Йўргакданоқ ҳашаматли ҳаёт: бадавлат оилаларда туғилган машҳурлар (фото)

Ҳеч кимга сир эмаски, оддий оилаларда туғилган кўплаб машҳурлар муваффақиятга эришиш учун жуда кўп куч сарфлашган. Баъзилар эса ҳеч нарса қилишлари шарт эмасди: улар ўз карьераларини бошлаб олишлари учун ота-оналари катта пул сарфлашган.

Тимати

“Жаноб Black Star, тилла бола, йўргакданоқ ҳашаматда яшашга одатланган” — Тиматининг машҳур “Клубда” ҳитидаги ушбу сатрни эслайсизми? Агар рэпер бу жумлани шунчаки қўшган деб ўйласангиз, адашасиз: у ўзи ва бадавлат оиласи ҳақида гапирган. Тимати ҳеч қачон отаси жуда бадавлат тадбиркор эканлигини яширмаган. Машҳур рэпернинг отаси — Илдар Юнусов ресторан бизнеси билан шуғуллангани ҳақида миш-мишлар тарқалган, шунингдек, унинг бизнеси нефть ишлаб чиқариш билан боғлиқ деб ҳам тахмин қилишади. Хонанда бу гапларни тасдиқламаган, лекин бу версияларни рад этмаган ҳам.

Рэпернинг оиласи унга жуда кўп имкониятлар яратиб берганига қарамай у отасига мустақиллигини исботлаб, катта муваффақиятларга эришди. Бугунги кунда Тимати нафақат мусиқачи, балки кийим-кечак ишлаб чиқариш, сартарошхоналар ва бургер ресторанлари тармоғини ривожлантириш билан муваффақиятли шуғулланаётган мамлакатнинг асосий тадбиркори ҳам.

Кейт Миддлтон

Кейт Миддлтон оддийгина қиз бўлган. У шаҳзодани ўзига мафтун этиб, Кембриж герцогинясига айланди. Чиройли сўзлар, аслида эса ундай эмас: Кейт Миддлтоннинг ота-онаси миллионер бўлган.

Бўлажак маликанинг онаси стюардесса бўлиб ишлаган, отаси эса авиадиспетчер бўлган. Кетриннинг отаси бўлажак рафиқаси билан учрашгандан сўнг, British Airways учувчиси бўлади. Кейинчалик у рафиқаси билан бирга байрамлар учун керак бўлган ҳамма нарсани сотишга ихтисослашган Party Pieces компаниясини очишга қарор қилади. Корхона шу қадар муваффақиятли бўладики, у оилага катта даромад келтира бошлайди. Шундай қилиб, бўлажак герцогиня ҳашамат ва фаровонликда ўсади.

Ота-онаси Кейтнинг ўқишига жуда кўп пул сарфлашади. Миддлтон зодагон оиладан бўлмаса ҳам, унинг хулқ-атвори ва таълими бошқа аристократлардан қолишмасди. Шундай қилиб, Кембриж герцогинясини бир вақтлар “оддийгина инглиз қизи” бўлган дейиш адолатдан бўлмайди.

Тейлор Свифт

Ота-онаси Тейлор Свифтнинг шахс сифатида ривожланишига нафақат бор меҳрини, балки катта миқдорда пулларини ҳам сарфлашган. Замонамизнинг энг муваффақиятли қўшиқчиларидан бири энг яхши таълим муассасаларида таҳсил олган. Карьера ҳақида қарор қабул қилиш вақти келганда малласоч қиз хонанда бўлиш истагини билдирганда дадаси унга овоз ёзиш компаниясини совға қилади.

Big Machine Recordsʼни очишдан олдин Скотт Свифт ўша пайтдаги Американинг энг йирик банкларидан бири бўлган Merrill Lynchʼда молиявий маслаҳатчи бўлган. Свифт хоним эса инвестиция фондининг тижорат бўлимини бошқарган. Бир сўз билан айтганда, Тейлорнинг оиласи бадавлат бўлган.

Хонанда ота-онасининг ишончини оқлади, оилавий капиталини сезиларли даражада ошириб, ўз соҳасида юқори чўққиларни забт этди. Ҳозирда унинг ўзи миллионер, дадаси қизига ўша овоз ёзиш компаниясининг иши бўйича фойдали маслаҳатлар бериб боради.

Кристен Стюарт

Ота-онасининг шарофати билан Кристен Стюарт бешикданоқ кино саноатининг нозик томонларини биларди ва том маънода суратга олиш майдончасида ишлашга маҳкум эди. Онаси актриса Жюл Ман Стюартнинг сценарий бўйича бош директор ва режиссёр ёрдамчиси бўлган. Отаси Жон ҳам режиссёр, ҳам продюсер бўлиб ишлаган. Бир сўз билан айтганда, оила фаровонликда яшаган.

Кристен катта бўлган уй Голливуд тепаликларида жойлашган ва деярли 2 миллион долларга баҳоланган. Стюарт ўзини ҳеч нарсадан чекламасликка одатлангани ажабланарли эмас, албатта.

Йиллар ўтиб, Кристен машҳур “Сумерки” фильмидаги роли туфайли дунёга машҳур бўлди ва ўзи 100 миллион доллардан ошиқ бойлик орттирди.

Женнифер Энистон

Женнифер Энистон актёрлар оиласида туғилган ва ёшлигиданоқ ўз ҳаётини шу касб билан боғлашини биларди. Бир вақтлар машҳур бўлган Жон Энистон ва Ненси Доу қизи ўз йўлини топиб кетиши учун қўлидан келган ҳамма нарсани қилишади. Машҳур ота-она қизига бахтли болаликни тақдим этишади, унга энг яхши таълим беришади, лекин улар мустаҳкам оилага эга бўлишолмайди: Жен 9 ёшга тўлганда ота-онаси ажрашишади.

Ота-онаси ажрашгандан сўнг Жен онаси билан алоқани бутунлай узади. Йиллар ўца ҳам ярашмайди. Бундан ташқари, Ненси очиқчасига қизининг номини сотиб, пул ишлашга ҳаракат қилади — қизи ҳақида ҳикоялар ёзилган хотира китоб нашр этади, ҳеч нимани яширмай интервьюлар беради. Она ва қиз ўртасидаги муносабатлар Ненсининг ўлимига қадар жуда ёмон бўлган.

Ота-онасининг молиявий ёрдами билан Женнифер муваффақиятли кино карьера бошлашга муваффақ бўлганини инкор этиб бўлмайди.

Анжелина Жоли

Женнифер Энистон сингари Анжелина Жоли ҳам бадавлат актёрлар оиласида туғилган ва ҳеч қачон муҳтожлик нималигини билмаган. Бўлажак супер юлдузнинг ота-онаси Маршелин Бертран ва Жон Войт қизи ва ўғли Жеймсдан ҳеч нарсани аяшмасди.

Қизиғи шундаки, Жоли ва Энистоннинг тақдири ҳам ўхшаш, чунки энг яқинлари билан муносабатлари яхши бўлмаган. Жоли онасини жуда яхши кўради, лекин ўсмирлик даврига киргунга қадар оиласини ташлаб кетган отаси билан умуман келишолмайди.

Оила фаровонлиги ва карьерасидаги илк муваффақиятлари отаси билан боғлиқ муаммолар туфайли Жолини хурсанд қилмайди. Кейинчалик ота ва қиз ярашишади. Уларнинг муносабатлари қанчалик ёмон бўлмасин, актриса ёрқин карьерасини юлдуз отаси туфайли бошлаганини инкор этиб бўлмайди.