Киванч Татлитуғ — Туркиянинг энг машҳур актёрларидан бири, у юқори даромад келтирган ва энг муваффақиятли телевизион лойиҳаларда рол ўйнаган. 27 октябрь куни 41 ёшни қарши олган актёрнинг мухлислари унинг ижодини меҳр ва ҳайрат билан кузатиб боради. Киванч комедия ролларидан узоқдир, шунинг учун агар сиз кадрдаги актёрга баҳо беришга қарор қилган бўлсангиз, дастрўмолчангизни олдиндан тайёрлаб қўйинг. Қуйида турк Бред Питти номини олган Киванч Татлитуғ иштирокидаги классикага айланган фильм ва сериалларни эътиборингизга ҳавола этамиз.
“Тақиқланган севги”
Турк тилидаги номи: Аск-и Мемну
Намойиш этилган йил: 2008-2010
Жанр: драма, мелодрама
Режиссёрлар: Ҳилал Сарал, Месуде Эрарслан
Сценарий муаллифлари: Эже Ёренc, Мелек Генчўғлу
Ролларда: Берен Саат, Киванч Татлитуғ, Селчук Ёнтем, Небаҳат Чеҳре, Ҳазал Кая ва бошқалар.
“Тақиқланган севги” сериали Киванчга дунё миқёсида шуҳрат келтирган лойиҳа ҳисобланади. Сериал дунёнинг кўплаб мамлакатларида намойиш этилган. Ушбу лойиҳада Киванчнинг партнёри Берен Саат бўлди. Сериалнинг ўзига хос хусусияти шундаки, унда актёрлар ижобий ва салбий қаҳрамонларга бўлинмаган. Сюжетга кўра, ёш Бихтерни кекса ва бой Аднанга турмушга чиқишига мажбур қилишади. Шу орқали оиланинг молиявий аҳволини яхшилаш мақсад қилинади. Аввалига қиз бунга рози бўлади, аммо у бўлажак куёвнинг жияни Беҳлулни ёқтириб қолгач, барча режалар ўзгариб кетади.
“Кузей Гуней”
Турк тилидаги номи: Кузей Гüней
Намойиш этилган йил: 20011-2013
Жанр: драма
Режиссёр: Меҳмет Ада Ўзтекин
Сценарий муаллифлари: Мелек Генчўғлу, Эже Ёренч
Ролларда: Киванч Татлитуғ, Бугра Гулсой, Ойкю Караел, Мустафо Авқиран, Семра Динчер, Онур Ўзтурк, Зеррин Текиндор, Баде Ишчил, Риза Кочаўғлу ва бошқалар.
“Кузей-Гуней” сериалида бош ролда Бугра Гулсой ва Ойкю Караел билан суратга тушган. Сериал характер ва ҳаёт мақсадларига тўғридан тўғри қарама-қарши бўлган икки ака-ука Кузей ва Гунейнинг оғир тақдири ҳақида ҳикоя қилади. Киванч экранларда ёмон ва безори йигит ролида пайдо бўлади. Уларнинг ўртасидаги рақобатлардан сўнг, иккаласи ҳам бир қиз билан муносабатлардан манфаатдор эканини англаб етади ва воқеалар ўзгача тус олади.
“Курт Сейит ва Александра”
Турк тилидаги номи: Курт Сейит ва Сура
Намойиш этилган йил: 2014 йил
Жанр: мелодрама, тарихий, драма, жангари
Режиссёр: Ҳилол Сарал
Сценарий муаллифлари: Нермин Безмен, Эже Ёренч, Мелек Генчўғлу
Ролларда: Киванч Татлитуғ, Фараҳ Зейнеп Абдулла, Берк Эрчер, Сердар Гокҳан, Седа Гувен, Сарп Жан Корўғлу, Биркан Сокуллу, Ушан Чақир, Сергей Тасслер ва бошқалар.
Тасвирга олиш ишлаи нафақат Туркияда, балки Россияда ҳам бўлиб ўтган таниқли тарихий лойиҳада тақиқланган севги мавзуси яна сюжет марказида бўлади. “Курт Сейит ва Александра” — таниқли турк ёзувчиси Нермин Безменнинг “Курт Сейит ва Шура” романи асосида ишланган бўлиб, сериал ХХ аср бошларида содир бўлган реал воқеаларга асосланган. Унда бош қаҳрамонлар Россия империясининг қулаши ҳамда Октябрь инқилобидан омон қолишади. Фожиалар, кўплаб йўқотишлар, шафқатсиз умидсизликларга тўла тарихий воқеалар билан бирга чор армиясининг собиқ офицери лейтенант Курт Сейит ва аристократлар оиласидан бўлган ўн олти ёшли Шура ўртасидаги севги ҳақида ҳам ҳикоя қилинади.
