Ҳеч кимга сир эмаски, кўплаб жаҳон юлдузлари актёрлик ёки хонандалик фаолиятидан катта миқдорда даромад олади. Баъзилар маблағларидан самарали ва унумли фойдаланса, бошқалар миллионлаб пулини баъзан керакциз ва беҳуда нарсаларга сарфлайди. Қуйида барчага севимли бўлган жаҳон юлдузларнинг ноодатий ва ўта қимматбаҳо харидлари билан танишамиз.
Жонни Депп
Жек Читтак қаҳрамони юлдузи турли шаробларни жуда яхши кўради ва энг сара шароб навини харид қилиш учун ҳеч қачон пул аямайди. Актёр ушбу ичимликка ҳар ой камида 30 минг доллар сарфлайди. Жонни Депп шаробларни коллекция қилмайди, балки деярли ҳар куни истеъмол қилади. Эҳтимол, актёрнинг сўнгги вақтларда қарзга ботишига мазкур зарарли одат сабаб бўлгандир, дейди мухлислар.
Том Круз
Том Крузнинг собиқ турмуш ўртоғи Кети Ҳолмс ҳомиладор бўлганида, актёр унга жуда ажойиб ҳадя берди: Круз ҳомиладорликнинг қандай кечаётганини шахсан кузатиш учун 200 минг долларга ултратовуш текширув аппаратини сотиб олди.
Кети Перри
Хонанда ва актриса Кети Перри севган инсони учун ҳеч нарсани аямайди. Юлдуз Расселл Бренд билан бир оила бўлган вақтда эрининг 35 ёшга тўлгани муносабати билан 200 минг долларлик космосга саёҳатни совға қилган. Аммо Перрининг собиқ турмуш ўртоғи бу имкониятдан фойдаланмаган.
Перис Ҳилтон
Актриса Перис Ҳилтон 325 минг долларга ўзининг ити учун алоҳида уй харид қилган! Бундай уй кўринишидан дабдабали қасрнинг кичик вариантига ўхшайди. Итнинг “хонадони” иситиш механизми, кондиционер, чиройли қандиллар ва уй ҳайвонлари учун махсус ўйинчоқлар билан жиҳозланган.
Опра Уинфри
Қизиқарли ва шов-шувларга бой интервьюлари билан машҳур бўлган телебошловчи Опра Уинфри дунёдаги энг бадавлат шахслар рўйхатидан ўрин олган. У шу қадар бойки, юлдуз танасининг шаклига мос келадиган дизайнерлик алоҳида ванна харид қилган.
Бейонсе
Бейонсе ҳар доим энг ҳашаматли нарсаларни харид қилишга одатланган. Сўнгги йилларда ковбой услубида намоён бўлаётган хонанда бир вақтлар тилладан ишланган леггингс харид қилган. Қиролича Б ушбу ноодатий харид учун 100 минг доллар сарфлаган ва леггинсни атиги бир неча бор кийган.
Бундан ташқари, Бейонсе ва унинг турмуш ўртоғи Жай З қизи Блу Айвининг туғилган кунига олмос билан безатилган қўғирчоқ совға қилган. Ушбу ҳашаматли завқ ота-онага 80 минг долларга тушган.
Рианна
Рианна ташқи кўриниши устида турли тажрибалар қилишни яхши кўради. Биргина сочларни бўяш ва имижни ўзгартириш хонандага йилига 1 миллион доллар керак бўлади.
Селин Дион
Хонанда Селин Дион ўзининг гўзал овозини сақлаб қолиш учун барча нарсага тайёр. Мисол учун, у 2 миллион долларга ҳаво намлантирувчи аппарат сотиб олган, чунки қуруқ ҳаво овоз найчаларига зарра етказиши мумкин.
Изоҳ (0)