Иқтидорли одам ҳар жабҳада иқтидорлидир. Ушбу ибора ҳақиқат эканлигини исботлайдиган истеъдодли машҳурлар талайгина. Бугуни мақоладаги Голливуд юлдузлари фильм ва концерт дастурларидан сўнг ҳақиқий санъат асарларини яратишга ҳам вақт топади.
Шерон Стоун
Актриса коронавирус пандемияси даврида уйда зерикиб, расм чизиш молбертида вақт ўтказишни бошлаган. Стоун бу машғулотга шу қадар қизиқиб қолдики, расм чизиш унинг севимли хоббисига айланди. Шеронга энг ёқадиган нарса бу табиат манзараси ва мавҳум композицияларни чизишдир. Агар унга тўсатдан илҳом келиб қолса, актриса қўл остидаги ҳар қандай қалам билан сурат чизишга тайёр туради. Масалан, бир куни у пардоз анжомлари билан чиройли расм яратган.
Бред Питт
Голливуднинг энг машҳур ҳайкалтароши унвони, шубҳасиз, Бред Питтга тегишли. Актёр бу ҳунарни қисқа вақт ичида эгаллади. Дастлаб Питт 2016 йилда Анжелина Жоли билан ажрашгандан кейин ҳайкалтарошлик орқали стрессни енгиш машғулотларини бажарди, сўнг у рассом Томас Хаусигодан сабоқ олишни бошлади. Натижа эса узоқ куттирмади. 2022 йилда Финляндияда Питтнинг биринчи профессионал кўргазмаси бўлиб ўтди. Унда актёр гипс, ёғоч ва пластмассадан ясалган санъат асарларини намойиш этди.
Жонни Депп
Актёр болалигидан бўш вақтини расм чизиш билан ўтказади. У собиқ рафиқаси Эмбер Ҳёрд билан бўлиб ўтган шов-шувли суд жараёнига бўёқ ва қоғозлар билан келган.
Жонни Депп Ванесса Парадис билан учрашиб юрган вақтида унинг портретини чизган ва сура хонанданинг Divine Idylle альбомининг муқовасига туширилган. Ҳозирда актёр турли машҳурларнинг суратларини чиқиш билан ҳам шуғулланади ва бундан яхши даромад топади. У Элизабет Тейлор, Ал Пачино, Кит Ричардс ва Боб Дилан портретларининг 780 та нусхасини 3,6 миллион долларга сотган.
Жим Керри
Бир вақтлар расм чизиш машғулотлари Жим Керрига марҳум Катриона Уайтнинг ўз жонига қасд қилганидан кейинги депрессияни енгишга ёрдам берган. Арт-терапияни унга шифокор тавсия қилган, аммо тез орада актёр рассомлик ва ҳайкалтарошликка жиддий қизиқиб қолган. Керри қаламига мансуб асарлар шунчалик кўпки, уларни сақлаш учун катта галерея очиш мумкин. Ҳозирча актёрнинг ишлари Канададаги уй омборида сақланади. Сўнгги йилларда Керри сиёсий ва ижтимоий мавзудаги сатирик суратларга кўпроқ эътибор қаратмоқда. У Дональд Трампнинг кўплаб карикатуралари муаллифи ҳамдир.
Ленни Кравиц
Америкалик хонанда ва композитор Ленни Кравиц сураткашлик ишига қизиқади. У кўчада тасодифий одамларни суратга олишни яхши кўради. Кравиц баъзан кўргазмаларда оқ-қора фотосуратларини намойиш этиб туради. У ҳатто афсонавий Leisа компанияси билан ҳамкорликда янги турдаги камера моделини ишлаб чиқаришда фаол иштирок этган.
Изоҳ (0)