Женнифер Энистон 56 ёшда: актрисанинг онаси билан жанжали, муваффақиятсиз никоҳлари ва нега фарзандли бўлолмаслиги ҳақида

Дунёнинг энг бой актрисаларидан бири, истеъдодли комедия устаси, “Эмми” ва “Олтин глобус” мукофотлари соҳибаси, йиллар таъсир қилмаган гўзал аёл Женнифер Энистон 11 февраль куни 56 ёшини ёлғиз нишонлади.

У онаси хунук деб атаган комплексли қиздан миллионлаб мухлислар қалбининг эгасига айланди. Бироқ машҳур актриса 60 ёш арафасида қизил гиламда ёлғиз ўзи, унинг атрофида ғийбатлар тўлиб-тошган, ҳатто АҚШнинг 44-президенти Барак Обама билан ишқий муносабатлари ҳақида миш-мишлар урчиган.

Женнифер Энистоннинг болалиги ва “Дўстлар” сериалидаги муваффақияти

Бўлажак юлдуз 1969 йил 11 февралда Калифорниянинг Шерман-Окс шаҳрида грек миллатига мансуб актёр Жон Энистон ва модел Ненси Доу оиласида туғилган.

Унинг иккита акаси бор: каттаси Жон ва кичиги Алекс. Қиз 9 ёшида ота-онаси ажрашади, у онаси билан қолади, бироқ Лос-Анжелесга кўчиб, “Ҳаётимиз кунлари” сериалида рол ўйнаётган отасини тез-тез йўқлаб турарди.
 
Мактаб тўгарагидаёқ намоён бўлган истеъдоди ва отасининг муваффақиятларига қарамасдан, Женнифернинг актриса бўлиш орзуси дарров рўёбга чиқмайди.

У Нью Йоркдаги LaGuardia санъат мактабини тамомлаган, лекин фақат кино ва саҳнада кичик ролларни ўйнаган ва тирикчилик учун бошқа касбларда ҳам ишлаган — курер, официант, сотувчи, котиб сифатида.

Вақт ўтиши билан у Голливудга кўчиб ўтиш учун пул йиғади ва ўзига агент топади. Кино саноатининг шафқатсиз дунёси биринчи навбатда уни озишга мажбур қилиб, кейин эса кастинглар билан шуғуллана бошлайди. 1990 йилда Энистон “Кукамонг лагери” фильмидаги образи туфайли режиссёрлар эътиборига тушади. Кейинчалик “Лепрекон” фильми ва сериалларининг бир нечта эпизодларида ҳам рол ўйнайди.

Омади келмаганидан умидсизликка тушган Женнифер ҳаммасидан воз кечишга қарор қилганида, тўсатдан “Дўстлар” сериали ижодий жамоасига қўшилади. Шу пайтдан бошлаб унинг ҳаёти кескин ўзгаради. У ўшанда 25 ёшда эди ва янги лойиҳа катта муваффақият келтиради.

Рейчел Грин образи гўё актрисага ёпишиб олгандек эди, олдинда унга ўхшаш кўплаб қаҳрамонлар — гўзаллар, модапарастлар, ёқимтойлар, ўз севгисини излаётган тиниб-тинчимас оптимистлар бор эди.

Женнифер Энистоннинг онаси билан можароси бир умрга из қолдирди

Улғайган санъаткор болалигини истар-истамас эслайди. Онаси билан муносабатлари унинг учун жароҳатли бўлиб, кўплаб комплексларни келтириб чиқарди. Ёшлигидан ота-онаси қизининг ташқи камчиликларини кўрсатган, шундан кейин актриса ўзини “очиқчасига хунук” деб ҳисоблай бошлаган.

Жен жамиятни гўзаллиги билан ўзига жалб қила олмаслигини тушуниб, мактабда гот услубида кийинар, дислексия туфайли зўрға ўқир ва уйда онасидан янги-янги “мақтовлар” эшитарди. Ўтмишда моделлик қилган онаси ўз жозибадорлигини билган ҳолда, амалда қизига нисбатан қўпол муносабатда бўларди.

Агар онам менга қанчалик хунук эканлигимни айтмаганида, балки ҳаммаси бошқача бўларди,” деб тан олади Энистон Ванитй Фаир журналистига.

Очиқ интервьюлар туфайли онаси билан шундоқ ҳам кескин муносабатлар 1996 йилда Доунинг машҳур қизи ҳақида кўплаб ортиқча гапларни айтиб, ёмон кўрсатган хотираларини нашр этганида узил-кесил бузилади.

У гонорарларни санаб ўтирганида, Женнифер папарацсидан яшириниб, шармандаликдан зўрға қутуларди. Ушбу оммавий камситишдан сўнг, юлдуз 20 йил давомида ота-онаси билан алоқани узади.

