Ўзбек шоу-бизнесида бир-бири билан қариндошлик ришталарини боғлаган ижодкорлар кўплаб топилади. Қуйида бир-бирига қариндош эканини кўпчилик билмайдиган машҳурлар ҳақида сўз юритамиз.
Зиёда ва Отабек Мадраҳимовлар
90 йилларнинг машҳур хонандаси Отабек Мадраҳимов таниқли балетмейстер, Ўзбекистонда хизмат кўрсатган артист Зиёда Мадраҳимованинг ўғли ҳисобланади. У тўққиз йилдирки, оиласи билан АҚШнинг Филадельфия шаҳрида истиқомат қилади. Хонанда океан ортида логистика компаниясини ташкил қилган. Компания жуда катта бўлиб, унинг Тошкентда ҳам филиали бор.
Дилором Каримова ва Малика Иброҳимова
Ўзбекистон халқ артистлари Дилором Каримова ҳамда Малика Иброҳимованинг опа-сингил эканлигини кўпчилик билмаса керак. Дилором Каримова 1948 йилнинг февраль ойида, Малика Иброҳимова эса 1949 йилнинг октябрида таваллуд топган. Бу икки устоз санъаткорлар мактабда бир вақтда таҳсил олган.
Дилноза ва Темур Кубаевлар
Кино ва театр актрисаси Дилноза Кубаева оилада ягона қиз бўлиб, икки акаси ва бир нафар укаси бор. Укаси Темур Кубаев опасининг касбини танлаган. У бугунги кунда телебошловчи ва актёр сифатида ўз мухлисларини топиш йўлида фаол ижод қилмоқда. Темур “Дайди қизнинг дафтари” сериалидаги Акмал образи билан томошабинлар эътиборини қозонган.
Дилфуза Раҳимова ва Шаҳло Рустамова
Ўзбекистонда хизмат кўрсатган артист Дилфуза Раҳимова ҳамкасби билан овсин бўлган. У ва хонанда Шаҳло Рустамова фарғоналик ака-укаларга турмушга чиққан.
Хосият Ҳусанова ва Жаҳонгир Тешабоев
Фото: Instagram
Ўзбекистонда хизмат кўрсатган артист Хосият Ҳусанова ёлғиз қизини ёш актёр Жаҳонгир Тешабоевга турмушга берган. Бу актёр томошабинларга “Қадам” сериалидаги салбий роли билан яхши таниш. Ҳозирда жуфтликнинг бир ёшли ўғиллари бор.
Зуҳра Ашурова ва Мадина Мухторова
Фото: Instagram
Ўзбекистон халқ артисти Зуҳра Ашурова ҳамкасби Мадина Мухторовага келинойи ҳисобланади. Яъни Зуҳра Ашурованинг турмуш ўртоғи Қаҳрамон Ашуров Мадина Мухторованинг акаси.
Азиза Бегматова ва Иззат Шукуров
Хонанда Иззат Шукуровнинг отаси бир пайтлар машҳур “Тож” гуруҳининг солисти бўлган Тожибой Шукуров экани барчага маълум. Аммо Иззат Шукуровнинг она томондан бувиси Ўзбекистон халқ артисти эканини кўпчилик билмаслиги аниқ. У ўзбекнинг чечаси бўлган актриса Азиза Бегматованинг суюкли набираларидан бири ҳисобланади.
Зарина Низомиддинова ва Камола Орипова
Фото: Instagram
Instagram’да миллионлаб кузатувчилаига эга блогер Камола Орипова актриса Зарина Низомиддинова билан холавачча ҳисобланади.
Ойбек Султонов ва Шаҳзод Султонов
Фото: Instagram
Ёшларнинг севимли актёри бўлган Шаҳзод Султонов бир пайтлар “Зилола” қўшиғи билан танилган хонанда Ойбек Султоновнинг ўғли.
Исмоиловалар оиласи ва Бахтиёр Юсупов
Фото: Instagram
Маҳмуд ва Шоҳида Исмоиловаларнинг уч нафар қизлари бор. Уларнинг куёвларидан бири Ўзбек Миллий академик драма театрининг актёри Бахтиёр Юсуповдир.
Жавлон Шодмонов ва Рашид
Фото: Instagram
“Виа Мароканд” гуруҳи хонандаси Рашид продюсери Жавлон Шодмоновнинг қайнукаси бўлади. Гарчи Рашид ишда қариндош-уруғчиликка йўл қўйилмаслигини таъкидласа-да, унинг гуруҳга қабул қилиниши шунчаки тасодиф эмас.
Даврон Кабулов ва Жамшид Умаров
Фото: Instagram
Даврон Кабулов “Афрўз” гуруҳи хонандаси Жамшид Умаровнинг божаси бўлади. Жамшид оиланинг тўнғич қизига, Даврон Кабулов эса кенжа қиз Эъзозахонга уйланган.
Мунаввара Абдуллаева ва Дилдора Умарова
Фото: Instagram
“Алпомиш” фильмидаги Ойбарчин роли билан томошабинларга таниш бўлган актриса Дилдора Умарова Ўзбекистонда хизмат кўрсатган ёшлар мураббийи Мунаввара Абдуллаеванинг қизи ҳисобланади. У актрисалик фаолиятидан ташқари, онаси сингари ёш истеъдод эгаларига сабоқ беради.
Диёр Бекжонов ва Жаҳонгир Хўжаев
Фото: Instagram
“Аристократлар шоу”си билан томошабинларга яхши таниш бўлган Диёр Бекжонов дўсти Жаҳонгир Хўжаев билан муносабатларини янада мустаҳкамлаш мақсадида унинг холаваччаси билан оила қурган. Бундан аёнки, Бекжоновлар ва Асалхўжаевалар оиласи қудалар ҳисобланади.
Муниса Ризаева ва Паризод Бўрихўжаева
“Тоҳир ва Зуҳра” фильмида Зуҳра образини ижро этиб, томошабинлар меҳрини қозонган актриса Паризод Бўрихўжаева Муниса Ризаевани тоғасининг рафиқаси ҳисобланади. Паризод Бўрихўжаева айни пайтда 4 фарзанднинг онаси. Актриса чақалоқларни суратга тушириш билан шуғулланади.
Паризод Бўрихўжаева 141 минг кузатувчидан иборат Instagram саҳифасига қайнсинглиси Муниса билан тушган суратларини тез-тез жойлаб туради.
Озодбек Назарбеков ва Ёрқинхўжа Умаров
Ёрқинхўжа Умаров 2023 йилда Озодбек Назарбековнинг қизи Зиннурага уйланди ҳамда маданият вазирининг куёвига айланди.
Изоҳ (0)