1972 йил фильм экранларга чиққанида, ҳеч ким унинг халқаро ҳитга айланишини ва ўнлаб йиллар давомида маданий ҳодиса бўлиб қолишини кутмаган эди. Бир-биридан ажралган эгизак опа-сингиллар ҳақидаги ҳикоя биринчи марта аёллар образи орқали талқин қилиниб, ҳинд киносининг анъанавий қонунларини ўзгартириб юборди. Ушбу мақолада “Зита ва Гита” ҳақидаги кўпчиликка маълум бўлмаган фактлар ҳақида сўз юритамиз.
Суратга олиш жараёнидаги импровизация
Картинанинг энг ёрқин ва кулгили лаҳзаларидан бири — Гитанинг шифтдаги вентиляторга чиқиб кетадиган лаҳзаси бўлиб, қизиғи шундаки, бу саҳна сценарийда ёзилмаган эди. Экстцентрик ғоя режиссёр Рамеш Сиппининг ҳаёлига айнан суратга олиш жараёнида келган. Дастлаб, Хема Малини трюкнинг хавфсизлигига шубҳа қилди ва режиссёрдан уни кўрсатишни сўради. Сиппининг ўзи вентиляторга чиқди, шундан сўнг актриса трюкни бажаришга рози бўлди.
Қўшалоқ рол — икки ҳисса юклама
Эгизаклар билан чалкашликларнинг олдини олиш учун режиссёр ҳар бир опа-сингил билан саҳналарни турли кунларда суратга олишга қарор қилган. Шунинг учун бир кун фақат Зита билан, бошқа кун эса фақат Гита билан саҳналар суратга олинган.
Шу билан бирга, Малини образларга мослашишга ёрдам берадиган либослар ва гримлардаги фарқлар туфайли бир ролдан бошқасига ўтиш осон бўлганини таъкидлаган. Бундан ташқари, актрисанинг фикрича, унинг ўзида иккала қаҳрамоннинг характерлари уйғунлашган.
Роликли конкида саҳна
Фильмнинг энг эсда қоларли ва динамик саҳналаридан бири — роликли конкида учиш саҳнаси. Муаммо шундаки, на Хема Малини, на унинг шериги Санжив Кумар илгари роликли конкида учмаган. Улар янги кўникмаларни шошилинч равишда ўрганишга тўғри келди ва суратга олиш жараёни доимий йиқилишлар билан бирга ўтди. Қаҳрамонларнинг қўшиқ айтиб, йўлда дадил конкида учиб кетаётгани тасвирланган кадрлар — машаққатли машғулотлар ва омадли лаҳзаларни илғаб олган операторнинг сабр-тоқати натижасидир.
Ўчириб ташланган саҳналар
СССРда фильм жуда машҳур бўлди, аммо у совет кинотеатрларига бир оз қисқартирилган ҳолда келди. Жами 13 га яқин саҳна ўчириб ташланган. Цензура жуда очиқ ёки ахлоқий меъёрларга мос келмайдиган деб ҳисобланиши мумкин бўлган эпизодларни ўчирган.
Бироқ бу “Зита ва Гита”нинг СССРда энг машҳур хорижий фильмлардан бирига айланишига тўсқинлик қилмади. Комедия ўзининг ноёб жозибасини йўқотмади ва миллионлаб совет томошабинларининг севимлисига айланди.
Севги учбурчаги
Фильмни суратга олиш жараёнида Хема Малини ва Дхармендра (Рака) ўртасида романтик муносабатлар бошланди. Ўша пайтда Дхармендра уйланган ва тўрт нафар фарзанди бор эди, Малинини эса актёр Санжив Кумар (Рави) яхши кўрарди ва ҳатто унга уйланишни таклиф қилган эди. Аммо Хема ва Дхармендра ўртасида пайдо бўлган ҳис-туйғулар вазиятдан кучлироқ бўлди. Уларнинг муносабати секин ривожланди: Хема Кумарнинг ҳис-туйғуларига озор бермаслик учун ўзининг меҳрини очиқчасига намойиш қилишдан қўрқарди, шериги эса диний қонунларга кўра рафиқаси билан ажрашолмас эди.
Ниҳоят, 1980 йилда жуфтлик расмий равишда турмуш қурди. Иккинчи марта турмуш қуриш учун Дхармендра ҳатто Исломни қабул қилди. Ўшандан бери актёрлар Болливуд тарихидаги энг таниқли жуфтликлардан бири бўлиб қолишди.
Ремейклар
Ажратилган эгизаклар ҳақидаги машҳур сюжет “Зита ва Гита” чиқишидан олдин ҳинд кинематографияси учун янгилик эмас эди. Рамеш Сиппи томонидан суратга олинган мелодрама олдинги Болливуд ҳити — “Рам ва Шиам”га асосланган, фақат унда эгизаклар эркаклар эди. Агар режиссёр бош қаҳрамонларни опа-сингил эгизаклар тарзида тасвирламаганида бу йўқолган биродарлар ҳақида тўртинчи фильм бўлар эди.
“Зита ва Гита”, ўз навбатида, ремейклар тўлқинини бошлаб берди. Фильмнинг оламшумул муваффақиятидан сўнг бир йил ўтиб бошқа тилларда версиялар яратила бошлади. Бош ролни таниқли ҳинд актрисаси Ванисри ижро этган “Ганга Манга” ва “Вани Рани” фильмлари шулар жумласидандир.
Изоҳ (0)