Ўлимидан сал аввал Дуо қизи билан ярашишга ҳаракат қилади. Аммо Энистонни васиятномасида тилга ҳам олмайди, қизи эса унинг хокини крематорийдан олишни истамайди.

Муваффақиятсиз никоҳлар ва ишқий муносабатлар, хиёнатлар ва фарзанд орзуси

“Дўстлар”нинг муваффақиятидан сўнг Женнифер карьерасида пасайиш кузатилмайди, у ҳали ҳам талабгир ва жуда машҳур эди. Ёрқин фотосуратлардаги бахтли табассум ортида нафақат оилавий фожиа, балки шахсий ҳаётдаги муаммолар ҳам яширинганди — севгилисига хиёнат ва бепуштликка қарши кураш.

Миллионлаб долларлар ва мухлислар оила ўрнини боса олмасди. Энистон оила қуришга уриниб кўрди, лекин ўзига мос келадиган йигитни тополмади. Актрисанинг биринчи йигити “Феррис Буллер” сериалидаги ҳамкасби Чарли Шлеттер бўлган.

“Дўстлар” фильмидаги ҳамкорликдан сўнг, Тейт Донованнинг экрандаги севгилиси ҳақиқатга айланди. Аммо у қўлини сўраши биланоқ Жен ажралишга қарор қилди.

Кейин Энистоннинг ҳаётида Голливуднинг келишган актёри Бред Питт пайдо бўлди. Уларни аслида пиар учун агентлари таништирганди, аммо бир йилдан сўнг машҳурлар тўйга миллион доллардан ортиқ пул сарфлаб, турмуш қуришади.

Журналистлар бу жуфтликни жуда яхши кўришар, уларнинг муносабатларида уйғунлик бордек туюларди, лекин Питт “Жаноб Смит ва Смит хоним” фильмининг суратга олиш жараёнларида Анжелина Жолини севиб қолади. Уларнинг никоҳи беш йил давом этади.

Кимдир Жолини айрилиққа сабабчи деб билса, кимдир гўё эрига фарзанд туғиб беришни истамаган — қомати ва карьераси учун қўрққан Энистонни айбларди. Аслида эса актриса ҳомила тушиши, муваффақиятсиз ЭКО муолажалари, шифокорлар ҳузурига тинимсиз ташрифларни бошидан ўтказганди.

Тез орада юлдуз оммага ўзининг бепуштлиги ҳақида маълум қилишга қарор қилади. Женнифернинг сўзларига кўра, айнан ташхис ва тан олиш унинг елкасидан юкни енгиллаштириб, ва ниҳоят енгил нафас олиб шунчаки яшашга имкон берди.

Пластир-эркаклар ва янги хиёнаткор эр

Ташлаб кетилган юлдуз ўзини эркаклар макрининг қурбони сифатида кўрсатиб, ажралишни оғир кечирди. Чамаси, бу азобни унутиш учун у “Америкача ажралиш” фильмидаги ҳамкасби Винс Вон билан тезда муносабат ўрнатди.

Улар доим жанжаллашар, фақат бир йилдан кейингина ажралишади. Энистон жуда кўп эркаклар билан муносабатлар боғлаган, жумладан Оуэн Уилсон, Брюс Уиллис, Девид Швиммер, Бредли Купер, Метю Перри ...Ҳатто актрисанинг АҚШ собиқ президенти Барак Обама билан алоқаси ҳақида ҳам миш-мишлар юради.

Бу тахминнинг бемаънилигига ва сиёсатчининг рафиқаси борлигига қарамай, ғийбатлар ҳозиргача нашриётларни мунтазам равишда қизиқтиради.

Турмуш ўртоғи ўрнига — қадрдон дўст

Женнифер Энистоннинг энг ишончли партнёрларидан бири комедиячи Адам Сендлер эди. Улар бир неча бор фильмларда бирга суратга тушиб, аста-секин дўстлашишади.

Сендлер ва унинг рафиқаси Жеки Титоун ҳомиладор бўлишга бўлган беҳуда уринишлар, севгидаги муваффақиятсизликлар ҳақида билишар эди ва ҳар доим Женнини қўллаб-қувватлаб, ҳар йили оналар кунида унга гуллар юборишади.

Энистоннинг яна бир дўсти ва кинодаги шериги Жейсон Бейтман бор. Унинг севгилиси Amanda Анка ҳам ОАВда ҳамкасбларнинг бирга дам олаётгани акс этган суратлар пайдо бўлса ҳам рашк қилмайди.

Улар анча йиллардан бери бирга саёҳат қилишади, зиёфатларда қатнашишади бундан ташқари бир-бирлари билан сирларини баҳам кўришади ва ўзлари айтганидек, улар ҳеч нарсани ўзгартирмоқчи эмас.

Женнифер Энистон ҳозирда шахсий ривожланишига эътибор қаратган. Актрисанинг айтишича, баъзида муносабатларни орзу қилади, лекин уларни асосий мақсадга айлантирмайди.