриса бўлди. Даннер биринчи марта қизи билан 1992 йилда “Шубҳа” фильмида рол ўйнаган. 2003 йилда она ва қиз “Силвия” биографик драмасида Гвинет бош ролни, Блайт эса онасини ўйнади.
Мами Гуммер ва Мерил Стрип
“Рикки ва Флеш” — 2015 йилда рок-юлдуз сифатида карьерасини давом эттириш учун оиласини ташлаб кетган аёл ҳақидаги трагикомедия бўлиб, унда Мерил Стрип бош ролни, актрисанинг қизи эса ўзини ўйнаган. Бу икки юлдуз актриса бирга суратга тушган иккинчи фильм бўлиб, биринчиси 1986 йилда суратга олинган “Рашк” фильми бўлиб, унда 3 ёшли Мери Вилла Гуммер бош қаҳрамоннинг қизи ролини ижро этган.
Эмма Томпсон ва Софи Томпсон
Гарри Поттернинг саргузаштлари ҳақидаги фильмларда бир вақтнинг ўзида опа-сингил Томпсонлар рол ўйнайди. Эмма фолбинлик бўйича профессор Сивила Трелони ролини, синглиси Софи эса Сеҳргарлик вазирлиги ходими Муфалда Хмелкирк образида пайдо бўлади. Элексир ёрдамида Гермиона айнан Муфалда қиёфасига кириб олади.
Изоҳ (0)