Хорижий матбуот тизими кино юлдузларининг мақоми ва даромадини белгилаб берадиган муҳим параметрлардан бири бу рентабеллик индекси (фойда олиш даражаси) дир. Рентабеллик индекси актёр ёки актриса суратга тушган барча фильмлар касса даромадини ўзаро таққослайди ва ижодкорнинг лойиҳалардан умумий қанча даромад келтирганини ўртача ҳисоблаб чиқади.
Халқаро кино саноатида энг катта даромад келтирган актрисалар рўйхати қуйидагича тақсимланди (2024 йил август ҳолатига кўра):
1. Ҳелена Бонем Картер — 11 миллион доллар
11 миллион долларлик рейтинги билан Ҳелена Бонем Картер барча актрисаларни ортда қолдирди. Ҳеленани ҳақиқий трансформация устаси деб аташ мумкин. У экранларда асосан ёвуз аёл образлари билан танилган. Актриса Гарри Поттер франшизасида Беллатрикс Лестрейж, “Катта балиқ” фильмида қари жодугар тимсолида пайдо бўлган. “Тост” фильмида эса унга овқат пиширишни билмайдиган Поттер хоним роли ишониб топширилган. “Алиса кўзгуорти мамлакатида” фильмида актриса Қизил қиролича сифатида қайта туғилган. “55 қадам” фильмида у ўз ҳуқуқлари учун курашган Элеанора Райз ролини ўйнаган.
Сўнгги йилларда у Картер “Тож” (2019), “Нолли” (2023), “Энола Холмс” (2020), “Оушеннинг саккиз дугонаси” (2018) каби нуфузли лойиҳаларда иштирок этган.
2. Эмили Блант — 10 миллион доллар
2010 йилларнинг ўрталаридан бошлаб Эмили Блант Голливуднинг энг кўзга кўринган актрисаларидан бири бўлиб келмоқда. “Қаттиққўл хоним” фильмидаги роли билан танилган британиялик актрисанинг сўнгги муваффақиятли лойиҳалари орасида “Сокин жой” (2018), “Жунгли бўйлаб круиз” (2021), “Инглиз аёл” (2022), “Оппенгеймер” (2023) кабилар ўрин олган.
3. Скарлетт Йоханссон — 10 миллион доллар
Учинчи ўринда Скарлетт Йоханссон ўрин олди, унинг кино соҳасида муваффақиятга эришишида Marvel франшизасидаги “Қора бева” роли бош ролни ўйнаган. 2019 йилда актриса “Қасоскорлар: Ўйиннинг охири” ва 2021 йилда “Қора бева” фильмларидан кейин актриса 2019 йилда “Турмуш ҳақида ҳикоя”, 2019 йилда “Жожо исмли қуён” ва 2023 йилда “Астероидлар шаҳри” фильмларида иштирок этган.
4. Анжелина Жоли — 9 миллион доллар
Анжелина Жоли жуда кўп фильмларда суратга тушмаган, аммо доимо Голливуднинг энг сердаромад актрисалари рўйхатида доимо ўз ўрнига эга бўлган. Унинг сўнгги муваффақиятли ишларидан бири 2014 йилдаги “Малефисента” ва 2019 йилдаги “Малефисента 2” бўлган. Шунингдек, Жоли “Кунг Фу Панда” фильмида қаҳрамонларга овоз берган. Актриса 2021 йилда “Абадий” фильмида рол ўйнаган.
5. Эмма Стоун — 9 миллион доллар
Сўнгги йилларда Эмма Стоун Голливуднинг энг ёрқин актрисаларидан бири бўлиб келмоқда. Актриса турли блокбастерлар ва муаллифлик лойиҳаларида ишлашни бараварига олиб борди. муваффақиятли бирлаштирди. Унинг 2016 йилда “Ла Ла Ленд”, 2018 йилдаги “Фаворитка” фильми, 2019 йилдаги “Зомбиленд” ҳамда 2021 йилдаги “Круэлла” лойиҳалари айниқса катта муваффақиятга эришди.
6. Робин Райт — 9 миллион доллар
Санта Барбара туфайли машҳур бўлган актриса Робин Райт 2013 йилда “Картадан ясалган уй” сериали орқали кинога қайтди. 2010 йилларнинг иккинчи ярмида у бир қатор машҳур блокбастерларда, жумладан “Тиғ бўйлаб югуриш 2049” (2017), “Мўжизакор аёл” (2017), “Адолат лигаси” (2021)да ўйнади.
7. Зои Салдана — 8 миллион доллар
Зои Салдана — турли хил ролларни маҳорат билан ижро этган истеъдодли ва ёрқин актриса. У кино тарихидаги энг кўп даромад келтирган учта лойиҳа — “Аватар”, “Қасоскорлар: абадият жанги” ва “Қасоскорлар: хотима” фильмларида рол ўйнаган ягона актрисадир. Ҳозирча ҳеч ким Зои Салдананинг бундай ноодатий рекордини такрорлай олмади. Актриса иштирокидаги барча фильмлар жами 3,9 миллиард доллар ишлаб топган.
8. Энн Ҳетеуэй — 8 миллион доллар
Энн Ҳетеуэй сўнгги йилларда шов-шувли даражадаги муваффақиятли лойиҳаларда иштирок этмади, аммо аввалги муваффақиятли фильмлар унга юқори рентабеллик рейтингига эга бўлишига замин яратди. Муваффақиятли “Интерстеллар” (2014) ва “Қора рицар” (2012) фильмларидан кейин актриса “Оушеннинг саккиз дугонаси” (2018), “Жодугарлар” (2020), “Иш бермади” (2022), “Армагеддон даври” (2022) каби фильмларда ёрқин ролларни ижро этди.
9. Грета Гервиг — 8 миллион доллар
“Оскар” мукофотининг “Энг яхши фильм” номзодлигига чиққан биринчи аёл режиссёр Грета Гервиг “Хонқизи”, “Кичик хонимлар”, “Барби” фильмларини суратга олди. У актриса сифатида 2022 йилда “Оқ шовқин” фильмида ўзининг истеъдодини намоён этди.
Изоҳ (0)