Интернетда оилавий ришталари туфайли машҳур бўлган юлдузлар ҳақидаги баҳслар тугамайди. Муваффақиятли оила, албатта, кареранинг бошида ёрдам беради, аммо истеъдод бўлмаса, пойдеворда мустаҳкам ўрнашиш осон эмас.
Майкл Дуглас
Майкл Дуглас Голливуднинг афсонавий олтин даври актёрлари Кирк Дуглас ва актриса Диана Дуглас оиласида туғилган. Бу ўғил отасидан ўзиб кета олган ҳолат: карерасининг 50 йиллиги шарафига олинган ягона “Оскар” билан сулола асосчисидан фарқли ўлароқ, Майкл актёр ва продюсер сифатида 2 та “Оскар” ва бошқа кўплаб мукофотларни олди.
Кичик Дуглас ёшлигида тез феъли ва ўзбошимча характери билан ажралиб турарди, шунинг учун у ҳатто мактабдан ҳайдалган. У отаси рол ижро этган биринчи фильмни томоша қилиб, актёр бўлишни орзу қила бошлади. Лекин шу билан бирга, у моҳир актёр бўлолмаслигидан қўрқарди.
Майкл ҳарбий мактабга ўқишга кирди, шундан сўнг у актёрлик касбини ўрганишни бошлади. Таъкидланишича, ёш истеъдодли йигит ўзининг илк ролларини отаси ҳомийлигисиз мустақил равишда олган.
Женнифер Энистон
Севимли актриса Женнифер Энистон ҳам таниқли оилада вояга етан. Унинг ота-онаси ўша пайтда жуда машҳур бўлган актёр Жон Энистон ва бу соҳада катта муваффақиятларга эриша олмаган модел ва актриса Ненси Доу бўлган.
Маълумки, Женниферга катта шон-шуҳрат "Дўстлар" сериалидаги Рейчел Грин ролидан кейин келди. Бироқ у бу касбни анча эрта, 11 ёшиданоқ отасидан илҳомланиб ўзлаштира бошлаган.
Гвинет Пелтроу
Актриса Гвинет Пелтроу кинорежиссор Брюс Пелтроу ва машҳур актриса Блайт Даннернинг қизи. Ёшлигида у орнитолог бўлишни орзу қилган, аммо ген ўз таъсирини ўтказди ва у санъат тарихи курсига ёзилиш орқали ҳаётини ижод билан боғлашга қарор қилди. Аммо у университетни тугатмаган, лекин асосий эътиборини актёрлик карерасига қаратган. Шуни таъкидлаш керакки, у тез ривожланди: Гвинет "Қичқириқ", "Капитан Крюк", "Етти" ва унга “Оскар” олиб келган "Ошиқ Шекспир" фильмларида рол ижро этган..
Унинг укаси Жейк Пелтроу кинорежиссор, сценарийнавис ва актёрдир.
Жейк Жилленхол
Америкалик актёр ва кинопродюсер Жейк Жилленхол 11 ёшидан бери актёрлик қилади. Унинг дебюти “Шаҳарлик олифталар” комедиясидаги рол эди. Ёш истеъдодни кино оламига унинг ота-онаси - сценарийнавис ва кинорежиссор Наоми Фонер ва режиссор Стивен Жилленхол олиб киришган, уларнинг фильмларида Жейк тез-тез иштирок этган. У ўзини продюсер сифатида синаб кўради, театрда ўйнайди ва бир қанча мукофотларга сазовор бўлади.
Жейкнинг синглиси Мегги Жилленхол ҳам муваффақиятли актриса. У биринчи ролларини отасининг фильмларида ўйнаган.
Тори Спеллинг
Актриса, сценарий муаллифи ва продюсер Тори Спеллинг “Беверли-Хиллз” култ сериалида Донна Мартин ролини ўйнаган, актриса ушбу сериалнинг продюсери бўлган отаси туфайли машҳур бўлди. Унинг отаси, медиамагнат Аарон Спеллинг Спеллинг Телевисион продюсерлик компаниясига асос солган ва шу туфайли отаси АҚШ телевидениеси тарихидаги энг машҳур телевизион продюсерга айланди.
Юлдуз меросхўр 8 ёшидан бошлаб телесериалларда рол ўйнай бошлайди. У 17 ёшида “Беверли-Хиллз”даги машҳур ролини олди ва сериалнинг барча 10 мавсумида ўйнади. У бир нечта бадиий фильмларда иштирок этди, лекин катта фильмлардаги карераси натижа бермади ва Тори телесериалларга қайтди. Шунингдек, у реалити-шоуларда рол ўйнайди, автобиографик китоблар ёзади ва 5 нафар фарзандни тарбиялайди.
Унинг укаси Ренди Спеллинг ҳам актёрлик билан шуғулланган, аммо ҳозирда мураббийлик қилади.
Билли Айлиш
Билли Айлиш ўзининг биринчи қўшиғини 11 ёшида ёзди, 14 ёшида эса машҳур бўлди. Бунда унинг аҳил ва истеъдодли оиласининг ҳиссаси катта, деса муболаға бўлмайди. Қиз бир неча бор акаси ва онаси уни мусиқа билан шуғулланишга илҳомлантирганини тан олади.
Унинг онаси Мегги Берд актриса бўлган, қўшиқ айтишни яхши кўрарди, ўзи қўшиқ ёзган ва болаларига ҳам ўргатган. У “Maxфий материаллар”, “Суяклар”, “Ғайратингни жиловла” сериалларида рол ўйнаган. Отаси ҳам фильмларда кичик ролларни, жумладан "Темир одам" фильмида мухбир ролини ўйнаган.
Хонанданинг акаси Финнеас мусиқачи, бастакор, продюсер ва актёрдир. У “Хор”, “Америкалик оила” ва “Далв” каби сериалларда рол ўйнаган. 25 ёшли Билли The Slightlys гуруҳининг солисти ва қўшиқ муаллифи, шунингдек, яккахон синглларни ҳам чиқаради. Биринчи қўшиқларини 12 ёшида онасининг ёрдами билан ёзган. Биллига ўзининг дебют альбомини чиқаришга ёрдам берганакаси Финнеас эди. У синглиси учун мусиқа ёзади ва продюсерлик қилади.
Лив Тайлер
Лив Тайлер томошабинларга "Узуклар ҳукмдори" трилогиясидаги Арагорннинг севгилиси сифатида эсда қолди. У биринчи навбатда Aerosmith солисти Стивен Тайлернинг қизи сифатида танилган. Бироқ 10 ёшгача қиз унинг отаси эканлигини билмасди, чунки Ливнинг онаси, модел ва рок қўшиқчи Биби Буэлл қизини севгилиси Тодд Рандгрен билан бирга тарбиялаган.
Онаси 13 ёшли қизини моделлик агентлигига олиб борди ва тез орада Лив ёшлар журналлари учун суратга туша бошлади. 3 йил ўтгач, у Cразй қўшиғининг клипида рол ўйнади, кейин “Сўзсиз олишув” детектив драмасига таклиф қилинди. Шундан кейин унинг карераси кўтарилиб кетди: у турли жанрдаги кўплаб фильмларда, шу жумладан буюк Бертолуччи таклифига биноан “Гўзалликдан қочиш” драмасида рол ўйнади ва кўплаб мукофотларни қўлга киритди.
Изоҳ (0)