Янги 2025 йил кириб келишига бир ойдан кўпроқ вақт қолган бўлса-да, баъзи нашрлар йил сарҳисобини қилишга шошмоқда. Times Now, Screen Rank каби машҳур хорижий порталлардан 2024 йилда энг кўп даромад олган ёш актрисалар рўйхатини эълон қилди.
Унга кўра, Зендая “Даъвогарлар” фильмидаги роли учун 10 миллион доллар гонорар олиб, рўйхатда биринчи ўринни эгаллаган. Актриса Милли Бобби Браун “Энола Холмс” фильми учун деярли худди шундай миқдордаги гонорар билан иккинчи ўринни олди. Топ олтиликка Сидни Суини, Флоренс Пью, Женна Ортега ва Аня-Тейлор Жой каби ёш ва маҳоратли актрисалар киритилди.
Зендая энг кўп маош олувчи актрисалар рўйхатида биринчиликни эгаллаши илк ҳолат эмас, бундан аввал актриса 2021 йилда “Ўргимчак одам: yйга йўл йўқ” ва “Дюна” каби фильмлардаги образлари орқали катта даромадга чиққан эди. Шунингдек, у “Эйфория” сериали учинчи мавсумининг ҳар бир эпизоди учун тахминан 1 миллион доллар гонорар олган.
Изоҳ (0)