Баъзи фильмлар ва улардаги қаҳрамонларни унутиб бўлмайди. Ҳозир ҳам бизни қувонтираётган кино юлдузлари қанчалик ўзгарганини қуйида томоша қилинг.
Дафни Кин
Дафни Кин британиялик актёр Уилл Кин ва испан актрисаси, театр режиссёри ва ёзувчи Мария Фернандес Хаченинг қизидир. У кино оламидаги дебютини 2014 йилда отаси билан бирга “Қочқинлар” телесериалида қилган ва унда Ани ролини ижро этган. 2016 йилда Дафни Киннинг биринчи катта фильмдаги иштироки уни бутун дунёга машҳур қилди. У “Logan” фильмида Лаура ролини ижро этди ва кўп ўтмай бошқа йирик лойиҳаларга таклиф этилди.
Кирстен Данст
Фаолиятининг бошида жуда ёш Кирстен Данст ўша пайтда аллақачон супер юлдуз бўлган Том Круз ва Бред Питт билан бир фильмда ўйнаш бахтига муяссар бўлган. У нафақат ҳамкасбларига тенглаш олади, балки ажойиб истеъдодни ҳам намойиш этади. 1994 йилда Кирстен Данст “Вампир билан интервью” фильмида ёш боланинг танасига кириб қолган вампир ролини ўйнади. Кейин “Омадсиз аскарлар”, “Жуманжи” ва бошқа фильмларда пайдо бўлди, аммо “Ўргимчак одам” фильмидаги Мери Жейн роли унга энг катта муваффақият келтирди. У актёр Жесси Племонсга турмушга чиққан.
Кристина Риччи
Кристина Риччи фаолиятидаги энг машҳур фильм 1991 йилда чиққан “Адамслар оиласи”дир. У Уэнздей ролини ўйнаганида атиги 11 ёшда эди.
Сўнг унинг иштирокидаги “Уйқу бўшлиғи” тижорий муваффақият ва танқидчилар эътирофига сазовор бўлади. Риччи Катрина Ван Тассел роли учун “Сатурн” мукофотига сазовор бўлади. Кейинги 5 йил Кристина учун шон-шуҳрат йиллари бўлади: актриса машҳур телекўрсатувларга чақирилади ва кино танқидчилари унинг маҳорати ҳақида мақтовли шарҳлар ёзади. 2022 йил охирида “Уэнздей” сериалининг ремейки чиқди. Янги лойиҳада актриса маккор ботаника ўқитувчиси сифатида қайта туғилди.
Белла Рамзи
2016 йилда Белла Рамзи “Тахтлар ўйини” телесериалидаги Айиқ оролининг ўн ёшли эгаси — Мормонт ролини ўйнаб, фильм саноатида дебют қилди. Шунингдек, у “Энг ёвуз жодугар” телесериалида бош ролни ижро этди ва Британия Академиясининг BAFTA Болалар мукофотини олди.
Хлоя Грэйс Moreц
Хлоя Грэйс Moreцнинг кинодаги дебюти 2005 йилда бўлиб ўтган. Бундан бир оз вақт аввал у Саймон Бейкер билан “Ҳимоячи” сериалида иштирок этди, катта экранда эса у “Каллакесарлар” фильми орқали пайдо бўлди. Кейинги бир неча йил ичида Хлоя жуда кўп жанрларни синаб кўрди: у жанговар фильмлар, комедиялар, драмалар, романтик ва болалар учун саргузашт фильмларда иштирок этди. 2021 йилда Грэйс Moreц “Том ва Жерри” фильмида иштирок этди.
Кристен Стюарт
Кристен Стюартнинг биринчи марта “Қўрқув хонаси” фильмида суратга тушган. Фильм ўз уйидаги яширин хонада ўғрилардан яширинган она ва қиз ҳақида ҳикоя қилади. “Қўрқув хонаси” лойиҳаси Кристенга фильм оламида учун кўп эшикларни очди, аммо Роберт Паттинсон билан бирга суратга тушган “Сумерки” франшизаси унга ҳақиқий машҳурликни олиб келди. Кристен ва Роберт реал ҳаётда ҳам учрашишни бошлаган, бироқ Кристен “Оппоғой ва овчи” фильми режиссёри Руперт Сандерс билан яширинча учраша бошлади ва ҳамма бундан хабар топгач, Роберт у билан орани очиқ қилди. Фильм режиссёри ҳам алмаштирилди.
Ҳейли Стейнфилд
Ҳейли Стейнфилд биринчи марта 2010 йилда катта фильмда иштирок этди. Авваллари у фақат телесериалларда ўйнаш тажрибасига эга бўлса-да, унга Жефф Брижес, Метт Деймон, Жош Бролин, Барри Pepper ва Домналл Глисон билан бир экранда ўйнашига ишонч билдирилган. Йиллар давомида Ҳейлининг машҳурлигини янада кенгайди ва 2018 йилда у “Трансформерлар” оламидаги биринчи фильм — “Бамблби” да иштирок этди. Томошабинлар актрисанинг ролини ижобий қабул қилинди ва 2021 йилда Стейнфилд Marvel фильмларида суратга тушди.
