Жанубий Корея кино ва драма саноати бугунги кунда глобал миқёсда катта муваффақият қозониб, “Ҳаллю” корейс тўлқини орқали бутун дунё томошабинларини ўзига ром этмоқда. Осиёлик актрисалар нафақат маҳоратли ижролари, балки ўз бизнеси, реклама шартномалари ва бошқа фаолиятлари орқали катта бойлик орттирганлари билан ҳам диққатга сазовор. Ушбу рейтингда 2024 йил якунларига кўра, Жанубий Кореянинг энг бой актрисалари кимлар эканини кўриб чиқамиз.
10. Хан Чжи Мин — 25 миллион доллар
Жанубий Кореянинг таниқли актрисаси Хан Чжи Мин фаолиятини “Ҳаммаси жойида” ва “Де Жан Гим” фильмларидаги кичик роллардан бошланган. 2005 йилда у мамлакатдаги энг машҳур сериаллардан бирига айланган “Тирилиш” драмасида илк бор бош ролни ижро этган.
Хан Чжи Мин ўз иши учун олган гонорарларининг катта қисмини Шимолий Корея ва Осиёнинг ривожланаётган мамлакатларидаги болалар таълимини молиялаштиришга хайрия қилади. 2012 йилда у Бирлашган Миллатлар Ташкилотининг Атроф-муҳит хавфсизлиги дастурининг эзгу ният элчиси фахрий унвони билан тақдирланган.
2018 йилда Хан Чжи Мин “Ўта бой осиёликлар” фильмида рол ўйнади ва лойиҳа ҳақиқий хитга айланди.
9. Ким Ю Чжон — 25 миллион доллар
Ю Жон 2017 йилда Forbes журналининг “Кореянинг энг нуфузли машҳурлари” рўйхатида 8-ўринни эгаллаб, ушбу рўйхатдаги энг ёши (17 ёш) бўлди.
2016 йил август ойида Ким Ю Чжон “Ой нуридаги муҳаббат” тарихий драмасида ўзининг биринчи бош ролини олди. Лойиҳа ўз мамлакатида хит бўлиб, энг юқори аудитория рейтинги 23,3% га етди ва унинг машҳурлиги “Ой нури синдроми” деб номланди.
Шунингдек, актриса “Миллат синглиси” унвонига ҳам эга бўлган. Тарихий роллари учун Жанубий Кореядаги тарихий драмалар рамзига айланган. Кореядаги кўплаб қизлар актрисани тақлид қилиш учун намуна сифатида қабул қилишади.
8. Ким Тхе Хи — 29 миллион доллар
Ким Тхе Хи машҳур корейс драмаларда ўзининг кучли роллари билан эътироф этилган таниқли актриса. 2000 йилларнинг бошида у Сеулда яшаб, реклама агентининг эътиборини тортган ва унга модел сифатида ишлашни таклифини олган. Фильмда дебют қилишдан аввал актриса телевидение рекламалари ва босма рекламаларда пайдо бўлган. Унинг биринчи роли 2001 йилда намойиш этилган “Сўнгги совға” мелодрамасида бўлган.
2015—2020 йилларда танаффус олган ва қўшиқчи Би Рейн билан турмуш қуриб, ва икки фарзанд кўрган. Сўнг оилавий ҳаётга эътибор қаратган актриса 2020 йилда "Салом, онажон!" драмаси билан қайтган.
Ҳозирда Ким Тхе Хи энг кўп маош олувчи корейс актрисаларидан бири бўлиб қолмоқда.
7. Чхве Жи У — 30,5 миллион доллар
“Қиш сонатаси”даги Южин образи орқали машҳурликка эришган актриса Чхве Жи У мамлакатидаги энг гўзал аёллардан бири сифатида тан олинган. Унинг истеъдоди ва маҳорати “Гўзал кунлар” (2001), “Қиш сонатаси” (2002) каби турли мелодрамалардаги роллари танқидчилар томонидан юқори баҳоланган.
2024 йилда Чхве Жи У Кореядаги энг кўп маош олувчи актрисалардан бири бўлиб қолмоқда.
6. Чон Жчи Хён — 31 миллион доллар
Жанубий Кореянинг машҳур актриса ва модел Чон Жчи Хён мана бир энча йиллардан бери Кореядаги энг кўп маош олувчи актрисалар рейтингида юқори поғоналарни эгаллаб келмоқда. У “Менинг қайсар севгилим” (2001) романтик комедиясидаги роли орқали машҳурликка қадам қўйган. Фаолияти давомида у томошабинлар олқишига сазовор бўлган бир қанча тарихий драмаларда рол ўйнаган. 2017 йилда Forbes Чон Жчи Хённи Кореядаги энг нуфузли машҳурлар рўйхатига киритган.
5. Пе Сю Зи — 35 миллион доллар
Пе Сю Зи “Мисс А” қизлар гуруҳининг аъзоси эди, 18 ёшида у “Архитектурага кириш” фильмида ўзининг бадиий фильмида дебют қилди. Гуруҳни тарк этгач, Пе Сю Зи қўшиқчи сифатида яккахон карьерасини давом эттирди ва кейинчалик актрисаликка эътибор қаратди.
