Пластик жарроҳлик бизнинг давримизда шу қадар тараққий этганки, унинг ёрдамида инсонлар жуда қисқа вақт ичида таниб бўлмас даражада ўзгариши мумкин. Баъзи юлдузлар ўз услубларини ана шу усулда, бошқалар эса спорт ва косметик муолажалар орқали идеал параметрларга ўзгартиради.
Дейв Батиста
Америкалик актёр Дейв Батиста бир неча ҳафта аввал Торонто кинофестивалида ўзининг янгиланган ташқи кўриниши билан барча мухлисларини ҳайратда қолдирди: кино юлдузи бир йилда 34 килограммдан халос бўлган эди. Мухлислар ҳатто Дейвнинг саломатлигидан хавотирлана бошлади, аммо у ҳаммаси яхши эканини айтди:
“Менда ортиқча вазн кўпайиб кетгани учун озишга қарор қилдим. Чунки турли ролларни ижро этиш учун жуда хунук кўринишга келган эдим. Доимий қовурилган картошка ва қуймоқ, фастфуд кабилар туфайли вазним 142 килограммга етган эди. Ҳозирда ўз ташқи кўринишимдан мамнунман”, деди Батиста.
Машин Ган Келли
Актриса Меган Фокснинг қаллиғи, мусиқачи Машин Ган татуировкалар ишқибози. 2024 йил февралига қадар унинг танасида 90 га яқин суратлар туширилган эди. Сўнг Келли уларнинг бир қисмидан халос бўлишга қарор қилди. Йўқ, у татуировкаларни ўчирмади, шунчаки уларни яна бир қатлам тату билан ёпиб ташлади.
Бунинг учун мусиқачига икки ойдан кўпроқ вақт керак бўлди. Татуларни чизиш учун ҳафтада тўрт кун, кунига олти соатдан вақт кетди. Юлдузнинг сўзларига кўра, бу амалиёт ўтмишдан ва аввалги хотираларидан воз кечишнинг бир йўли бўлган.
Кристина Агилера
Америкалик қўшиқчи Кристина Агилера бугунги кунда ўз вазнига жиддий эътибор қаратиб келмоқда. Ижтимоий тармоқлардаги сўнгги фотосуратлар буни тасдиқлайди. Бир неча йил аввал хонанда фарзандли бўлгани, ажрашгани ва отасининг ўлимидан ташқари, карьераси билан боғлиқ муваффақиятсизлик сабаб 30 килограмм вазн тўплаган ва йога ёрдамида ундан халос бўлган. Қўшиқчининг сўзларига кўра, озишдаги энг асосий қоида бу — интизом.
Кристинанинг диетасида ширинликлар ёки нон маҳсулотлари йўқ ва кунига 1600 килокалориядан ортиқ истеъмол қилмайди. Шунингдек, юлдуз мунтазам равишда ёга ва бокс билан ҳам шуғулланади.
Зак Эфрон
Яқинда интернет фойдаланувчилари Эфроннинг ташқи кўриниши сезиларли даражада ўзгарганини пайқади. Актёрнинг ўзи икки йил аввал жағи синганидан кейин юзи шакли ўзгарганини айтган эди. Шунингдек, юз кўринишини эстетик жиҳатдан янада яхшилаш учун актёр ботокс терапиясига мурожаат қилди.
Кендал Женнер
Кардашянлар ва Женнерлар оиласи мухлисларини ҳайратда қолдиришдан чарчамайди. 28 ёшли америкалик супермодел Кендал Женнер Париж мода ҳафталигининг очилишида янги образ билан намоён бўлди. Малласоч аёл образи моделга ярашганини кўплаб иштирокчилар эътироф этди.
Изоҳ (0)