Жаҳон миқёсида миллионлаб мухлисларига эга актёрлар ниҳоятда банд бўлишига қарамай, яхшилик қилиш ҳақида унутмайди. Қуйидаги юлдузлар турк кино саноатида ёрқин роллари билан танилиш билан бирга хайрия ишларида фаол иштирок этиши билан ажралиб туради.
Марям Узерли
![](/static/2024/08/19/meryem-uzerlinin-4-milyonluk-yemegi-riyadli-ailenin-konugu-oldu-mqzq-ZQKRIkBd.webp)
Турк султони Сулаймоннинг қалбини забт эта олган Хуррам роли билан машҳур бўлган Марям Узерли болаларни жуда яхши кўради. Актриса ёрдамга муҳтож бўлган барчага вояга етмаганларни молиявий қўллаб-қувватлашга ҳаракат қилади. У ота-онасиз ёки маълум сабабларга кўра қаровсиз қолган болаларга фаол ёрдам беради ҳамда экологик муаммолар билан шуғулланадиган жамғармалар билан яқиндан ҳамкорлик қилади.
Ҳанде Эрчел
![](/static/2024/08/19/2 the girl.ru-xHNKUsU_.jpg)
2024 йилда FillGap International рейтингига кўра энг гўзал мусулмон аёллар рўйхатида биринчиликни қўлга киритган Ҳанде Эрчел саратонга чалинган беморларни қўллаб-қувватлайди. Актриса “Саратонсиз ҳаёт” номли хайрия жамғармасига ёрдам беради ва ҳар йили туғилган кунида Instagramъдаги обуначиларни ҳам беморларга ёрдам беришга ундайди. Эрчелнинг сўзларига кўра, ҳар бир мухлиснинг мазкур фондга кўмак бериши актриса учун энг яхши совғадир. Шунингдек у бундай даҳшатли касалликни енгишга муваффақ бўлган аёллар учун бадиий устахона очган.
Ҳалит Эргенч ва Бергузар Корел
![](/static/2024/08/19/3-89yHKwWB.jpeg)
“Муҳташам юз йил” сериалида султон Сулаймон ролини ижро этган Ҳалит Эргенч ва унинг рафиқаси Бергузар Корел ҳам хайрли ишларда фаол актёрлардир. Эргенч гонорарини бир неча бор болаларга ёрдам беришга сарфлаган, Бергузар эса мусиқий альбоми савдосидан тушган маблағни хайрия ишларига сарфлаган.
Керем Бурсин
![](/static/2024/08/19/4-3RCtg-dr.jpeg)
“Қалбим эшигини қоқ” сериали юлдузи бир неча йиллар давомида аёллар ҳуқуқлари учун курашиб келмоқда. У “Ҳе фор Ше” номли аёлларни муҳофаза қилиш ташкилотини қўллаб-қувватлайди. Мазкур ҳаракатга кўпроқ инсонларни жалб этиш мақсадида Бурсин турли оммавий тадбирларда аёл ҳуқуқи масаласи бўйича маърузалар ўқийди.
Бариш Ардуч
![](/static/2024/08/19/5-7EmvjeCc.jpeg)
Истеъдодли актёр Бариш Ардуч турли ижтимоий лойиҳаларда мунтазам иштирок этади. Бир неча йил аввал у “Хатико” уюшмасининг турк талқини учун суратга тушди. Лойиҳадан даромад уйсиз қолган ҳайвонлар учун бошпана яратиш ва уларни даволаш учун сарфланди. Бундан ташқари, актёр меҳрибонлик уйларига, атроф-муҳитни муҳофаза қилиш жамғармаларига ва уйсиз қолган инсонларга ёрдам бериб келмоқда.
Изоҳ (0)