Кундан кунга сериаллари оммалашишда давом этмоқда. Маълум бўлишича, актёрлар гавдалантираётган турли образлар уларга бегона эмас: таниқли турк актёрларининг кўплари бир вақтлар ўз қаҳрамонлари ўрнида бўлган.
Демет Ўздемир
Демет Ўздемирнинг отаси оиласини ташлаб кетгандан сўнг — у ва онасига раққоса бўлган опаси ғамхўрлик қилган. Бу иш яхши даромад келтиргани боис бўлажак актриса ҳам худди шу йўлдан боришга мажбур бўлади. Кўп меҳнат қилиб, Демет аввал машҳур қўшиқчининг рақс гуруҳига, сўнгра баскетбол клубининг қўллаб-қувватлаш жамоасига киради ва кейинроқ клипда суратга тушади. Айнан ўша пайтда қиз яқинларининг маслаҳати билан актёрлик санъатини ўрганишни бошлайди.
Саъй-ҳаракатлари ўз натижасини беради: Демет 20 ёшида Туркия авиакомпанияси рекламасида суратга тушгач, тез орада йирик косметика брендлари билан шартномалар имзолайди. Актрисанинг биринчи катта лойиҳаси “Сенга сирни очаман” сериали бўлса-да, бироқ унга ҳақиқий машҳурликни “Қулупнай ҳиди” сериалидаги роли олиб келади. Деметнинг мухлислари “Сен туғилган уй — сенинг тақдиринг” сериали ортидан янада кўпаяди.
Бурак Ўзчивит
Бурак Ўзчивитнинг экранга бўлган муҳаббати болалигидаёқ намоён бўлган: у мультфильмларни томоша қилишни ва ўзини қаҳрамонлар ўрнида кўришни яхши кўрарди. Гарчи отаси ўғлининг ўзи каби оилавий ресторанда ишлашидан умидвор бўлса-да, йигит ташқи кўриниш туфайли омади келганини эрта тушунади ва бундан фойдаланишга қарор қилади.
17 ёшида у аллақачон моделлик агентлиги билан шартнома тузган ва мамлакатнинг энг келишган эркак унвонига сазовор бўлганди. Бироқ Буракнинг мақсади актёрлик карьераси эди. Университетни битиргач, кинода ҳам машҳур бўла бошлайди, аммо “Муҳташам юз йил” сериали чиққандан сўнг ҳақиқий муваффақиятга эришади. Кейинчалик Бурак “Чолиқуши” фильмида ҳам рол ўйнаб, у ерда бўлажак рафиқасини учратади.
Ҳанде Эрчел
Ҳанде кичкина шаҳарчада туғилган. Истанбулга келгач, қиз моделлик сабаб университетни ташлаб кетади. Гўзаллик танловларидаги ғалабалар Ҳандега катта ёрдам беради — у бир вақтнинг ўзида кинода суратга тушган йирик француз брендининг юзига айланади. Актриса “Қалбим эшигини қоқ” сериалидаги иштироки билан дунёга машҳур бўлади.
Ҳанде суратга олиш майдончасидаги партнёри Керем Бурсин билан узоқ вақт муносабатда бўлган. Актриса бир неча бор драматик ролларда ўзини синаб кўриш истагини билдирган, масалан, “Қора оққуш” фильмида Натали Портман билан бирга ўйнашни хоҳлаган. Шу билан бирга, у ҳаётда қувноқ, хайрия фаолияти билан шуғулланади ва кўп саёҳат қилади.
Керем Бурсин
Керем ноодатий шароитда ўсган: отасининг иши туфайли оила тез-тез кўчиб юрган ва Бурсинлар АҚШга жойлашгунга қадар бола Шотландия, Индонезия ва Швецияда яшаган. Мактаб ёшидаёқ у театр тўгарагига қатнай бошлайди ва ҳатто ўзининг рок-гуруҳини тузади, аммо отаси ўғлининг ўз ишини - нефть бизнесини давом эттиришини хоҳларди. Маркетолог сифатида ўқишни бошлаган йигит барибир Голливудни орзу қилади ва онасининг ёрдами билан актёрлик факультетига ўқишга киради.
