Ҳар йили турк киноижодкорлари ўнлаб янги сериаллар суратга олишади, бироқ уларнинг фақат бир нечтаси томошабинларнинг меҳри ва эътиборини қозонишга муваффақ бўлади. Қуйида сўнгги беш йилда суратга олинган энг юқори рейтингли турк сериаллари рўйхатини тайёрладик.
“Ҳукм”
(“Кинопоиск”даги рейтинги: 8.8)
Илғаз Кая — принципларга тўлиқ амал қиладиган ва адолатли прокурор, у шу билан бирга полиция бошлиғи жаноб Метиннинг ўғли ҳам. Янги қотиллик ишида бош гумондор сифатида эса унинг укаси тилга олинади. Прокурор Илғаз укаси Чинар бу фожиа билан боғлиқ эмаслигига ишонса-да, батафсил тергов ўтказишга мажбур бўлади. Метин Кая ўғлини ҳимоя қилиш учун адвокат сифатида Жайлин Эргуванни ёллайди. Илғаз у билан иш юзасидан доим қарама-қарши фикрда бўлса ҳам, укасини фақат айнан шу адвокат қутқара олишига ишонади. Тергов давомида эса адвокат ва прокурор ўртасида ҳис-туйғулар пайдо бўлади.
Бош ролларда: Пинар Дениз, Каан Урганжиоғлу, Угур Аслан ва бошқалар.
“Чексиз севги”
(“Кинопоиск”даги рейтинги: 8.6)
Халил болалигида она шаҳрини тарк этишга мажбур бўлади, сўнг кўп йиллар ўтиб, у ерга суюкли аёли Ёсамин билан қайтиб келади. У ерда болаликдан бери таниш бўлган Зейнеп Летони ёқтириб қолади. Сўнг Зейнеп отасини қотилига қариндош экани маълум бўлади.
Бош ролларда: Дениз Жан Акташ, Мирай Данер, Асуман Дабак ва бошқалар.
“Қизил шарбат”
(“Кинопоиск”даги рейтинги: 8.5)
Доа ва Фотиҳ бир-бирларини телбаларча севиб, тўй қилишни орзу қиладилар. Аммо севишганларнинг қариндошлари бу никоҳга қарши чиқади. Қизнинг онаси гендер муносабатларига нисбатан илғор қарашларга амал қилса, йигитнинг ота-онаси тарихий анъаналарга билан ҳурмат қарайдиган консерватив одамлар бўлади. Бахтга эришиш йўлида замонавий Ромео ва Жулетта оилаларидаги тарқоқликни енгиб ўтишлари ва ҳар қандай тўсиқларга қарши курашишлари керак бўлади.
“Қизил шарбат”нинг биринчи фасли Туркияда ҳақиқий феноменга айланди. Сериални бойкот қилишди, ёпишни талаб қилишди, бироқ у юқори рейтинглар билан муваффақиятли намойишини давом эттирди.
Бош ролларда: Сила Юркоғлу, Аҳмет Мюмтоз Тайлан, Доғукан Гунгер ва бошқалар.
“Алвон ғунчалар”
(“Кинопоиск”даги рейтинги: 8.5)
Ўзжан Дениз ва Ўзғу Намал иштирокидаги қизиқарли мелодрама. Биринчи қисм чиқишидан олдин ҳам сериал атрофида кўплаб муҳокамалар бўлган, сюжет сўфийлик мазҳаби мавзусига тегишли бўлиб, бу чексиз баҳс-мунозараларга сабаб бўлиши мумкин эди. Аммо сериал катта аудиторияни жалб қилишга ва яхши рейтингларга эга бўлишга муваффақ бўлди.
Шунингдек, лойиҳа туфайли турдизининг янги юлдузи — Мина Демирташ танилди. Ёш актриса бор-йўғи 19 ёшда, аммо у аллақачон сезиларли муваффақиятларга эришмоқда. Албатта, бу лойиҳанинг муваффақиятига Мерт Язижиўғлунинг қўшган ҳиссани таъкидлаш жоиз. Унинг актёрлик ижроси аллақачон томошабинлар ва танқидчилар томонидан муносиб баҳоланди ва “Олтин капалак” мукофотига сазовор бўлди.
Бош ролларда: Ўзжан Дениз, Мерт Язижиўғлу, Мина Демирташ, Ўзгу Намал ва бошқалар.
“Олис шаҳар”
(“Кинопоиск”даги рейтинги: 8.4)
Сюжетга кўра, Аля Албора эри вафотидан кейин 6 ёшли ўғли билан ёлғиз қолади. Сирли сабабларга кўра эри ҳеч қачон оиласи ҳақида гапирмасди. Аля қариндошларининг ташқи қиёфасини ва нима билан шуғулланишини билмайди. Аммо тез орада у кўп нарсаларни билиб олади, чунки эрининг хоҳиши билан уни она юртига дафн этишади. Аля Марденга учиб келганида, у Алборлар оиласининг қора ишларидан хабардор бўлади. Жиҳан билан учрашув эса унинг ҳаётини ўзгартириб юборади.
