2025 йилнинг 9-10 август кунлари Оҳангарон шаҳрида илк бор “Turon Enduro Uzbekistan Cup” эндуро мототцикл бўйича расмий ва кенг кўламли мусобақа бўлиб ўтади.
Юқори маҳорат ва чидамлиликни талаб қиладиган эндуро интизоми қийин йўллардан ўтишни ўз ичига олади. Тадбир Оҳангарон цемент карери ҳудудида ва унинг атрофида бўлиб ўтади ҳамда иштирокчиларга техник жиҳатдан ранг-баранг ва гўзал трекларни таклиф этади.
9 август - Саралаш (Супер Эндуро + Топ 10 учун финал пойгалари)
Биринчи куни саралаш пойгалари бўлиб ўтади, уларнинг натижаларига кўра асосий пойга учун старт сеткаси аниқланади. Иштирокчилар ўз маҳоратларини техник жиҳатдан мураккаб элементларга эга махсус тайёрланган трекда намойиш этадилар. Бундан ташқари, саралашнинг энг яхши 10 нафар пойгачиси учун СуперЕндуро форматида якуний пойга бўлиб ўтади. Мусобақа ғолиби махсус совринга эга бўлади.
10 август —Мусобақанинг асосий куни
Мусобақанинг асосий кунида малакали иштирокчилар биринчи кун натижаларига кўра старт олишади. Пойга йўналиши Оҳангарон цемент карери ҳудуди ва унинг атрофидан ўтади. Трек барча класслар учун бир хил бўлади ва “Денгиздан то Осмонгача” форматида аста-секин мураккаблашиб боради. Бу иштирокчиларга тобора ортиб бораётган қийинчиликдаги тўсиқларни аста-секин енгиб ўтишга имкон беради.
Тадбирдан кўзланган асосий мақсад спортчилар ва мототцикл ихлосмандлари ўртасида мототцикл спортини оммалаштириш ва уларни мототцикл спортига жалб этиш; мототциклни бошқариш кўникмаларини такомиллаштириш ва уни турли йўл шароитларида хавфсиз ишлатишни ўрганиш. Шунингдек, йўл ҳаракати қоидаларини ташвиқ қилиш, ёшлар эътиборини спортнинг техник турларига жалб этиш, соғлом турмуш тарзини оммалаштиришдан иборат.
Мусобақа ташкилотчиси Ўзбекистон миллий автомобиль ва мототцикл федерацияси билан ҳамкорликда “OHАНГАРONSEMEНТ” компаниясидир.
Халқаро автомобиль федерацияси (ФИА) 1904 йилда ташкил этилган бўлиб, халқаро автоспорт - картингдан Формула 1гача бўлган бошқарув органи ҳисобланади. Унинг штаб-квартираси Париж ва Женевада жойлашган. ФИА низомига мувофиқ, ҳар бир мамлакат АСН (Миллий спорт идораси) деб номланувчи миллий автоспортни тартибга солувчи фақат битта ташкилотни тан олади. ФИА 149 мамлакатдан 245 дан ортиқ клубларни бирлаштириб, дунё бўйлаб 80 миллиондан ортиқ автомобилчилар ва 2,7 миллиондан ортиқ автоспортчилар манфаатларини ифодалайди.
Халқаро мототцикл федерацияси (ФИМ) ҳам 1904 йилда ташкил этилган бўлиб, жаҳон мототциклчиларининг бошқарув органи ҳисобланади. Ташкилот йўл пойгаси, мотокросс, эндуро, триалс, ралли ва спидвей каби йўналишларда рақобатни таъминлайди.
ФИМ мототцикл ва йўлларда хавфсизликни яхшилаш, экологик тоза технологиялар, жумладан, электр мототциклларни тарғиб қилиш ва атроф-муҳитни муҳофаза қилиш ташаббусларини қўллаб-қувватлаш бўйича фаол ишлайди. Бугунги кунда ФИМ 100 дан ортиқ мамлакатдан 116 та миллий федерацияни бирлаштириб, мототциклни ривожлантириш ва халқаро майдонда мототцикл маданиятини оммалаштиришга ҳисса қўшмоқда.
Ўзбекистон миллий автомобиль ва мототцикл федерацияси (НАФКУ) Халқаро автомобиль федерацияси ва Халқаро мотоцикл федерациясининг тўлақонли аъзоси ҳисобланади. Шинингдек, Халқаро Спорт Кодексига (ИСC) мувофиқ спорт ваколатлари ва овоз бериш ҳуқуқига эга бўлган ФИА ва ФИМнинг Ўзбекистондаги ягона тан олинган аъзоси.
“Оҳангаронцемент” корхонаси 1961 йилда ташкил этилган Ўзбекистонда цемент ишлаб чиқарувчи энг йирик корхона. Бугунги кунда “Оҳангаронцемент” AKKERMANN CEMENT компанияси таркибига киради.
Компаниянинг миссияси: қурилиш соҳасида инновациялар етакчиси бўлиш, мижозлар, ҳамкорлар, акциядорлар ва ходимлар учун янги қадриятларни яратиш.
Реклама ҳуқуқи асосида.
Изоҳ (0)