Тақдир тақозоси туфайли актёрлик соҳасига келиб қолган машҳурлар

Ҳар бир юлдуз машҳурликка эришгунига қадар турли қийинчиликларни бошдан кечиради, кўп куч ва меҳнат сарфлагач, машҳурликка эришади. Бироқ уларнинг орасида тасодифан кино оламига кириб қолганлар ҳам бор. Қуйида ўзлари режалаштирмаган бўлса-да, биргина учрашув туфайли кинога келиб қолган актёр ва актрисалар ҳақида сўзлашамиз.

Жонни Депп

Келажакда актёр бўлишни хаёлига ҳам келтирмаган Жонни Депп мусиқа билан жиддий шуғулланиш учун ўн беш ёшида мактабни ташлаган. Бир нечта мусиқа гуруҳларда ишлагач, Депп Лори Эллисон исмли аёл билан турмуш қурди ва рафиқаси билан Лос-Анжелесга кўчиб кетди. У ерда аёли Жоннини актёр Николас Кейж билан таништирди. Лорри турмуш ўртоғида актёрлик маҳорати борлигига ишонарди. Шундан сўнг Депп дўсти Жеки Ҳейли билан “Элм кўчасидаги дахшат” (1984) фильми кастингига борди ва танловдан муваффақиятли ўтди. Шу тариқа Жонни Депп кино саноатига илк қадамини қўйди.

Женнифер Лоуренс

Актриса ўн тўрт ёшида онаси билан Манҳэттенда саёҳат қилиб юрган пайтда унга ёш иқтидорларни излаб юрган агентлар мурожаат қилди. Женнифер моделлик уйига таклифни қабул қилиб, бир неча йил топ-модель бўлиб ишлади. Лоуренс тез орада актёрлик маҳоратини ривожлантиришга қизиқиб қолди. Унинг илк роллари Билл Энгвалл шоуси (2007-2009) ситкомида бошланган. 22 ёшида Женнифер Лоуренс “Менинг севгилим ақлдан озган” (“Silver Linings Playbook”) фильмидаги роли учун “Энг яхши актриса” номинациясида “Оскар”ни қўлга киритди.

Женнифер Лоуренс актёрлик маълумотига эга эмас. Бундан ташқари, у 14 ёшида мактабдаги ўқишини ташлаб кетгани учун ўрта маълумотли ҳам бўла олмаган.

Шарлиз Терон

Шарлиз болалигида раққоса бўлишни истарди, бироқ у тиззасидан олган жароҳатидан кейин бошқа соҳани танлашга мажбур бўлди. Терон ижара ҳақини тўлашга қийналган кунларнинг бирида банкка келади. Банк ходими унга жуда зарур бўлган чекни нақд қилишдан бош тортганида, Терон катта жанжал кўтаради. Унинг драматик истеъдодидан ҳайратга тушган ва орқасида навбатда турган кино агенти Шарлизга ташриф қоғозини қолдириб кетади. Ушбу воқеа унга шоу-бизнесда карьерасини бошлашига туртки бўлди. 2004 йилда Шарлиз Терон “Махлуқ” фильмидаги қотил Эйлин Уорнос роли учун “Оскар” га сазовор бўлди.

Ченнинг Татум

Ченнинг ёшлигида турли спорт турлари билан шуғулланган, шу сабабли кўпчилик уни келажакда Олимпия чемпиони бўлади, деб ўйлаган. Орадан вақт ўтиб, у ўқишни ташлади, стипендиясини йўқотди ва Майамига кўчиб ўтди. У ерда актёр клубда раққос сифатида иш бошлади. Сўнг моделлик агентлиги билан шартнома имзолади ва турли клипларда суратга тушди. Кўплаб машҳурлар сингари Татум ҳам моделлик бизнеси орқали кино оламига кириб келди.

Мел Гибсон

Гибсон драма мактабида таълим олган бўлса ҳам, унда актёрлик маҳорати етарли эмас, деб ҳисобларди. Мел театр мактабида ўқиётган пайтда барга ташриф буюрувчилар билан жанжаллашиб қолади. Эртаси куни эрталаб у дўстини кастингга олиб боради ва режиссёр дарҳол яқинда калтакланган йигитга эътибор қаратади: кўкаришлар ва жароҳатлар Гибсонни жасоратли қилиб кўрсатарди. Шундан кейин Мел “Телба Макс” фильмида бош ролни ўйнашга таклиф олади.

Эштон Катчер

Эштон дастлаб Айовa университетида биокимёвий муҳандислик факультетида таҳсил олади. Унинг асосий мақсади эгизак укасининг бош мия серебрал фалажи ва юрак клапани нуқсонига даво топиш эди. Барда ишлаб юрган кезлари унинг олдига модель скаут келиб, “Айовaдаги янги қиёфалар” танловида қатнашишни таклиф этади. Мазкур танловда ғалаба қозонгач, Эштон моделлик шартномасини имзолайди. У Cаlvin Klein ва Versacе брендлари билан ишлайди. Моделлик фаолияти эса Катчерга фильм саноати учун йўл очади. “70 йиллар шоуси” фильми унга машҳурлик олиб келади.

Дэнни Трехо

Дэнни мексикалик муҳожирлар оиласида ўсган ва жиноий тўдаларга қўшилган. Трехо омадсиз эди — у 15 ёшидан 25 ёшигача Калифорниядаги олтита қамоқхонага тушган. У ўз обрўсини ошириш учун бокс билан шуғулланди, барча қарамликлардан халос бўлди ва кейинчалик спиртли ичимлик ичувчилар клубида ёрдамчи бўлди. Ўша кунларда Трехо уни бутунлай кутилмаган йўлга олиб борадиган йигит билан учрашди. У “Хавфли поезд” (“Runway Тrain”) фильмида саҳна ортида иккинчи даражали ролни ўйнади. Тез орада у ўзининг даҳшатли кўриниши ҳамда татуировкалари билан бошқа режиссёрларни жалб этди ва кўча безорилари ҳақидаги сериалда суратга тушди.