Истанбуллик миллиардерлар: Туркиянинг 10 нафар энг бой машҳурлари

Машҳур актёр ва актрисалар қанча даромад топиши ҳақидаги маълумотлар интернетга тез-тез учраб туради. Қуйида Туркиянинг энг бадавлат актёр ва актрисалари ҳақида маълумот берамиз.

1. Бурак Ўзчивит

“Севги изтироби”даги Камол ва “Муҳташам юз йил”даги Балибей ролларини маҳорат билан ижро этган Бурак Ўзчивитни Туркиянинг энг бой юлдузи деб билишади. Ҳозир у Россия компаниялари билан ҳамкорлик қилаётган бир пайтда, БАА билан шартномаларидан ташқари, актёрнинг даромади фақат ўсиб бормоқда. 2022 йил ҳолатига кўра, Бурак Ўзчивитнинг бойлиги 72 миллион долларга баҳоланган.

2. Серенай Сарикая

Серенайнинг моддий ҳолати, афсуски, ҳеч кимга маълум эмас, лекин қизнинг қайси компаниялар билан реклама шартномалари тузганини ҳисобга олсак, унинг Бурак Ўзчивитдан ҳам бадавлатроқ эканлигига ҳайрон қолмаса ҳам бўлади. Керем Бурсиннинг собиқ севгилиси нафақат кўплаб роллари билан танилган машҳур актриса, балки Prada, Bulgari ва бошқа таниқли брендлар билан ҳамкорлик қиладиган профессионал модел ҳамдир. Сериалнинг битта эпизодида суратга тушиш учун Серенай тахминан 21 700 доллар олади.

3. Мурат Боз

Балки, Мурат Боз ҳақида эшитмагандирсиз, лекин Туркияда у энг талабгир актёр. “Тушингда кўрасан” сериали юлдузи тахминан 60 миллион долларлик бойликка эга.

4. Ҳалук Билгинер

“Мария” фильмида Анжелина Жоли билан бирга рол ўйнаган “Ота” сериалидаги ўша турк актёри ҳам ўртаҳол эмас. Ҳалукнинг бойлиги 70 миллион долларга баҳоланмоқда. Туркияда Ҳалукни энг машҳур турк актёрларидан бири деб ҳисоблашади, шунинг учун ҳам актёрни Голливуд юлдузлари билан рол ўйнаш учун халқаро лойиҳаларга тез-тез чақиришади.

5. Ханде Эрчел

Ханде 58 миллион долларлик бойлиги билан ушбу рўйхатга киритилгани кўпчиликни ажаблантирмаса керак. “Қалбим эшигини қоқ” фильмида актриса олган гонорарини машаққатли меҳнат билан топган. Ханденинг актриса сифатида шаклланиши осон кечмади, аммо энди у кўплаб компаниялар учун севимли шахс ва улар ўз маҳсулотларини реклама қилиши учун катта пул тўлашга тайёр.

6. Жан Яман

Афтидан, Жаннинг Туркиядан кетиши унга даромадини кўпайтиришга ёрдам берганга ўхшайди. Актёрнинг бойлиги 59 миллион долларга баҳоланган. Унинг даромади Ханда Эрчел билан деярли бир хил, лекин актёрнинг фильмографиясида энди чет элдаги лойиҳалари ҳам бор. Мисол учун, Италиянинг “Денгиз каби бинафшаранг” сериали ва янги “Сандокан” лойиҳасида актёр Эд Вествик билан рол ўйнайди.

7. Ўзжан Дениз

Эҳтимол, Фахрие Эвжен аввал бошданоқ фақат бой бўлиш салоҳиятига эга бўлган эркакларни ўзига жалб қилган — Бурак Ўзчивит билан танишишидан олдин актриса Ўзжан билан учрашган. Ҳозирда “Алвон ғунчалар” сериалида иштирок этаётган актёрнинг даромади 55 миллион долларга тенг. Бундан ташқари, Ўзжан Дениз мусиқа билан шуғулланади, бу унинг қўшимча даромад манбаи ҳам.

8. Фахрие Эвжен

Бурак Ўзчивитнинг рафиқаси ва Ўзжан Денизнинг собиқ севгилиси бир оз камтарроқ яшайди. Фахриенинг шахсий ихтиёрида 47 миллион доллари бор. Ёмон эмас, маникюр, педикюр, уй ва премиум салонли янги машинага бемалол етади.

9. Демет Ўздемир

Ажабланарлиси шундаки, бу рўйхатда Демет энг ўртаҳол актриса, унинг бор-йўғи 35 миллион доллари бор. Ўйлаймизки, Демет Ўздемир тез орада ҳамкасбларига етиб олади ва у ҳам каттароқ сумма билан мақтана олади.

10. Неслиҳан Атагул

Неслиҳан Атагул эри Қодир Доғулудан анча бадавлат экани кўпчиликни ажаблантирса керак. Турк актрисаси экранларда тобора кам кўрина бошлаганини ҳисобга олсак, бу ҳам ёмон натижа эмас. Неслиҳан келажакда ҳомиладорлик туфайли камида уч йил мажбурий танаффус олишига тўғри келади.