Рашод Нури Гунтекиннинг “Чолиқуши” асари асосида 1986 йилда суратга олинган шу номли сериал ўзбек томошабинларининг қалбидан жой олган. У бош рол — Фериде образини ижро этган актриса Айдан Шенерга катта муваффақият ва машҳурлик олиб келган.
Ҳозирда Айдан Шенер 61 ёшда, аммо бу ёш актрисанинг аёллик энергияси ва гўзаллиги акс эттирмайдиган оддий рақамдир. Турк сериаллари юлдузи 60 дан ошганига қарамай, ўзининг латофатли кўриниши ва назокатини сақлаб қолган. У ўзининг бетакрор харизмаси ва истеъдоди билан кўплаб хорижий мамлакатларда эътироф этилган.
Актриса иштирокидаги “Сомон йўли”, “Бир манзилли севги”, “Ҳаётдан қувилиш”, “Қалбимдаги денгиз” каби лойиҳалар унга карьерасининг янада гуллаб-ривожланишига сабаб бўлган.
Айдан ёшлигидан ўзининг саломатлигига ҳеч қачон бефарқ бўлмаган. У доим соғлиғига ғамхўрлик қилган ва ташқи кўринишини мунтазам парвариш қилган. Жисмонан мунтазам фаол бўлиш ва турли косметик муолажалар эса актриса жозибадорлигининг калитига айланган. Унинг ўзига бўлган ишончи ва латофатига кўплаб мухлислар ҳавас кўзи билан боқади.
Аммо Айдан Шенернинг шахсий ҳаёти омадли кечмаган. У 1983 йилда футболчи Айхан Акбинга турмушга чиққан. Орадан беш йил ўтиб жуфтликнинг Эже исмли қизи туғилган. Бироқ улар орадан кўп ўтмай ажрашган, чунки Айданнинг турмуш ўртоғи у билан кўп вақтини ишга ажратгани сабабли келиша олмаган.
Шенер ҳозир ҳам турли фильмларда рол ўйнашда ҳамда театрда ишлашда давом этмоқда. Аммо аввалгидек кино ва сериалларда мунтазам кўринмасликка қарор қилган. Унинг сўзларига кўра, бунга сабаб шахсий ҳаёти ва қизи билан ўтказган вақти ҳар қандай мўмай даромад келтирадиган лойиҳадан устун кўришидадир.
“Мен кўпроқ пул топишим ва кўпроқ фильмлардан иштирок этишим мумкин эди, бироқ мен бошқа йўлни танладим”, дейди турк юлдузи.
Яқинда актриса “Сандıк Кокусу” (“Сандиқ иси”) драмасида иштирок этди. У таниқли рассом Ферял Аксой ролини гавдалантирди. 2024 йил сентябрь ойида мелодраманинг иккинчи мавсуми экранларда намойиш этила бошлади. Унда бош ролни Ўзге Ўзпиринчи ижро этган.
Фото: Haberler
Изоҳ (0)