Xorijiy matbuot tizimi kino yulduzlarining maqomi va daromadini belgilab beradigan muhim parametrlardan biri bu rentabellik indeksi (foyda olish darajasi) dir. Rentabellik indeksi aktyor yoki aktrisa suratga tushgan barcha filmlar kassa daromadini o‘zaro taqqoslaydi va ijodkorning loyihalardan umumiy qancha daromad keltirganini o‘rtacha hisoblab chiqadi.
Xalqaro kino sanoatida eng katta daromad keltirgan aktrisalar ro‘yxati quyidagicha taqsimlandi (2024-yil avgust holatiga ko‘ra):
1. Helena Bonem Karter — 11 million dollar
11 million dollarlik reytingi bilan Helena Bonem Karter barcha aktrisalarni ortda qoldirdi. Helenani haqiqiy transformatsiya ustasi deb atash mumkin. U ekranlarda asosan yovuz ayol obrazlari bilan tanilgan. Aktrisa Garri Potter franshizasida Bellatriks Lestreyj, “Katta baliq” filmida qari jodugar timsolida paydo bo‘lgan. “Tost” filmida esa unga ovqat pishirishni bilmaydigan Potter xonim roli ishonib topshirilgan. “Alisa ko‘zguorti mamlakatida” filmida aktrisa Qizil qirolicha sifatida qayta tug‘ilgan. “55 qadam” filmida u o‘z huquqlari uchun kurashgan Eleanora Rayz rolini o‘ynagan.
So‘nggi yillarda u Karter “Toj” (2019), “Nolli” (2023), “Enola Xolms” (2020), “Oushenning sakkiz dugonasi” (2018) kabi nufuzli loyihalarda ishtirok etgan.
2. Emili Blant — 10 million dollar
2010-yillarning o‘rtalaridan boshlab Emili Blant Gollivudning eng ko‘zga ko‘ringan aktrisalaridan biri bo‘lib kelmoqda. “Qattiqqo‘l xonim” filmidagi roli bilan tanilgan britaniyalik aktrisaning so‘nggi muvaffaqiyatli loyihalari orasida “Sokin joy” (2018), “Jungli bo‘ylab kruiz” (2021), “Ingliz ayol” (2022), “Oppengeymer” (2023) kabilar o‘rin olgan.
3. Skarlett Yoxansson — 10 million dollar
Uchinchi o‘rinda Skarlett Yoxansson o‘rin oldi, uning kino sohasida muvaffaqiyatga erishishida Marvel franshizasidagi “Qora beva” roli bosh rolni o‘ynagan. 2019-yilda aktrisa “Qasoskorlar: O‘yinning oxiri” va 2021-yilda “Qora beva” filmlaridan keyin aktrisa 2019-yilda “Turmush haqida hikoya”, 2019-yilda “Jojo ismli quyon” va 2023-yilda “Asteroidlar shahri” filmlarida ishtirok etgan.
4. Anjelina Joli — 9 million dollar
Anjelina Joli juda ko‘p filmlarda suratga tushmagan, ammo doimo Gollivudning eng serdaromad aktrisalari ro‘yxatida doimo o‘z o‘rniga ega bo‘lgan. Uning so‘nggi muvaffaqiyatli ishlaridan biri 2014-yildagi “Malefisenta” va 2019-yildagi “Malefisenta 2” bo‘lgan. Shuningdek, Joli “Kung Fu Panda” filmida qahramonlarga ovoz bergan. Aktrisa 2021-yilda “Abadiy” filmida rol o‘ynagan.
5. Emma Stoun — 9 million dollar
So‘nggi yillarda Emma Stoun Gollivudning eng yorqin aktrisalaridan biri bo‘lib kelmoqda. Aktrisa turli blokbasterlar va mualliflik loyihalarida ishlashni baravariga olib bordi. muvaffaqiyatli birlashtirdi. Uning 2016-yilda “La La Lend”, 2018-yildagi “Favoritka” filmi, 2019-yildagi “Zombilend” hamda 2021-yildagi “Kruella” loyihalari ayniqsa katta muvaffaqiyatga erishdi.
6. Robin Rayt — 9 million dollar
Santa Barbara tufayli mashhur bo‘lgan aktrisa Robin Rayt 2013-yilda “Kartadan yasalgan uy” seriali orqali kinoga qaytdi. 2010-yillarning ikkinchi yarmida u bir qator mashhur blokbasterlarda, jumladan “Tig‘ bo‘ylab yugurish 2049” (2017), “Mo‘jizakor ayol” (2017), “Adolat ligasi” (2021) da o‘ynadi.
7. Zoi Saldana — 8 million dollar
Zoi Saldana — turli xil rollarni mahorat bilan ijro etgan iste’dodli va yorqin aktrisa. U kino tarixidagi eng ko‘p daromad keltirgan uchta loyiha — “Avatar”, “Qasoskorlar: abadiyat jangi” va “Qasoskorlar: xotima” filmlarida rol o‘ynagan yagona aktrisadir. Hozircha hech kim Zoi Saldananing bunday noodatiy rekordini takrorlay olmadi. Aktrisa ishtirokidagi barcha filmlar jami 3,9 milliard dollar ishlab topgan.
8. Enn Heteuey — 8 million dollar
Enn Heteuey so‘nggi yillarda shov-shuvli darajadagi muvaffaqiyatli loyihalarda ishtirok etmadi, ammo avvalgi muvaffaqiyatli filmlar unga yuqori rentabellik reytingiga ega bo‘lishiga zamin yaratdi. Muvaffaqiyatli “Interstellar” (2014) va “Qora ritsar” (2012) filmlaridan keyin aktrisa “Oushenning sakkiz dugonasi” (2018), “Jodugarlar” (2020), “Ish bermadi” (2022), “Armageddon davri” (2022) kabi filmlarda yorqin rollarni ijro etdi.
9. Greta Gervig — 8 million dollar
“Oskar” mukofotining “Eng yaxshi film” nomzodligiga chiqqan birinchi ayol rejissyor Greta Gervig “Xonqizi”, “Kichik xonimlar”, “Barbi” filmlarini suratga oldi. U aktrisa sifatida 2022-yilda “Oq shovqin” filmida o‘zining iste’dodini namoyon etdi.
Izoh (0)