Кўплаб юлдузлар актрисалик фаолиятига қадам қўйишдан аввал ўзларини моделлик соҳасида синаб кўрган бўлади. Улардан баъзилари гўзаллик танловларида иштирок этиб, бутун дунёда машҳур бўлишга эришган. Баъзилар эса болалигида шунчалик оддий ўйин тариқасида гўзаллик танловлари иштирокчиси бўлган.
Селена Гомес
2015- йилда хонанда ўзининг болалик хотиралари билан баҳам кўрган ажойиб пост қолдирган. Ижтимоий тармоқдаги суратда ёш Селена оппоқ кўйлакда, қўлида ғолиблик кубоги ва гулдаста билан тасвирланган. Актрисанинг сўзларига кўра, мактабгача ёш даврида Селена бир неча бор гўзаллик танловларида иштирок этган ва уларнинг бирида ғалаба қозонган.
Oh my... Talk about tbt. pic.twitter.com/83SQw6tMtM
— Selena Gomez (@selenagomez) February 18, 2015
Метю Макконаҳи
Гўзаллик танловларида нафақат нозик жинс вакиллари, балки эркаклар ҳам иштирок этиши мумкин. Актёр Метю Макконаҳи ҳам ёшлигида ана шундай тадбир иштирокчиси бўлган ва фахрли иккинчи ўринни эгаллаган. У Техасдаги энг хушбичим бола деган ёзувли суратини интернетга жойлаган.
Ева Лонгория
Бежизга Ева Лонгорияни “Умидсиз уй бекалари” сериалида актриса ўзини ижро этган, деб айтишмайди. Актриса машҳурликка илк қадамни 1998 йилда Мiss Corpus Christi гўзаллик танловида ғолиблик билан қўйган. Конкурс актрисанинг туғилган жойи — Техасда бўлиб ўтган ва Ева учун кино соҳасига кўприк сифатида хизмат қилган.
Приянка Чопра
_updates-gC5W577R.webp)
2000 йилда Приянка Чопра “Дунё гўзали” унвонини қўлга киритди. Ғалабасидан сўнг ҳиндистонлик модел Болливудда муваффақиятли фаолиятини бошлади ва Голливудни ҳам забт этди. У ушбу даражадаги халқаро эътирофга эришган илк ҳинд актрисаларидан бири бўлди.
Қизиқарли факт: унинг турмуш ўртоғи Ник Жонас Приянка дунё гўзали бўлганида атиги 7 ёшда эди. У Чопранинг ғолиблик нашидасини сурганини кузатиб боради ва йиллар ўтиб болаликдаги севгисига эришади. Ҳозирда улар дунёдаги энг кўп муҳокамаларга сабаб бўлган машҳур жуфтликларда биридир.
Ванесса Уильямс
Ванесса Уильямс 1984 йилда Америка гўзали унвонини қўлга киритган биринчи қора танли аёл бўлиб тарихда ўчмас из қолдирди. Аммо унинг ғалабаси турли низо ва жанжалларга сабаб бўлди. Номаълум шахслар Уильямснинг шахсий фотосуратларини тарқатиб юборгач, гўзаллик тожидан воз кечишга мажбур бўлди. Аммо мазкур суратлар танловдан икки йил аввал олинган эди ва Penthaus журнали уларни фотографдан сотиб олиб, атайин чоп этиб юборган эди.
Изоҳ (0)