Бу фильмлар томошабинларга ёрқин кадрларни кўрсатмайди, балки қаҳрамонларнинг қувончлари ва қайғулари, болалари ва эркаклар билан муносабатлари, ҳамда ўзгариб бораётган таналари ҳақида очиқчасига сўзлайди. Бундай ҳикояларнинг ҳар бирида инсонни ўз кучи ва қобилиятлари ҳақида ўйлаб кўришга ундайдиган нарса бор.
“Субстанция”
Деми Мур ижросидаги Элизабет Sparkл аэробика машғулотлари ҳақидаги телекўрсатув олиб борувчиси эди. У 50 ёшга тўлганда, продюсер унинг ўрнига қандайдир ёш юлдузчани кўришни истаб, Элизабетни ишдан бўшатади. Айнан шу пайтда Элизабетнинг қўлига “Субстанция” номли препарат тушиб қолади. Бу дори унинг ёшроқ, гўзалроқ ва мукаммалроқ янги версиясини яратишни ваъда қилади.
Бу, шубҳасиз, эсда қоларли фильми бўлиб, Канн кинофестивалида энг яхши сценарий учун мукофот олган.
“Қўшни хона”
Икки аёл ёшликда бирга ишлаган, аммо ҳаёт йўллари уларни дунёнинг турли бурчакларига олиб кетган. Кўп йиллик айрилиқдан сўнг, дугоналар қайта учрашади, бироқ улардан бири оғир хасталикка чалинган. У эски дўстига ғалати таклиф билан мурожаат қилади — ҳаётдан кўз юмгунга қадар у билан бир оз вақт бирга бўлиш.
Бу фильм Тилда Суинтон ва Жулианна Мур ажойиб актёрлик маҳоратини намойиш этган драмадир. Фильм Венеция кинофестивалининг бош мукофотига сазовор бўлган.
“Сен ҳақингдаги ўйлар”
40 ёшли ёлғиз она қизи билан мусиқа фестивалига боради ва у ерда тасодифан машҳур йигитлар гуруҳининг 24 ёшли хонандаси билан танишиб қолади. Қисқа учрашув ўзаро ёқтиришга, кейинчалик эса жўшқин севги муносабатига айланади. Бироқ тез орада суперюлдуз мақоми уларнинг муносабатларига муаммолар келтириб чиқариши аён бўлади: матбуот ва аёлнинг танишлари жуфтликнинг ёш фарқини қизғин муҳокама қилишса, суратчилар уларни тинмай таъқиб қилади.
Бу ажрашганлар албатта кўриши керак бўлган фильм — у ҳаёт қанчалик умидсиз кўринмасин, унда доимо севгига жой борлигини эслатади. Бунга ҳеч қандай ёш тўсиқ бўла олмайди.
“Кўчманчилар юрти”
Френсис Макдорманд ролини ўйнаган бош қаҳрамон эрининг ўлими ва иш жойини йўқотишни бошдан кечиради. Шунинг учун у қадрдон шаҳрини тарк этиб, фургонда яшаб, кўчманчи ҳаёт кечириб, мамлакат бўйлаб саёҳат қилишга қарор қилади.
Фильм танқидчиларнинг умумий эътирофига сазовор бўлиб, кўплаб мукофотлар билан тақдирланган, жумладан, “Энг яхши фильм”, “Энг яхши режиссёр” ва “Энг яхши актриса” номинацияларида 3 та “Оскар” мукофотига сазовор бўлади. Дарвоқе, Хлоя Чжао ушбу мукофотни қўлга киритган иккинчи аёл режиссёр ҳисобланади.
“Қасоскор тикувчи”
Кейт Уинслет ижро этган бош қаҳрамон онасига ғамхўрлик қилиш учун болалиги ўтган шаҳарчага қайтади. Тикувчи сифатида у шаҳар аёлларига ҳашаматли ва чиройли либослар тикиб, тезда эътиборга тушади. Фильм севги, ижод ва қасос мавзулари ҳақида. Британиялик Кейт Уинслетнинг австралиялик талаффузи эса танқидчилар томонидан алоҳида мақтовга сазовор бўлган.
Кўплаб мухлислар мазкур фильмни кинематографиянинг ҳақиқий бриллианти деб ҳисоблайди.
Изоҳ (0)