2014 йил май ойида Сю Зи “Гул оҳанги” (2015) фильмида рол ўйнади ва актрисалик қобилиятини ҳам намоён этди. Сўнг “Юлдузлардан келган одам”, “Токи уйқуда экансиз”, “Телба ошиқлар” каби драмаларидаги роллари билан томошабинлар ёдида қолган.
“Гу оиласи ҳақиқда китоб” тарихий сериали унинг карьерасидаги ҳақиқий ютуқ бўлди: мазкур рол унга Forbes Power Celebrity 40 рейтингида учинчи ўринга чиқишига сабаб бўлди. Су Жининг мухлислари унинг она шаҳрида актриса номидаги кичик музейни ташкил қилишган.
4. Ко Хён Чжон — 38 миллион доллар
Ко Хён Жон 1989 йилда “Корея гўзали” танловида кумуш медални қўлга киритгандан сўнг кинода карьерасини бошлади. Бугунги кунга қадар у 17 та лойиҳада, жумладан, “Қум соати”, “Президент хоним” ва “Қиролича Сондок” каби драмаларда иштирок этган. Хён Жонг 53 ёш бўлишига қарамай, жисмонан бақувват ва ёш кўринади.
1995 йилда турмуш қургач, Го актёрлик фаолиятини якунлади, лекин ажрашганидан кейин 2003 йилда кинога қайтди. Ҳозирда Ко Хён Жон энг кўп маош олувчи актрисалардан ҳисобланади. Шунингдек, ўзининг кийим-кечак, пойабзал ва сумкалар сотиладиган брендини ҳамда косметика линиясини бошқаради.
3. Сон Хе Гё — 42 миллион доллар
Жанубий кореялик 38 ёшли актриса Сон Хе Гё мамлакатдаги энг кўп маош олувчилардан бири ҳисобланади. Телевизион драмалардаги бош роллари орқали Осиёда машҳурликка эришди. 2017 йилда у Forbesънинг Кореа Power Cелебритиэс рўйхатида еттинчи, 2018 йилда эса олтинчи ўринни эгаллаган.
У “Куз эртаги”, “Тақдир ўйини”, “Оила”, “Бу қишда шамол эсади”, “Қуёш авлодлари” сериалидаги бош роллари билан танилган. Актриса “Куз эртаги” фильмидаги роли учун СБС Драма Awardsъда “Энг яхши актриса” ва “Baeksang Arts” мукофотини қўлга киритган. 2022 йилда эса у “Машҳурлик” телесериалида рол ўйнагач, Кореянинг етакчи актрисаларидан бири сифатидаги мақомини мустаҳкамлаган.
Ҳозирда у 2024 йилнинг энг бадавлат корейс актрисалари орасида иккинчи ўринни эгаллаб турибди.
2. Айю — 50 миллион доллар
Айю тахаллуси билан танилган Ли Чжи Ин 31 ёшли хонанда ва актриса бўлиб, мусиқий карьерасини 15 ёшида “Лост анд Фоунд” дебют альбоми билан бошлаган. У Жанубий Кореянинг йирик Мнет Asian Music Awards маросимида бир нечта мусиқий мукофотларга сазовор бўлган. Ли Чжи Ин ўзининг мусиқий ва актёрлик карьерасини муваффақиятли бирлаштира олган.
Айю актрисалик фаолиятини 2011 йилда бошлаган. У “Орзу”, “Ўртакашлар”, “Қирмизи юрак”, “Продюсерлар” каби фильм ва сериалларда рол ўйнаган. Сўнгги йилларда у бош ролни ўйнаган “Алвон Корё”, “Менинг жанобим” телесериали туфайли унинг машҳурлиги сезиларли даражада ошди.
2019 йилда Forbes маълумотларига кўра Жанубий Кореянинг энг нуфузли машҳурлари рўйхатида 4-ўринни эгаллади. Ўша йили Forbes уни турли хайрли ишларга 800 минг доллар хайрия қилгани учун “Эзгулик қаҳрамони” деб атаган. Айю ўзи ва бошқа санъаткорлар учун 50 дан ортиқ қўшиқ ёзган. Ўз мусиқа мактабини очишни орзу қилади.
1. Ли Ёнг Э — 55 миллион доллар
Ли Ёнг Э таниқли актриса ва моделдир. Уни ватандошлари “миллат юзи” деб аташади. Ўз карьерасини 90 йилларда реклама роликлари билан бошлаган Ли кейинчалик кўплаб муваффақиятли лойиҳаларда — “Севги ва никоҳ”, “Ота” ва бошқа драмаларда иштирок этди. Актриса 2000 йилда “Бирлашган хавфсизлик ҳудуди” ҳарбий драмаси ва “Сарой жавоҳири” тарихий драмасида иштирок этганидан сўнг шуҳрат қозонди.
2024 йилда Ли Ёнг Э энг бадавлат корейс актрисаси деб тан олинди. 2004 йилда UNICEF эзгу ният элчиси бўлди ва ўшандан бери актриса хайрия ишларида фаол иштирок этиб, турли тадбирларни уюштириб келмоқда.
Изоҳ (0)