Қўшиқчиларнинг гастрол сафарлари мода брендларининг асосий ютуқларининг ўзига хос намойиши ҳисобланади. Улар орасида Бейонсе, Тейлор Свифт ва Адел ажралиб туради. Қизиғи шундаки, уларнинг ҳеч бири бирор бренд билан шартнома тузмаган. Аммо улар ҳашаматли брендларнинг миллионлаб долларлик даромад топишида катта таъсир ўтказади.
Бейонсе
Ушбу рўйхатнинг сўзсиз етакчиси — Бейонсе. Унинг Renaissance Тоur концерт дастури нафақат мусиқа тарихидаги энг юқори даромад келтирувчи гастрол, балки мода брендларининг асосий ютуқларининг ўзига хос намойишига айланди. Хонанда ушбу гастрол сафарига ўзи билан бир қанча либос олган: ҳар бир концертда бир нечта янги образда пайдо бўлади. Қизиғи шундаки, юлдуз жамоаси нафақат Аlexander McQueen, Alaïa вa Loewe каби таниқли брендларни, балки машҳур бўлмаган брендларни ҳам қўллаб-қувватлайди — масалан, Грузиянинг Situationist ва Россиянинг Yaspis бренди шулар жумласидан. Юлдузнинг концертда қандай кийиниши ҳар қандай бренд учун ажойиб реклама ҳисобланади. Launchemetrics хизматига кўра, Аlехаnder МcQueen ва Tiffany & Cо. Renaissance Тоur’дан ҳар бири 7 миллион долларлик фойда кутмоқда. Албатта, бу фақат тахминий рақамлар, аммо улар юлдузнинг саноатга таъсир кўламини баҳолашга имкон беради.
Тейлор Свифт
Тейлор Свифт нафақат кино саноатини (унинг концерт-фильми Тейлор Свифт: Тhе Eras Тоur чипталар сотувидан 37 миллион доллар ишлаб топган), балки мода саноатини ҳам қутқармоқда. Асосий бенефициар — Versace. Италия бренди Eras тур костюмларидан 6,3 миллион доллар даромад олишни кутмоқда. Роберто Кавалли ва Зуҳаир Муроднинг омадлари бир оз келмаган: Launchemetrics маълумотларига кўра, қўшиқчининг чиқиши уларга мос равишда 4,9 ва 2,3 миллион доллар келтирди.
“Бейонсе ва Тейлор Свифтнинг гастроллари брендлар учун миллионлаб одамларга эришиш, мисли кўрилмаган имкониятларга эга бўлиш ва ўз брендини мухлислар ва кенг жамоатчиликка етказиш учун мукаммал платформадир”, — дейди Launchemetrics.
Адел
Аделнинг саҳна гардероби бир оз ўхшаш: у қора либослардан иборат. Бироқ бу унинг севимли силуэтининг янги талқинларини таклиф қиладиган турли хил дизайнерларни қўллаб-қувватлашига тўсқинлик қилмайди. Prada, Valentino, Givenchy, Nina Ricci va Schiaparelli — бу рўйхатнинг фақат бир қисми холос. Қайсидир маънода қора либослар юлдуз таассурот қолдириш учун қўшимча махсус эффектларга муҳтож эмаслигини англатади. Эҳтимол, томошабинлар эътиборини асосий нарса — мусиқадан чалғитмаслик учун шундай қилинар. Шунга қарамай, унинг ҳар бир саҳна образи фаол муҳокама қилинади.
Изоҳ (0)