Туркиянинг нуфузли мукофотларидан бири — “Олтин капалак-2024”га номзоди қўйилган актрисалар

“Олтин капалак” — Туркия телевидение санъатидаги энг нуфузли мукофотлардан бири ҳисобланади. Бу йил “Энг яхши актриса” номинациясида кўплаб актрисалар ғолиблик учун курашмоқда.

Афра Сарачўғлу (“Қўрғон сирлари” сериали)

“Қўрғон сирлари” сериали сўнгги 3 йил ичида бошқа мамлакатларга энг кўп сотиладиган сериаллардан бирига айланди. Шу сабабли бош ролларни ижро этган актёрлар томошабинлар муҳаббатига сазовор бўлгани ажабланарли эмас.

Бош аёл ролини Афра Сарачўғлу ижро этган. Актриса жозибали ташқи кўринишга ва ҳақиқий истеъдодга эга бўлгани учун уни нафақат сериалларда, балки мода журналларининг муқоваларида ва реклама кампанияларида ҳам тез-тез кўриш мумкин.

Актёрлик маҳорати ва чуқур ҳис-туйғуларни етказиш қобилияти билан ажралиб турган Афра Сарачўғлу бу йил нуфузли мукофотга даъвогарлик қилмоқда.

Биржа Акалай (“Қуш парвози” сериали)

Биржа Акалай бу йил Harper’s Bazaar нашри томонидан “Энг яхши актриса” номинациясида ғолиб чиқди. Эҳтимол, кейинги мукофот ҳам иқтидорли актрисага насиб қилар. Унинг турк киноси ривожига қўшган ҳиссаси сезиларли ва у ёш актёрларни илҳомлантиришда давом этмоқда.

2024 йилда Биржа Акалай бош ролни ижро этган “Қуш парвози” мелодрамасининг учинчи мавсуми чиқди. Айнан шу лойиҳа унга “Олтин капалак”да ғолиб бўлишга даъво қилиш имконини беради.

Демет Эвгар (“Баҳор” сериали)

Ўзининг ролга киришиш қобилияти билан танилган Демет Эвгар янги “Баҳор” мелодрамаси билан яна бир бор томошабинларни ҳайратда қолдирди. Унинг қаҳрамони ўзини топиш учун кўплаб синовлардан ўтади. Баҳор образи актрисага актёрлик маҳоратининг энг кучли томонларини намойиш этиш имконини берди.

Ўзгу Намал (“Алвон ғунчалар” сериали)

Ўзгу Намал узоқ танаффусдан сўнг ҳақиқий ҳит — “Алвон ғунчалар” билан экранларга қайтди. Мураккаб драма актрисага суратга олиш майдончасида ўзини янги ракурсдан очишга ёрдам берди. 

Сила Туркўғли (“Қизил шарбат” сериалида)

Сила Туркўғли кундалик сериалларда тажриба орттириб, “Қизил шарбат” мелодрамасида бош ролни ўйнашга муваффақ бўлди. Ёш актриса томошабинлар меҳрини қозонди ва профессионал жиҳатдан ўсди. Бу йил актриса мазкур сериалдаги бош роли туфайли муҳим маросимда нуфузли мукофотни қўлга киритиш учун барча имкониятларга эга.

Жемре Байсел (“Лайло” сериали)

Бу Жемре Байселнинг биринчи муҳим ролларидан бири эди. Шундан сўнг “Тақдир ўйини”, “Сендан чиройлироқ” ва “Мени яшир” мелодрамалардаги бош роллар унга насиб этди.

Бу йил Жемре Байсел яна экранларда порлайди, фақат вайрон бўлган болалиги учун қасос олишга иштиёқманд қиз Лайло ролини ўйнайди.

Яғмур Юксел (“Қонли гуллар” сериали)

Туркларга хос бўлмаган гўзалликка эга ёш юлдуз — Яғмур Юкселга “Қонли гуллар” сериалидаги дебют роли машҳурлик келтирди. Яғмур тезда томошабинлар меҳрини қозонди, шунинг учун кўпчилик унга карьерасини кундалик сериаллардан бошлаган, ҳозирда эса энг яхши ролларни ўйнаётган ва йирик брендлар билан ҳамкорлик қилаётган Сила Туркўғли ва Ўзге Яғизнинг муваффақиятини башорат қилади.