Бритни Спирс 43 ёшда: хонанданинг Гиннес рекордлари китобига кириши, 55 соатлик никоҳи ва омадсиз муносабатлари ҳақида

2024 йилнинг 2 декабрь куни миллионлаб мухлисларнинг севимли хонандаси Бритни Спирс 43 ёшни қарши олди.

Қўшиқчининг таржимайи ҳоли ва карьераси

Америкалик хонанда, қўшиқлар муаллифи, актриса ва раққоса Бритни Жин Спирс 1981 йил 2 декабрда Миссисипи штатининг Макком шаҳрида туғилган. Отаси Жеймс Парнелл Спирс — ошпаз ва қурувчи, онаси Линн Айрен Брижес — собиқ ўқитувчи ва аэробика мураббийи бўлган. Акаси — продюсер Брайан Жеймс Спирс, опаси — актриса Жейми Линн Спирс (“Zoui 101”) эди.

Бўлажак хонанданинг болалиги Луизиана штатининг Кентвуд шаҳрида ўтган. 3 ёшида у рақс дарсларига, гимнастика ва вокал машғулотларига қатнаша бошлайди, 5 ёшида эса саҳнада, маҳаллий баптистлар черковининг черков хорида қўшиқ куйлайди, шунингдек, танловларда ғолиб чиқади. Бритни Нью Йоркдаги Professional Performing Arts School актёрлик мактабида таҳсил олган. Clevelаnd нашри маълумотларига кўра, 10 ёшида у Star Search ёш истеъдодлар танловида қатнашган, аммо иккинчи босқичда мағлуб бўлган. У эстрададаги фаолиятини “Innosense” аёллар гуруҳи таркибида бошлаган. 1997 йилда у яккахон карьерасини қуриш учун гуруҳни тарк этади.

Унинг биринчи альбоми “Baby One More Time” Бритни Спирс эндигина 17 ёшлигида чиққан. Альбом 10 миллиондан ортиқ нусхада сотилган. Хонанда концерт гастролларида жонли куйлаган ва костюмлари устида ўзи ишлаган. Шунингдек, альбомларидаги қўшиқларнинг бир қисмини ўзи ёзган. Фаолияти давомида 9 та студия альбомини чиқариб, 30 миллиондан ортиқ пластинкаси сотилди, “Гремми” ва АМА мукофотларини, шунингдек, Billboard Music Awards, МTV Video Music Awards ва Nick Teen Choice Awards мукофотларини қўлга киритади.

Бритни Спирс фақат клипларда рол ўйнамаган. Унинг телевизион ва кинематографик ютуқлари анчагина:

• у Х-Factor (2012) шоусининг иккинчи мавсумида ҳакам Никол Шерзингернинг ўрнини эгаллайди;
• “Микки Маус клуби” (1955-1996), “Уилл ва Грэйс” (1998-2020) ва “Онангизни қандай учратганман” (2005-2014) ситкомларида рол ўйнаган;
• “Остин Пауэрс: Голдмембер” (2002) фильмида рол ўйнаган.
• Унинг экрандаги сўнгги чиқиши “Корпоратив ҳайвонлар” (2019) комедиясидаги иштироки эди.

Ҳозирда Бритни Спирс 36 та мукофот ва 87 та номинацияга эга. Қўшиқчи Forbes журнали маълумотларига кўра дунёнинг 100 та энг нуфузли ва машҳур инсонлари рўйхатида 6-ўринни эгаллайди, 2010 йилда ўн йилликнинг энг кўп альбоми сотилган артисти ва дунёдаги учинчи энг нуфузли мусиқачисига айланди. Forbes нашрига кўра, 2021 йилда унинг капитали 60 миллион долларни ташкил этган.

2008 йилдан 2021 йилгача Бритни Спирс жамоатчилик ва #FreeBritney ҳаракати томонидан қўллаб-қувватлангани сабабли уни тугатиш бўйича судда ғалаба қозонмагунча отасининг васийлигида бўлган. Бу ғалаба бутун АҚШ ҳудудида васийлик ва инсон ҳуқуқлари тўғрисидаги қонун ислоҳоти рамзига айланади. 2022 йилда хонанда 2023 йил 24 октябрда нашр этилиши режалаштирилган хотиралар китобини нашр этиш бўйича шартнома имзолайди. Август ойида у Элтон Жон билан биргаликда “Candle in the Wind” трекини ёзади.

