Америкалик актёр, бодибилдингчи ва сиёсатчи Арнольд Шварценеггернинг ўғли Кристофер Шварценеггер биргина маҳсулотдан воз кечгани туфайли 14 килограмм вазн йўқотди. Бу ҳақда People журнали хабар бермоқда.
Таъкидланишича, 27 ёшли меросхўр Лос-Анжелесда бўлиб ўтган Beacher Vitality Happy & Healthy тадбирида қатнашган ва у ерда ўзини қандай қилиб хушбичим шаклга келтиргани ҳақида нутқ сўзлаган. У бу жараёнга беш йилдан кўпроқ вақт кетганини айтади. Жумладан, у Пасха олдидан рўза тутиш пайтида 40 кун нон истеъмол қилмаслик орқали 14 килограмм вазн йўқотган.
У мактаб давридан ортиқча вазнга эга бўлган. Ўша пайтдан бери кўплаб вазн йўқотиш усулларини синаб кўрганини таъкидлади.
“Бундай натижага эришиш бир кечада содир бўлмади, кўплаб синовлар ва хатолар бўлди. Сиз олдинги ва ҳозирги фотосуратларим ҳақида гапириб турганингизда ҳам ҳали ўзимни озғин деб ҳис қилмайман”, деди юлдузнинг ўғли.
Изоҳ (0)