“Олис шаҳар” сериали Туркияда рейтинглар бўйича янги рекордчи бўлди. Ливан сериали асосида яратилган ушбу мослама атиги бир неча ҳафта ичида бутун дунё бўйлаб катта мухлислар армиясини тўплашга муваффақ бўлди. Мураккаб сюжет, ажойиб манзаралар ва актёрларнинг ижроси томошабинларни ўзига ром эта олди.
Бош ролларда: Озан Акбаба, Синем Унсал, Гонджа Жиласун ва бошқалар.
“Никоҳ ҳақида барча ҳақиқат”
(“Кинопоиск”даги рейтинги: 8.4)
Тўрт опа-сингил Чўлпан, Азра, Гунеш ва Санем Истанбулга кўчиб ўтади ва юридик соҳада карьера қилади. Уларнинг барчаси ажрим жараёнлари билан шуғулланади. Қизларнинг ҳар бирининг шахсий ҳаёти турлича ривожланади. Чўлпан эридан ажрашган, Санем никоҳга умуман ишонмайди, Азра бахтли турмуш қурган, Гунеш эса севган инсонига турмушга чиқиш ҳаракатида. Бир куни опа-сингилларнинг ҳаётида кутилмаган воқеа содир бўлади: уларнинг отаси кўп йиллар олдин бошқа аёлни деб қизларнинг онасини ташлаб кетганди. Шунда қаҳрамонлар олдида ўз отасини кечириш ёки кечирмаслик танлови туради.
Бош ролларда: Гўкче Баҳадир, Сумру Явруджук, Бертан Асллани ва бошқалар.
“Алп Арслон: Буюк салжуқий” (2021)
(“Кинопоиск”даги рейтинги: 8.4)
Режиссёр Седат Инжи ва продюсер Эмре Конук томонидан суратга олинган мазкур тарихий сериал Алп Арслоннинг Салжуқийлар империясининг султони сифатида ҳукмронлик қилган даврда содир бўлган сиёсий воқеалар ва урушлар ҳақида ҳикоя қилади. Сериалда бош ролни кўпчиликка “Ижарага олинган севги” мелодрамаси билан танилган Бариш Ардуч ижро этган.
“Оила”
(“Кинопоиск”даги рейтинги: 8.4)
Аслан — ноқонуний клуб бизнеси билан шуғулланувчи бой оиланинг меросхўри. У етарлича меҳр кўрмаган, жиддий муаммоларга эга ва қатъий онанинг назоратида улғайган йигит. Аслан оиласининг қандай йўл билан пул топаётганини ёқтирмайди, лекин бу бизнесдан чиқишнинг иложи йўқ. Тақдир уни мураккаб ўтмишга эга ёш аёл — психолог маслаҳатчиси Девин билан учраштиради. Девиннинг маслаҳатлари Асланга катта ёрдам беради. Тез орада улар бир-бирларига нисбатан ҳис-туйғулар алангаланганини англаб етишади. Аммо уларнинг бахт сари йўли ниҳоятда оғир, узоқ ва машаққатли бўлади.
Бош ролларда: Киванч Татлитуғ, Серенай Сарикая, Нур Сурер ва бошқалар.
“Лейла”
(“Кинопоиск”даги рейтинги: 8.4)
Лейланинг болалиги гўзал ва бахтли ўтади, аммо бу фақат онаси вафот этгунига қадар давом этади. Тез орада отаси бошқа аёл — маккор, ёлғончи ва иккиюзламачи Нурга уйланади. Нур ҳар доим фақат ўз манфаатларини кўзлаган. Ўгай онасининг фитналари туфайли Лейла нафақат отасидан ажралади, балки ахлатхонага тушиб қолади. Фақат тасодиф туфайли у янги оила топади ва таълим олиш имконига эга бўлади. Орадан йиллар ўтиб, Лейла бошқа исм остида туғилиб ўсган шаҳарга қайтади. У ўзининг аянчли тақдиридан ўч олиш учун Нурдан қасос олишга қатъий бел боғлайди. Аммо у бу қасос уни қаерга олиб боришини тасаввур ҳам қилолмаган эди.
Бош ролларда: Жемре Байсел, Гонжа Вуслатери, Алперен Дуймаз ва бошқалар.
“Уч қуруш”
(“Кинопоиск”даги рейтинги: 8.3)
“Уч қуруш” сериали 2021 йилнинг куз-қиш мавсумида намойиш этилган ва турк жамоатчилигининг катта эътиборини қозонмаган. Сериалдаги маҳаллий лўли диаспораси ҳақидаги воқеалар кўплаб танқидлар бўлди, томошабинлар лойиҳани бошиданоқ ёпишни талаб қилди. Бироқ рейтинглар ўртача бўлса-да, сериал давом этди. Сериал ижодкорлари янги лойиҳа “Ичкарида” ва “Чуқур” каби машҳур сериалларнинг муносиб давомчиси бўлишини кутган, аммо кутилган натижани олмаган. Шунинг учун лойиҳа бир мавсумдан кейин якунланди. Бироқ бошқа мамлакатларда бу турк сериали мухлисларга ёқди.
Бош ролларда: Экин Коч, Ураз Кайгиларўғлу, Аслихан Малбора ва бошқалар.
Изоҳ (0)