Тейлор Момсен
“Гринч — Рождество ўғриси” фильмидаги Гринчнинг қиз дўсти Кичкина Синди аллақачон катта бўлган. Ҳозирда бу ролни ижро этган Тейлор Момсен Тҳе Преттй Реcклесс рок гуруҳининг солисти ҳисобланади. Ўзининг узоқ йиллик фаолияти давомида, у ўзини актриса ва модел сифатида синаб кўрди. Момсен 2 ёшидан бошлаб реклама ва фильмларда суратга тушган. Унинг энг машҳур роли “Ғийбатчи қиз” сериалидаги Женни Хамфри ҳисобланади.
Алекса Вега
Кўпчилик Алекса Вегани “Уддабурон болалар” франшизасидаги ролидан эслайди, гарчи унинг карьераси бундан олдинроқ бошланган бўлса ҳам. Унинг биринчи ишлари орасида “Смерч”, “Робот ҳаёти” ва “Океан тубида” каби фильмлар бор.
Алекса “Уддабурон болалар” орқали кўплаб мухлислар меҳрини қозонган бўлса-да, унинг кейинги тақдири кенг аудиторияга номаълумлигича қолди. Айни пайтда у киноларда кичик роллар ўйнаб туради ва ўзини мусиқа йўналишида ҳам синаб кўрди. У 2014 йилда собиқ Биг Тиме Руш актёри ва қўшиқчи Карлос Пенавега билан турмуш қурган ва ҳозирда уч нафар фарзанди бор. Уларнинг энг кенжаси 2021 йилда туғилган. Бугунги кунда Вега Instagramъда фаол ва машҳур блогерга ҳам айланган. Актриса ижтимоий тармоқларда карьераси ва оилавий суратлари билан мунтазам бўлишиб туради.
Линдси Лоҳан
Малласоч соҳибжамол Линдси Лоҳан 90 йилларнинг охирида “Ота-оналар учун тузоқ” фильмидаги ажойиб ижроси билан миллионлаб томошабинлар қалбидан жой олди. фильм катта даромад келтиради ва танқидчиларнинг олқишига сазовор бўлади. Айтганча, мазкур фильмда Линдси укаси Майк билан бирга рол ўйнаган. Бир интервьюда у фильм премьераси пайтида ухлаб қолганини яширмайди. 2002 йилда актриса “Жосус болалар” фильмида рол ўйнайди.
Лоҳанга энг катта машҳурликни 2003 йилда “Даҳшатли жума” фильмидаги роли олиб келади. Қиз готика услубидаги қаҳрамонни ўйнаши керак эди. Ушбу рол учун актриса ҳатто гитара чалишни ўрганади ва “Ultimaте” қўшиғини ёзади. Танқидчилар Линдсининг ижросини юқори баҳолайдилар, унинг ўзи 2004 йилда МTV Мовиэ Awards мукофотининг “Йил ютуғи” номинациясида ғолиб чиқади. 2015 йил ҳолатига кўра, бу Лоҳаннинг карьерасидаги тижорий жиҳатдан энг муваффақиятли фильм эди.
Лоҳаннинг сўнгги 10 йилдаги биринчи йирик ва чинакам арзийдиган кинодаги роли “Унутилмас Рождество” деб номланган. Фильм 2022 йил ноябрь ойида экранларга чиқди.
Натали Портман
Натали Портман “Леон: Профессионал” фильмида биринчи ролини ижро этганда эндигина 13 ёшга тўлган эди. Фильмда у оиласи ўлдирилганидан сўнг қотил томонидан асраб олинган қиз образида акс этади.
Фильм режиссёри Люк Бессон лойиҳадаги Матилда ролига қиз қидираётган эди. Сценарийга кўра, бош қаҳрамон ўн уч ёки ўн тўрт ёшда бўлиши керак эди. Натали Портман фильмнинг кастингига келганида режиссёр уни рад этган, чунки у актрисанинг ўн бир ёшда қотилга ошиқ бўлган қиз ролини ижро этиши қийин бўлишига ишонган. Бироқ ҳали тажрибага эга бўлмаган қиз ўзининг ажойиб актёрлик маҳоратини намойиш эта олди ва иккинчи уринишда лойиҳага қабул қилинди. Шундан сўнг Натали Портман бошқа фильмларда рол ўйнай бошлади ва катта муваффақиятларга эришди.
Сўнг актриса “Вендетта инқилоби”, “Қора оққуш”, “Ака-укалар”, “Жеки” каби фильмларда суратга тушди.
Изоҳ (0)