Юлдузлар ҳам барча инсонлар каби кексаяди. Уларнинг кинодаги ёрқин роллари ёки асарларидан завқ олар эканмиз, машҳурларнинг қандай қилиб қаришни бошлаганини сезмай қоламиз. Бугун 1964 йилда туғилган ва жорий йилда 60 йиллик юбилейни нишонлайдиган таниқли инсонларни ёдга оламиз.
Сандра Буллок
“Меҳр ҳудуди” фильмидаги роли учун “Оскар” ҳамда “Олтин Глобус” мукофотини қўлга киритган актриса Сандра Буллок Голливуднинг севимли актрисаларидан биридир. У ўтган йилда карьерасини якунлаганини эълон қилган. Сандра Буллок 26 июль куни 60 ёшга тўлади.
Рассел Кроу
Янги Зеландияда туғилиб ўсган австралиялик актёр Рассел Кроу “Гладиатор” (2000) тарихий фильмида бош ролни ижро этиб, “Энг яхши актёр” номинациясида “Оскар”ни қўлга киритган. У 7 апрель куни 60 ёшни нишонлади.
Кортни Лау
“Ҳоле” рок гуруҳининг аъзоси, машҳур хонанда Кортни Лау 9 июль куни 60 ёшга тўлади.
Мишел Обама
АҚШнинг собиқ биринчи хоними, чикаголик Мишел Обама 17 январь куни туғилган кунини нишонлади.
Моника Беллуччи
Кино саноатида 30 йилдан ортиқ фаолият олиб борган жозибали актриса Моника Беллуччи 30 сентябрь куни 60 ёшни қарши олади.
Кортни Кокс
1994—2004 йилларда “Дўстлар” ситкомида Моника Геллер образини гавдалантирган таниқли актриса Кортни Кокс 17 июнь куни юбилейини нишонлайди.
Лора Линни
Икки карра “Олтин глобус” ва тўрт карра “Эмми” мукофоти совриндори бўлган актриса Лора Линни карьерасини Бродвейдаги спектакллардан бошлади. 5 февраль куни юлдуз 60 ёшга тўлди.
Kiaну Ривз
“Матрица” ва бошқа кўплаб фильмларда унутилмас образларни ижро этган Kiaну Ривз олтмиш ёшга тўлаётганига ишониш қийин. Юлдузнинг туғилган куни 2 сентябрда.
Тери Ҳетчер
“Лоис ва Кларк” ҳамда “Умидсиз уй бекалари” сериалларининг юлдузи 80 йиллардан бери экранларни забт этмоқда. Актриса 8 декабрда 60 ёшга тўлади.
Николас Кейж
Бир-бирига ўхшамас, турфа жанрдаги фильмлардаги образлари билан танилган Николас Кейж 7 январда 60 га тўлди.
Энди Серкис
“Узуклар ҳукмдори” трилогиясидаги юлдузи Энди Серкис 20 апрель куни 60 ёшни қоралади.
Изоҳ (0)