Баъзан хотирамиз бизга панд бериб туриши ва муҳим сана ёки воқеалар ёдимиздан кўтарилиши мумкин. Голливуд юлдузлари ҳам бундан мустасно эмас. Қуйида ўзи ижро этган машҳур ролларни унутиб қўйган (ёки ўзини унутгандек кўрсатадиган) актёр ва актрисалар ҳақида сўзлашамиз.
Пол Беттани — “Темир одам”
Актёр бошқа образларига қараганда айнан Marvel олами фильмларидан сўнг машҳурликка эришган. Аммо Пол Беттани фантастика жанрдаги лойиҳада суратга тушганини бир маротаба эсидан чиқариб қўйган. Актёр Вижн исмли супер қаҳрамонни ўйнашдан аввал 2008 йилда “Темир одам” фильмида Тони Starkнинг содиқ сунъий интеллекти — Жарвис образини гавдалантирган.
Интервьюлардан бирида у “Темир одам” фильмида иштирок этганини унутиб қўйгани ҳақида сўзлаб берган эди:
Бир куни кимдир менга: Сизнинг “Темир одам”даги ролингиз бизга жуда ёқади”, деди. Мен эса ъМени бошқа актёр билан адаштириб юбордингиз, чоғиъ, деб жавоб берган эдим”.
Жаред Лето — “Шаҳар афсоналари”
Балки актёр Жаред Лето шунчаки журналистларни билан ҳазиллашгандир, лекин 1998 йилда суратга олинган “Шаҳар афсоналари” қўрқинчли фильмида иштирок этганини эслай олмаслиги ҳақида қатъият билан айтган эди. Қизиқарлиси, юлдуз фильм нима ҳақида эканлигини билмаслиги ҳақида ҳам бот-бот такрорлаган:
“Бу қайси фильм эди? Мен аниқ бу фильмда иштирок этмаганман. Лойиҳа ҳақида эшитмаганман ҳам. Балки қисман хотирамни йўқотгандирман, ким билади?” деган эди актёр.
Гвинет Пелтроу — “Ўргимчак одам: Уйга қайтиш”
Актриса Гвинет Пелтроу 2017 йилда премьераси бўлиб ўтган “Ўргимчак одам: Уйга қайтиш” фильмида Pepper Потц ролини ижро этган. Аввалига у ҳатто қандай фильмда суратга тушгани ҳақида тасаввурга ҳам эга бўлмаган. Кейинчалик америкалик бошловчи Жимми Киммелга лойиҳани аслида “Қасоскорлар” фильмининг давоми деб ўйлаганини тан олган.
Шунингдек, у актёр ва режиссёр Жон Фавроу билан “Ошпазлар шоуси”да иштирок этганда суҳбат “Ўргимчак одам: Уйга қайтиш” фильмига бориб тақалган. Шунда Пелтроу бошловчидан нега бу фильм ҳақида саволлар бераётгани, ахир актриса унда рол ўйнамаганлиги ҳақида сўзлаб томошабинларни ҳайратда қолдирган.
Анна Кендрик — “Сумерки”
Бешта қисмдан иборат франшизада Белланинг дугонаси — Жессика ролини ўйнаган Анна Кендрик вампирлар ҳақидаги лойиҳа тугагач, 2009 йилда “Самоларда учсайдим” фильми учун “Оскар”га номзод бўлган. 2018 йилда Анна ўзининг шахсий блогида шундай хабар қолдирган:
“Тавба! Ҳозиргина “Сумерки”да рол ўйнаганим ёдимга тушди!”
Жек Блек — “Таътиллар алмашганда”
2006 йилда намойиш этилган “Таътиллар алмашганда” фильми комедия жанридаги роллари билан танилган Жек Блекка янги жанр — романтик комедияда ишлаш имконини берди. Ҳозирда мазкур фильм бутун дунё томошабинлари томонидан севиб кўриладиган ҳақиқий классикага айланган.
2019 йилда қизил гиламда актёрдан унинг Рождество мавзусидаги севимли фильми ҳақида сўрашганда Блек “Элф” эканлигини айтган. Интервью олаётган журналист нима учун ўзингиз иштирок этган фильмни номламадингиз, деганда актёр бир зумга саволни тушунмай қолган:
“Мен Рождество ҳақидаги фильмда суратга тушганманми? Тушунмадим? Қайси фильм экан? Ҳа, айтганча, “Таътиллар алмашганда” ҳам бор эди-ку” дея жавоб берган.
Изоҳ (0)