Баъзида кореялик юлдузларга ҳам осон эмас — агентликлар нафақат уларнинг имижини, балки шахсий ҳаётини ҳам назорат остига олади. Бироқ бу машҳурлар шахсий муносабатларни уйғунлаштиришга муваффақ бўлишган.
Рейн ва Ким Тхе Хи
Бу жуфтлик Жанубий Кореянинг шоу-бизнес саноатида энг юқори ўринни эгаллайди. Улар 2017 йилда турмуш қуришган, ҳозирда икки қизни тарбиялашмоқда. Жуфтлик юлдузлик карьерасини оилавий ҳаёт билан қандай уйғунлаштириш мумкинлигини намойиш этмоқда. Дунёга машҳур қўшиқчи ва актёр Рейн ҳамда Жанубий Кореянинг энг кўп маош олувчи актрисаларидан бири Кимнинг тахминий соф капитали 100 миллион АҚШ долларидан ошади.
Эр-хотин кўчмас мулкка фаол сармоя киритмоқда. Масалан, Рейн 5,3 миллион АҚШ доллари қийматидаги виллага, ҳатто Сеулнинг бадавлат туманида олти қаватли савдо марказига эгалик қилади. 2022 йилда Рейн гўёки хотинига хиёнат қилгани ҳақида миш-мишлар тарқалади, аммо уларнинг никоҳ ҳали ҳам мустаҳкам.
Сон Е Жин ва Хён Бин
Экрандаги муҳаббат реал ҳаётга кўчган ҳолат. Юлдузлар “Севги самодан тушади” драмаси суратга олиш майдончасида севишиб қолади. 2022 йил март ойида улар турмуш қуришади. Уларнинг тўйи ва фарзандининг туғилиши сўнгги пайтларда Корея шоу-бизнес саноатидаги энг ёрқин воқеага айланди.
Иккаласи ҳам ўз иши учун катта гонорар оладиган биринчи даражали актёрлар: Сон Е Жин ҳар бир эпизод учун тахминан 250 000 АҚШ доллар, Хён Бин ҳам худди шундай ставкага эга. Актёрлар Valentino ва Том Форд каби ҳашаматли брендлар билан ҳам ҳамкорлик қилади.
Чхве Тхе Чжун ва Пак Шин Хе
Бу юлдузлар коллежда бирга ўқишган, 2017 йилда эса учраша бошлашган. 2022 йилда никоҳдан ўтишади. Орадан бир неча ой ўтгач, уларнинг биринчи фарзанди дунёга келади.
Иккала муваффақиятли актёр ҳам айниқса ёш корейс томошабинлари орасида машҳур.
Ли Бён Хон ва Ли Мин Чжон
Кореянинг энг машҳур жуфтликларидан бири Ли Бён Хон ва Ли Мин Чжон 2013 йилда турмуш қурган. Улар 2015 йилда ўғил, 2023 йилда қиз фарзандли бўлишди.
Улар ўртасида 12 ёш фарқ бор, аммо бу уларга ҳеч қандай тўсқинлик қилмади. Улар танишганда Ли Бён Хон аллақачон машҳур юлдуз бўлган, Ли Мин Чжон эса эндигина фаолиятини бошлаганди. Бён Хон Голливудда “ГИ Жоэ: Тҳе Cobра Тҳроw” (2009), “ГИ Жоэ: Ревенге” (2013) ва “Терминатор: Генесис” (2015) каби йирик лойиҳаларда рол ўйнаган. У, шунингдек, “Калмар ўйини” сериалидаги роли билан танилган.
Чо Чжон Сок ва Гамми
Бу жуфтлик Кореядаги энг севимли жуфтликлардан бири. Актёр ва қўшиқчини 2013 йилда умумий таниши учраштирган. 2015 йилда муносабатларини ошкор қилгунга қадар бир неча йил давомида муносабатларини сир сақлаган. 2018 йилда Чо ва Гамми турмуш қуришаётганини эълон қилишади. Катта тантана ўрнига, улар тўйни камтарона ва тинч ўтказишга қарор қилишади.
2020 йил август ойида эр-хотин қиз фарзандли бўлди. Улар карьераларини тўхтатишмади, ҳар доим бир-бирларини қўллаб-қувватлашади. Масалан, Чо кўпинча хотинининг мусиқасини тинглашини, Гамми эса эри рол ўйнаган дорамаларни яхши кўришини айтади.
Ким У Бин ва Шин Мин А
Бу севимли жуфтликнинг босиб ўтган йўли Корея шоу-бизнес саноатидаги энг таъсирли ҳикоялардан биридир. 2015 йилдан бери учрашиб юрган Ким Ву Бин ва Шин Мин А бир-бирига бўлган садоқати билан танилган: Кимда бурун-ҳалқум саратони аниқланади. Шин бутун даволаниш ва тикланиш курси давомида унинг ёнида бўлиб, ўзининг доимий қўллаб-қувватлаши билан ҳамманинг олқишига сазовор бўлди.
Жуфтликнинг иккаласи ҳам муваффақиятли актёр ва модел бўлиб, телевидение, кино ва мода соҳасида ёрқин карьерага эга.
Изоҳ (0)