Бир қанча машҳурлар кино ёки телевидениеда анча муваффақиятли карьерага эга бўлишига қарамай, оддий касбларни танлаб шоу-бизнесни тарк этди. Ўз вақтида таниқли бўлган қуйидаги актёр ва актрисалар ҳозирда нималар билан шуғулланаётгани ҳақида маълумот берамиз.
Мара Уилсон
Мара Уилсон “Миссис Даутфайр”, “34-кўчадаги мўжиза” ва “Матилда” каби фильмларда рол ўйнаб, ёшлигиданоқ шуҳрат қозонган. Кичик актриса ўсмирлик ёшига етгач, унга деярли иш таклиф қилинмай қўйган. Натижада у Голливудни тарк этиб, ёзувчилик фаолияти билан шуғуллана бошлаган.
Алекс Д. Линц
Алекс Д. Линц ҳам болалигидан актёр бўлган. У сериаллардан бошлаб Мишел Пфайффер ва Жорж Клуни бош ролларда ўйнаган “Ажойиб кун” фильмида иштирок этди, сўнгра “Уйда ёлғиз 3” фильмида бош қаҳрамонни гавдалантирди. Улғайгач суратга олиш таклифлари камайиб кетгач, Алекс Голливудни тарк этди ва ҳозирда ҳуқуқшунослик соҳасида фаолият юритмоқда.
Фиби Кейц
“Рижмонт Ҳайдаги бепарво кунлар” ва “Гремлинлар” фильмининг икки қисми орқали машҳур бўлган Фиби Кейц актёрлик фаолиятини тугатишга қарор қилди. Ҳозирда у Нью Йоркдаги Blue Тrее номли бутикни бошқармоқда.
Керин Парсонс
Керин Парсонс Уилл Смит иштирокидаги машҳур “Беверли Ҳиллз шаҳзодаси” сериалидаги Ҳилари Бенкс роли билан танилган. Актриса Голливудни тарк этиб, болаларга афро-америкаликлар тарихини ўргатадиган контент яратувчи Sweet Blackberry номли нотижорат ташкилотга асос солган.
Эндрю Шу
Машҳур актриса Элизабет Шунинг укаси Эндрю Шу “Мелроуз Плейс” сериалининг 191-қисмида рол ижро этган ҳамда бошқа бир қатор кино ва телевидение лойиҳаларида қатнашган. 2006 йилда у бошқа соҳа билан шуғулланишга қарор қилиб, SafeMom веб-сайтининг ҳаммуассисига айланган.
Женнифер Стоун
Женнифер Стоун бир нечта фильм ва сериалларда ролижро этган, хусусан, у “Вейверли Плейс сеҳргарлари” сериалининг 106 та қисмида қатнашган. Шундай бўлса-да, актриса касб ўзгартиришга қарор қилди ва дипломли ҳамшира бўлди. Ҳозирги кунда Женнифер шифохоналардан бирининг тез тиббий ёрдам бўлимида ишлаяпти.
Фрэнки Муниз
2000 йилларнинг бошида Фрэнки Муниз энг машҳур актёр болаларидан бири эди. Унга “Малколм диққат марказида” номли ғоят муваффақиятли оилавий ситком шуҳрат келтирди, ундан сўнг “Агент Кодй Банкс” дилогияси ва бошқа лойиҳалар амалга оширилди. Бироқ актёр яна бир касб — автопойга ҳайдовчиси касбини ўзлаштирди ва фақат вақти-вақти билан актёрликка қайтарди. Шундай қилиб, Фрэнки ҳозирда Дисней компанияси томонидан ишлаб чиқилаётган “Малколм”нинг давомида иштирок этишга рози бўлди.
Брижит Мендлер
Кўпчилик Брижит Мендлерни “Ўзингни тут, Чарли!” сериалидаги асосий роллардан бирини ижро этгани билан танийди. Актриса шоу-бизнесни тарк этиб, Гарвард университетининг ҳуқуқшунослик факультетида юридик фанлар доктори ва Массачусец технология институти медиа лабораториясида фалсафа доктори даражаларини олишга қарор қилди. 2024 йил февраль ойида Брижит ўзининг Northwood Space космик стартапининг бош директори лавозимига тайинланганини маълум қилди.
Рид Александр
“АйКарли” оилавий ситкомининг саккиз қисмида Невел Пепперман образида кўринганидан сўнг кўп ўтмай, Рид Александр актёрлик фаолиятини якунлаб, Insider компаниясининг молиявий мухбири бўлди. Бироқ ўн йил ўтгач, у “АйКарлининг қайтиши” номли янги кўрсатувнинг икки қисмида яна Невел ролини ижро этиш учун қайтди.
Майа Брутон
Майа Брутон “Келажакка қайтиш” фильмида кичик рол ижро этган, “Энаганинг саргузаштлари” фильмида бош қаҳрамонлардан бири сифатида қатнашган ва машҳур ёшлар сериалининг “Паркер Льюис ҳеч қачон йўқолмайди” номли қисмларида ҳам кўринган. Бироқ у актрисаликдан кўра бошқа касбни танлади ва ҳуқуқшунос бўлишга қарор қилди.
Изоҳ (0)