Америкалик журналист ва миллиардер Жефф Безоснинг аёли Лорен Санчес қиз базмини ҳақиқий Голливуд кечаси услубида нишонлади.
Тадбир 15 май куни Париждаги Lafayetteʼs ресторанида бўлиб ўтди, у ерда Лоренни Ким Кардашьян, Кети Перри, Крис Женнер ва Ева Лонгория каби яқин дўстлари кутиб олди. Базмда меҳмонлар кечки овқатдан баҳраманд бўлишди, рақсга тушишди ва Санчес учун пиширилган безели ванил торт билан гўзал оқшомни якунлашди.
Лорен кеча учун икки қатор олтин тугмали либос танлади. Ким Кардашьян эса бронза рангдаги гипюр корсетда, хонанда Кети Перри ёрқин пушти рангли кўйлакда пайдо бўлди.
Санчес Instagram саҳифасида тадбирдан бир нечта суратларни жойлаштириб, уларни “Абадият дўстликдан, қоронғи пайтларда йўлимни ёритган ва бу йўлда қалбимни шакллантирган аёллар даврасидан бошланади” деб изоҳ қолдирди.
Жуфтлик тўйни 24-26 июнь кунлари Венецияда нишонлашга қарор қилган. Венеция мэри Луижи Бруняронинг таъкидлашича, маросим шаҳарнинг ҳар йили минглаб сайёҳлар ташриф буюрадиган тарихий масканида бўлиб ўтади ва бу тўйда тахминан 200 нафар меҳмон қатнашиши кутилмоқда.
Изоҳ (0)