“Жасур ва гўзал”
Турк тилидаги номи: Cесур Ве Гузел
Намойиш этилган йиллар: 2016-2017
Жанр: драма, мелодрама, криминал
Режиссёр: Али Билгин
Сценарий муаллифи: Эже Ёренч
Ролларда: Тамер Левент, Эркан Авжи, Серкан Алтунорак, Сезин Акбашўғуллари, Сеҳер Деврим Якут, Ниҳан Буюкаач, Гйўзде Туркпенче, Фират Алтунмеше, Киванч Татлитуғ, Туба Буюкустун ва бошқалар.
Сериал қасосдан туғилган севги ҳақида ҳикоя қилади. Исми “жасур” деб таржима қилинган бош қаҳрамон Жасур Истанбул яқинидаги кичик шаҳарчага келади. У тақдир тақозоси билан у чавандоз Супҳон билан учрашади. Қиз шунчалик гўзал бўладики, уни севиб қолиш учун унга бир марта боқишнинг ўзи кифоя бўлади. Аммо Гўзал Жасурнинг, балки бошқа кўплаб одамларнинг ҳаётини заҳарлаган кишининг қизи бўлиб чиқади. Оқибатда йигит олдида икки мураккаб танлов қолади.
“Тўқнашув”
Турк тилидаги номи: Карписма
Намойиш этилган йиллар: 2018-2019
Жанр: драма, криминал, триллер
Режиссёрлар: Улуч Bayraktar, Аҳмет Катиксиз
Сценарий муаллифи: Али Ойдин
Ролларда: Киванч Татлитуғ, Элчин Сангу, Алперен Дуймаз, Мелиса Асли Памук, Онур Сайлак, Ройда Демирер, Мерве Чақиран, Ҳакан Курташ, Эркан Жан ва бошқалар.
Сериалда Киванч Татлитуғ полиция комиссари ролини ижро этди ва актриса Элчин Сангу билан партнёр бўлди. Сюжетга кўра, тўртта бир-бирига боғлиқ киши автоҳалокатга учрайди. Автоҳалокатда тўрт хил инсон: ўғирланган қизини қутқариш учун пул ўғирлашга мажбур бўлган банк ходими Зейнеп, унинг адвокати, ўғри Керем қатнашади. Полиция комиссари Кадир барчанинг тақдирини бир-бирига боғлайди.
“Якамоз С-245 сув ости кемаси”
Турк тилидаги номи: Якамоз С-245
Намойиш этилган йил: 2022
Жанр: фантастика, триллер, драма
Режиссёрлар: Умут Арал, Толга Карачелик
Сценарий муаллифлари: Жейсон Жорж, Мурат Уюркулак
Ролларда: Ўзге Ўзпиринчи, Киванч Татлитуғ, Эжем Узун, Онур Унсал, Жерри Хоффман, Эртан Сабан, Эже Чесмиўғлу, Эрсин Арижи ва бошқалар.
Бир пайтлар бир-бирига кўнгил қўйган икки олим — Арман ва Дефне бир неча йилдан сўнг қайта учрашади. Дефне Арманни олимлар гуруҳи билан узоқ вақтдан бери ўрганмоқчи бўлган Эрен тубига шўнғишга кўндиради. Тадқиқот майдонига етиб келган Арман ва олимлар сув остига тушади, аммо маълум муддатдан сўнг сув юзасига кўтарилган экипаж денгиз тубига кирган пайтида содир бўлган табиий офатлар ҳақида билиб қолади.
“Оила”
Турк тилидаги номи: Аиле
Намойиш этилган йиллар: 2023-2024
Жанр: драма, жиноят, мелодрама
Режиссёр: Аҳмет Катиксиз
Сценарий муаллифи: Ҳакан Бономо
Ролларда: Киванч Татлитуғ, Серенай Сарикая, Нур Сурер, Нежат Ишлер, Жанан Эргудер, Левент Юлген, Тамер Айжит ва бошқалар.
Киванчнинг сўнгги лойиҳаларидан бири бўлган мазкур сериал томошабинлари учун энг қизиқарли бўлди. Бош қаҳрамон Аслан жиноят билан чамбарчас боғлиқ бўлган сирли клуб бизнесининг вориси. Тасодифан унинг йўллари психотерапевт Девин билан кесишади. Девин ҳалол меҳнат қилиб, барча нарсага эришишга ва синглиси ҳақида қайғуришга ҳаракат қиладиган меҳнаткаш қиз бўлади. Уларнинг ўртасида вужудга келган ришталар ҳатто турк мафиясини ҳам йўқ қила оладиган кучли туйғуга айланади.
Изоҳ (0)