Жаҳонга машҳур юлдузларнинг исм-шарифининг нотўғри талаффуз қилиниши тез-тез учраб туради. Айниқса, актёр ва бошқа санъаткорларнинг келиб чиқиши инглиз тилида сўзлайдиган давлатлардан бўлмаса, бундай хатоликлар одатий ҳолатга айланади.
Жейк Жилленхол
Актёр Америкада туғилиб ўсганига қарамай, унинг ота-онаси асли Швецияликдир. Жилленхол ўзининг ватани ва аждодлари ҳақида доим фахр билан сўзлайди, аммо актёрнинг исми доимо нотўғри айтилади. Аслида унинг фамилияси Йилленхаал деб талаффуз қилинади.
Алисия Викандер
Шведсиялик актриса, продюсер ва раққоса Алисия Викандер Жилленхолдан фарқли равишда ўз ватанида истиқомат қилади. Шунга қарамай, унинг фамилияси барибир бутун дунёда нотўғри айтилади. Тўғри вариант Викампбел бўлади, аммо Алисия мухлисларига фамилиясини шу тарзда талаффуз қилишга мажбурламайди.
Адел
36 ёшли британиялик қўшиқчи Адел мухлислари билан ташкиллаштирган учрашувлардан бирида унинг исмини тўғри айтган фанатлардан бирини мақтаган эди. Маълум бўлишича, исми Адеул тарзида айтилади.
“Қойил! Сиз исмимни мукаммал ва тўғри талаффуз қилдингиз”, дея хурсанд бўлган эди хонанда.
Тревис Келси
Америкалик профессионал футболчи, хонанда Тейлор Свифтнинг қаллиғи Тревис Келсининг исмини айтиш аввалига унчалик ҳам мураккаб эмасдек туюлади, бироқ дунё бўйлаб барча футбол ишқибозлари бу исм талаффузида ҳам доим адашади. Неw Height подкастида унинг отаси футболчининг исми Келс сифатида ўқилиши ҳақида маълумот берган.
Рианна
Барбадослик хонанда Рианна ҳам ушбу рўйхатдан жой олиши ажабланарли, албатта. Ҳозирда хонанда санъатдан кўра асосан ўзининг косметика ва кийим-кечаклар бренди ривожига кўпроқ эътибор қаратаётган юлдузнинг исми Риэнна сифатида айтилади.
Тимоти Шаламе
“Дюна” ва “Вонка” фильмлари юлдузи Тимоти Шаламенинг исми Тимотей сифатида талаффуз қилинади. Аслида унинг француз эканлигини ёдидан чиқарган атрофдагилар унинг исмини кўпчиликка қулай тарзда чақиришга ўрганиб қолган. Шунга қарамай, актёрнинг ўзи бу ҳақда индамайди ва мухлисларидан ранжимайди.
Тейлор Лотнер
“Сумерки” фильмида Жейкоб Блек ролини ўйнаганидан сўнг машҳурликка эришган актёрнинг фамилияси ҳам узоқ йиллар давомида хатоликлар билан айтиб келинган. Бунда актёр ўзини айблайди, чунки Тейлор аввалдан атрофдагиларни тўғриламаган ва унинг номи кино тарихида шундай муҳрланган. Аслида эса унинг фамилияси Лаутнер сифатида айтилади.
Гал Гадот
“Мўжизакор аёл” фильмининг юлдузи, исроиллик актриса Гал Гадотнинг фамилияси Годот сифатида айтилиши тўғридир.
Николай КостерВалдау
Даниялик актёр ва продюсер, “Тахтлар ўйини” фильми орқали машҳур бўлиб, унинг исми Николай Костер-Уолдоу сифатида талаффуз қилинади.
Изоҳ (0)