Махсус жанр бор — feel-good movie — ўзингизни яхши ҳис қилишга ёрдам берадиган кино. Қуйида кун охирида яхши дам олишингиз учун шундай лойиҳаларни тўпладик.
“Қалб хотиржамлиги”
Бу 30 йилдан ортиқ ёзувчилик қилган аёл ҳақида ҳикоя. У саккиз йиллик яхши турмушидан кейин эри билан ажрашади. Аммо эридан расман ажралганидан сўнг, у бошқа эркак билан муносабат бошлашга эрта эканини тушунади. Ёзувчи муқаррар нарсага дуч келишга журъат этади — биринчи навбатда ўзининг ички дунёсини тушуниш ва ўзи билан муносабатларини яхшилаши керак. Аммо у аста-секин муносабатларсиз қувонч топишни ўрганади — саёҳат, янги дўстлар, мазали таомлар, янги ҳоббилар. Кўз ўнгимизда мўжиза содир бўлади — синган юрак шифо топади ва яна севишга тайёрланади.
“Ла-Ла Ленд”
Райан Гослинг ҳамда Эмма Стоун иштирокидаги севги ва карьера ўртасидаги муросага бағишланган гўзал, ёрқин ва чуқур трагикомик мусиқий фильм. Ёш актриса ва номаълум жаз мусиқачиси Голливудда карьерасини қуришга ҳаракат қилмоқда. Улар ҳаракат қилади, рад этилади, қайғуради ва кейин яна уриниб кўришади. Уларнинг мақсадларига эришишдаги қатъияти ҳар қандай вазиятда ҳам таслим бўлмасликка ундайди.
“13 дан 30 га”
“13 дан 30 га” енгил кайфият бағишловчи фильми карьерасида катта муваффақиятларга эришган барча аълочи талаба қизларга бағишланади. Бу картина истакларнинг рўёбга чиқиши, шунингдек, ҳамма нарса сиз хоҳлаган тарзда бўлиши учун қандай ҳаракатлар қилиш кераклиги ҳақидаги фильм. 13 ёшида катта қизлардек гўзал ва мустақил бўлишни орзу қилган қизча бир кечада 30 ёшли аёл бўлиб уйғонади.
“Голливуддаги тақдир ҳазили”
Энг машҳур совет фильми асосида яратилган яна бир енгил романтик комедия. Бу худди шу воқеа СССРда 1970 йилларда эмас, балки 2020 йилларда АҚШда қандай содир бўлганини тасаввур қилиш имконини беради.
“Ҳурилиқо”
Фильм бош қаҳрамони спорт залида бошини қаттиқ уриб олади ва тўсатдан ўзини соҳибжамол деб ҳисоблай бошлайди. Аслида у тўла аёл, эркакларнинг эътиборини торта олмайди. Бош қаҳрамоннинг ҳаёти кескин ўзгаради — у орзу қилган ишга киради, осонлик билан карьера қуради ва ҳақиқий севгисини учратади. Бу воқеалар фақатгина бир ҳақиқатни тасдиқлайди — ҳамма нарса бизнинг онгимизда: фикрлар йўналишини ўзгартиринг ва ҳақиқат ҳам шунга мослашади.
“Сендан йироқда”
“Сендан йироқда” испан-италян сериали опа-сингил Вачовскиларнинг “8 ҳиссиёт” асарига ўхшайди, шунингдек, сериалда Рим, Севилья ва Праганинг жуда кўп манзаралари мавжуд. Бош қаҳрамон йирик сайёҳлик компаниясини бошқаради, у арзон авиакомпаниялар ва онлайн бронлар пайдо бўлгунга қадар катта даромад олиб келади. Сериалдаги қаҳрамонлар энг қийин вазиятларда ҳам умидсизликка тушмасликка ундайди.
“Катта сония”
Виктор Шамировнинг нозик, чуқур маъноли ва кулгили сериали қанчалик номукаммал эканлигимизни эслатиб туради. Инсонлар қалбида жуда кўп яралар борки, энг муҳим дақиқаларда доно, олижаноб ва чиройли ҳаракат қилишга тўсқинлик қилади.
“Катта сония” бу — сериал ичидаги сериал. Сериал бир-бирини ёқтирадиган, лекин бирга бўлолмасликдан саросимага тушиб қолган икки мусиқа ўқитувчиси ҳақида. Уларга қўшимча равишда икки сценарий муаллифининг ҳаёти ҳам ҳикоя қилинади. Улар эр-хотин ва қийин ажралиш жараёнини бошдан кечиришади.
Изоҳ (0)