Турк актёр ва актрисалари шахсий ҳаётида рўй бераётган янгиликлар ва ҳозирда юлдузлар нималар банд экани ҳақида маълумотларни эътиборингизга ҳавола қиламиз.
1. Розет Хубес “Қўрғон сирлари” сериалида Абидиннинг онаси ролини ижро этади
Яқинда “Қўрғон сирлари” сценарий муаллифлари собиқ ҳайдовчи Феритнинг ота-онаси, ҳозирда Корҳан исми билан танилган қаҳрамон фильмда ҳалок бўлиши айтишган эди. Аниқланишича, ушбу маълумот нотўғри бўлган. Куни кеча сериалнинг навбатдаги қисми эфирга узатилди. Унда томошабинлар Розет Хубес ижросидаги Чичек образи билан танишишди. Қизиғи шундаки, актрисага дастлаб Хаттуч ролини таклиф қилишган, бироқ у рад жавобини берган.
2. Актриса Башак Гумулжинелиўғлу “Эслатма” сериалида иштирок этади
Disney+ томонидан тақдим этилган, Ҳанде Эрчел ва Бариш Ардуч каби машҳур актёрлар бош ролларни ижро этган янги сериал аста-секин актёрлар таркибини кенгайтириб бормоқда. Яқинда “Қалбим эшигини қоқ” сериалида суратга тушган Башак Гумулжинелиўғлу “Эслатма” сериалида ҳам рол ўйнаши маълум бўлди.
Инсайдерларга кўра, у Дениз Деренўғлунинг қаллиғи ролини ижро этади. Сюжетга кўра, у Гунеш билан ажрашганидан кейин, Денизни ёқтириб қолади. Суратга олиш ишлари 2024 йил декабрь ойи ўрталарида бошланади, лойиҳа эса 2025 йилнинг февралида тақдим этилиши кутилмоқда.
3. Демет Ўздемир Халқаро араб фестивалида “Энг яхши халқаро актриса” номинациясида мукофот олди
“Менинг исмим Фараҳ” сериалидаги ижроси билан барчани ўзига ром этган Демет Ўздемир DIAFА фестивалида (Distinctive International Arab Festivals Awards) энг яхши актриса сифатида халқаро мукофотга сазовор бўлди. Унинг содиқ мухлислари дарҳол актрисани ижтимоий тармоқларда табриклашга тушди.
“Фестивалда менинг исмим эълон қилингач, кўплаб эзгу тилаклар ёзилган хабарларни қабул қилдим. Бунинг учун сизларга раҳмат айтаман. Бу менинг биринчи мукофотим. Орамиздаги километрлар эса шунчаки рақамлар эканлигини яна бир бор англаб етмоқдаман”, деб ёзиб қолдирди актриса ижтимоий тармоқларда.
Бундан ташқари, Демет фестивалда айтадиган нутқини аввалдан тайёрлади ва араб тилида ҳакамлар ҳайъатига ўз миннатдорчилик сўзларини айтди. Бундан аввал 2023 йилда Италияда бўлиб ўтган Кинео Awards маросимида "Энг яхши халқаро актрисаси” номинациясида ғолиб бўлган эди.
4. Айча Айшин Туран ва Керем Бурсин биргаликда Isdin бренди рекламасида суратга тушишди
Керем Бурсин ва Айча Айшин Туран испан косметика бренди Isdin’нинг янги реклама ролигида биргаликда суратга тушди. Айтишларича, иккала юлдуз ҳам 2024 йил 4 декабрь куни ўз мухлисларига ўзига хос сюрприз ваъда қилишган.
5. Сценарий муаллифи Су Эрсўз “Лайло” сериали жамоасига қўшилди
Ўтган ҳафтада “Лайло” сериалининг рейтинглари бир оз тушиб кетди. Бу вақтда Су Эрсоз ҳам сценарий муаллифлари жамоасига қўшилиши маълум бўлди. У “Бир куни Чукуровада” сериалидаги фаолияти билан танилган. Ҳозирча мухлислар бу хабарга турлича муносабат билдирмоқда. Баъзилар бу янгилик сериал сюжетига янгиликлар киритишига ишонса, бошқалар “Қўрғон сирлари” да бўлгани каби катта сценарий жамоасида турли низолар юзага келиши мумкинлигини айтмоқда.
6. RТÜК Радио ва телевидение кузатув кенгаши “Ёввойи”, “Даҳо” ва “Уйсизлар” сериалларининг кўрсатувини тўхтатишга қарор қилди
Туркия радио ва телевидениеси кузатув кенгаши турк сериаллари устида жиддий мониторинг ишларини бошлаб юборди. Бунга мамлакат президентининг миллий анъаналарга зид ва диний қадриятларни салбий руҳда кўрсатувчи барча лойиҳаларни чеклаш ҳақидаги қарори сабаб бўлди. Шу сабабли ҳозирда барча янги лойиҳалар ҳам қаттиқ назорат остига олинган.
Аввалроқ RТÜK томошабинларнинг шикоятлари туфайли “Қизил шарбат” ва “Алвон ғунчалар” сериалларига катта миқдорда молиявий жарималар қўйган эди. Оммавий ахборот воситаларининг хабарларига кўра, тартибни бузган лойиҳа муаллифлари нафақат катта жарима тўлашлари, балки бир неча ҳафта давомида уларнинг сериаллари эфирга узатилмасликлари мумкин.
7. “Қалбаки пулфуруш” сериали саккизинчи қисмда якунланади
Мамлакат телеканалнинг ушбу қарори томошабинларда кўплаб саволларни туғдирди, чунки сериалнинг рейтинги жуда яхши кетаётган эди. Қизиқарлиси, умумий рейтинги пастроқ бўлган бошқа лойиҳалар эса эфирга узатилишда давом этмоқда. Режиссёрлар ва муаллифлар бу қарорга ҳозирча ҳеч қандай изоҳ бермади.
8. Фират Челик “Қизил шарбат” сериалини тарк этади
Инсайдерларнинг маълумотларига кўра, Жамол қаҳрамони сериалдан четлаштирилади. Томошабинлар азалдан Фират Челикка бошқа жиддийроқ рол берилиши мумкинлиги ҳақида айтган эди. Шунга қарамай, унинг қаҳрамони сериалда ўз ўрнига эга персонаж эди.
9. Нилпери Шаҳинкая “Агар қирол мағлуб бўлса” сериалида Ҳалит Эргенч билан бирга иштирок этади
Катта экранларга чиқиши узоқ вақтдан бери ортга сурилиб келаётган ва томошабинлар томонидан катта қизиқиш билан кутилаётган ““Агар қирол мағлуб бўлса” лойиҳасининг актёрлар таркиби деярли якунланди ва суратга олиш ишлари 2024 йил декабрь ойида бошланиши режалаштирилган. Сериал қаҳрамонларидан бирини Керем Бурсиннинг дугонаси Нилпери Шаҳинкая ижро этиши маълум бўлди. Унга Ўзлем роли берилди.
10. Ҳафсанур Санжактутан Афра Сарачўглу ўрнига Elidor брендининг амбассадори бўлди
Актриса Ҳафсанур Санжактутан Туркиянинг Elidor гўзаллик брендининг юзига айланди. У реклама учун Бразилияда суратга тушди ва ижтимоий тармоқларда сёмка жараёнларида олинган кадрлар билан бўлишди. Мазкур бренд нима сабабдан Афра Сарачўғлу билан шартномани бекор қилгани номаълум.
Изоҳ (0)