Поп-мусиқа юлдузи кўплаб ишқий романларни бошдан кечирган. УС нашрига кўра, Бритни Спирснинг Жастин Тимберлейк билан ишқий муносабатлари бўлган. Юлдузлар “Микки Маус клуби”да (1955-1996) суратга олиш пайтида танишган. 1999 йилда улар муносабатларини расман тасдиқлайди, аммо 2002 йилда ажралишади. Бритни Спирс 2004 йил бошида Лас Вегасда болаликдаги дўсти Жейсон Александрга турмушга чиқади ва 55 соатдан кейин ажрашади.

2004 йил кузида, танишганидан 3 ой ўтгач, қўшиқчи рэпер Кевин Федерлайн (“Crazy”) билан унаштирилганини, сентябрь ойида эса тўй кунини эълон қилади. Кейинчалик жуфтликнинг икки фарзанди — Шон Федерлайн (2005) ва Жаден Федерлайн (2006). дунёга келади. Жуфтлик 2007 йилда ажралиш сабаби сифатида муросасиз қарама-қаршиликларни кўрсатган хонанданинг аризаси билан ажрашган. Она томонидан бир неча бор қонун бузилиши туфайли 2007 йилда болаларга васийлик отаси қўлига ўтади.

Собиқ менежер Жейсон Тревик билан муносабатлари ҳам 2009 йилда бошланиб, 2013 йилда якунланган. 2011 йилда келин-куёв унаштирилганига қарамай, никоҳгача етиб боролмайдилар. 2016 йилда “Slumber Party” клипини суратга олиш чоғида Бритни Спирс раққос Сем Асгари билан танишади, бу эса янги ишқий романнинг бошланиши эди. Танишган пайтда йигит 22, Бритни эса 34 ёшда эди. 2021 йил сентябрь ойида 4 йиллик муносабатлардан сўнг севишганлар Калифорниянинг Таузенд-Оукс шаҳридаги уйларида унаштирилади. 2022 йил июнь ойида дабдабали тўй бўлиб ўтади. Аммо 2023 йил август ойида Сем Асгари муросасиз келишмовчиликларни баҳона қилиб, ажрашиш учун ариза берган. Миш-мишларга кўра, ажралишнинг яна бир сабаби хонанданинг хиёнати бўлган.

Шахсий ҳаётига оид фактлар

• У ота-онасига тегишли спорт залида аэробика бўйича инструктор бўлиб ишлаган. Мактабда ўқиётганда аёллар баскетбол жамоаси аъзоси эди.
• Қўшиқчининг сочи малла эмас, балки тим қора.
• 2003 йилда у Голливуднинг Шон-шараф хиёбонида юлдуз олган энг ёш қўшиқчига айланади.
• Шунингдек, у тўртта альбоми бир вақтнинг ўзида Америка чартларида 1-ўринни эгаллаган биринчи аёл.
• Гиннеснинг рекордлар китобига альбомлари энг кўп сотилган ўсмир санъаткор сифатида киритилган.
• 2004 йилдан 2010 йилгача у 2 миллиард доллардан ортиқ даромад келтирган тўққизта атир ишлаб чиқаради. 5 йил ичида сотувлар 1 миллиард флакондан ошади.
• Сарра Мишел Геллар билан дугона (“Баффи — вампирлар қирувчиси”).
• Белида кичкина қора қанотли пари татуировкаси бор.
• Барби қўғирчоқларини коллекция қилади.

У юлдуз бўлишидан аввал N Sync (“I Want You Back”) ва Backstreet Boys (“I Want It That Way”) гуруҳларида ишлаган. Хонанданинг мухлислари унинг яна бир нечта хитлар ёзиши ва куйлашига умид қилишади. Шахсий ҳаётидаги муаммолар ва қариндошлари билан муносабатлардаги келишмовчиликларга қарамай, у истеъдодли қўшиқчи бўлиб қолмоқда ва унинг мусиқалари ҳали ҳам бутун дунёда севиб тингланади.