Машҳурларнинг шахсий ҳаёти доимо жамоатчиликда қизиқиш уйғотади. Актёрлик соҳасидаги муваффақиятнинг ўлчови нафақат мухлислар томонидан эътироф, балки муносиб маошга ҳам боғлиқдир. Қуйида "Акшам" нашри маълумотларига асосланиб бугунги кунда Туркиянинг энг бадавлат актёр ва актрисалар рейтинги билан танишамиз.
5-ўрин — Серенай Сарикая
“Тўлқин”, “Иккимиз ўрнига”, “Лола гуллаган давр” сериалларининг юлдузи 186 миллион лира (5,4 млн доллар) капиталга эга. Серенай нафақат турк телесериаллардаги ролларидан даромад олади, балки бир неча йиллардан бери “Алиса мўжизалар мамлакатида” мусиқий спектаклида бош ролни ижро этиб келмоқда. Шунингдек, Сарикая Туркияда Bvlgari брендининг юзи ҳисобланади.
4-ўрин — Ҳанде Эрчел
Туркиянинг энг гўзал актрисаларидан бири Ҳанде Эрчел энг бадавлат дизи юлдузлари рўйхатида тўртинчи ўринни эгаллади. Фаолияти давомида Ҳанде 249 миллион лира (7 млн доллардан ортиқ) пул ишлаб топган. Маълумки, актриса унга таклиф қилинган ролларни доим саралаб олади ва истамаган лойиҳаларда суратга тушмайди. Бугунги кунда Ҳанде Эрчел жаҳон киносини забт этишни орзу қилади.
3-ўрин — Жан Яман
“Тўрғай”, “Тўлин ой” сериалларидаги ёрқин роллари билан миллионлаб мухлисларнинг қалбини забт этган Жан Яман мазкур рейтингда учинчи ўринни эгаллади. Унинг жорий йилдаги бойлиги 311 миллион лира (салкам 9 миллион доллар) деб баҳоланмоқда. Актёрнинг даромади сериаллардаги роллардан, ташқари турли ижтимоий лойиҳалар туфайли ҳам ошиб бормоқда. Жумладан, Яман китоблар ёзади, тадбиркорлик субъектларига сармоя киритади, шунингдек, Dolce&Gabbana ва Mercedes каби брендларнинг амбассадори сифатида ҳамкорлик қилади.
2-ўрин — Мерем Узерли
“Шокир пошо оиласи: мўжиза ва можаролар” номли янги сериалда суратга тушаётган Марям Узерли ҳозирда кино фаолияти билан жиддий шуғулланмоқда. Дунёдаги энг машҳур канизак сифатида танилган актриса жорий йилда 320 миллион лира (9,2 млн доллар) ишлаб топган. Ҳозирда актрисанинг асосий даромади турли брендлар билан тузилган шартномалар, мода уйлари билан ҳамкорлик рекламалари туфайли ошиб бормоқда.
1-ўрин — Киванч Татлитуғ
“Тақиқланган севги”, “Курт Сеит ва Александра”, “Тўқнашув” каби сериалларда унутилмас роллари билан шуҳрат қозонган Киванч Татлитуғ бугунги кунда Туркиянинг энг бадавлат актёри сифатида эътироф этилади. Ҳозирда юлдузнинг ҳисобида 466 миллион лира (13 миллион доллар) маблағ бор. Шунингдек, актёр кўплаб реклама шартномалари орқали даромад манбаини кўпайтириб бормоқда. Натижада у таклифлар сони бўйича Бурак Ўзчивит ва Керем Бурсинни ортда қолдириб, энг бадавлат ва катта талабларга эга актёр сифатида тан олинган.
Изоҳ (0)