Канн кинофестивалининг доимий иштирокчилари рўйхатига саноқли аёллар киради. Бу, албатта, Айшвария Рай, супермодел Белла Ҳадид ва турк актрисаси Ҳанде Эрчел.
“Қалбим эшигини қоқ” сериалининг юлдузи Pomellato брендининг таклифига биноан Европа кинофестивалига учиб келди. Бренд Круазетт соҳилидаги қизил гиламда заргарлик санъатининг эксклюзив безакларини намойиш этди. Ва Pomellato брендининг амбассадори Ҳанде ҳар сафар уларни ажойиб тарзда намойиш этади.
Ҳанде Эрчел Канн кинофестивали доирасида “Уддалаб бўлмас топшириқ: якуний жазо” фильми премерасида иштирок этди. Тақдимот маросимига актриса Giambattista Valliʼнинг кутюр коллекциясидан пушти патлар билан безатилган кўйлакда келди.
Нозик қўшимча сифатида Aquazzura’дан шаффоф кўринмас пойабзаллар ёрқин образга мукаммаллик бағишлади.
Ҳанденинг бу янги образига Pomellato маржони янада тантанаворлик бахш этди. “Аквамарин орзуси” олий заргарлик санъати тўпламидаги дурдоналар: 37,98 қирот оғирликдаги занжир ва 15,95 қирот оғирликдаги кулон билан безатилган бўлиб, улар Ўрта ер денгизининг мафтункор мовийлигини акс эттиради.
Изоҳ (0)