Карим актёр сифатида тан олингунча ҳайдовчи, официант ва ҳатто фаррош бўлиб ишлайди. Тез орада у ўз ватанида кўпроқ нарсага эриша олишини тушунади ва тасодиф актёрга турк сериалида рол ўйнашга ёрдам беради. Унинг ортидан бошқа лойиҳалар бошланади, аммо Керемга оламшумул машҳурликни “Қалбим эшигини қоқ” сериали олиб келади.
Афра Сарачўғли
Туркия киносининг ўсиб келаётган юлдузи Афра Сарачўғли кўплаб ҳамкасблари каби ўз фаолиятини модел сифатида бошлаган. Отаси уларни ташлаб кетган, онаси эса бир нечта жойда ишлашга мажбур бўлган, шунинг учун қиз ўзи ҳақида ўзи ғамхўрлик қилиши кераклигини эрта англаган. 14 ёшида Афра биринчи моделлик шартномасини тузади ва пул ишлай бошлайди, лекин ич-ичидан актриса бўлишни орзу қилади.
Болалигидаёқ у худди кинодагидек сценарийлар ёзишни, костюмлар ўйлаб топишни ва роллар ижро этишни яхши кўрарди. “Иккинчи имконият” фильмида рол ўйнаш ҳақидаги кутилмаган таклиф қиз учун орзу сари ташланган илк қадам бўлади. Ундан кейин Афра яна бир нечта лойиҳаларда иштирок этади, аммо ҳақиқий муваффақиятга “Қўрғон сирлари” сериалидаги бош рол туфайли эришади.
Мерт Рамазон Демир
Мерт Рамазон Демир — Истанбул яқинидаги кичик бир қишлоқдан келган ёш актёр. Кўп болали оиланинг энг кичиги бўлган бола кўп вақтини акалари билан ўтказган, спортга қизиққан ва ҳатто футболчи бўлишни ҳам режалаштирган. Бироқ 17 ёшида “Ҳамлет”ни ўқиб, ўзини Дания шаҳзодаси сифатида кўрсатишга ҳаракат қилаётганини англайди. Айнан ўшанда у актёр бўлишни хоҳлаётганини тушунади ва бу санъатни ўрганишни бошлайди.
Кўп ўтмай, Мерт фильмда эпизодик рол ўйнайди. Ундан кейин яна бир нечта лойиҳаларда иштирок этади ва 2022 йилда бош қаҳрамон ролини ўйнаган “Қўрғон сирлари” сериали экранларга чиқади. Ҳаётда у жуда тортинчоқ. Асосий қизиқиши, албатта, кино, айниқса, Тарковскийнинг фильмларини ёқтиради.
Жан Яман
Жан Яман ҳамкасбларидан фарқли ўлароқ, кино саноатига тезда кириб келмаган. У мактабни аъло баҳолар билан тугатиб, университетда ўқийди ва адвокат бўлиб ишлай бошлайди. Энг яқин дўсти унинг истеъдодига эътибор қаратмагунча, у ҳобби сифатида актёрлик маҳорат курсларига бориб юрган. Шунда Жан ўз ҳаётини ўзгартиришга қарор қилади ва бир нечта иккинчи даражали роллардан сўнг унга жиддийроқ таклифлар кела бошлайди.
“Жаноб Хато” сериали чиққандан сўнг актёр ҳақиқий машҳурликка эришади. Кинодаги карьерасига қарамай, у биринчи касбини тарк этмайди ва ҳозирда юридик фирманинг ҳаммуассиси. Бундан ташқари, Жан гитара ва пианино чалишни яхши кўради ва яқинда ҳатто “Овоз” шоусида иштирок этди.
Марям Узерли
Ярим турк Марям Германияда кўп болали оилада туғилган. 5 ёшида қизни ота-онасининг дўсти спектаклда иштирок этиш учун театрга олиб боришади. Кейинчалик Марям Гамбургдаги нуфузли театр мактабига ўқишга киради. Ўқишни тугатгандан сўнг, қиз спектаклларда ўйнашда давом этиб, немис фильмларига таклифлар ола бошлайди.
Бир куни дугонаси қўнғироқ қилиб, турк лойиҳасида рол ўйнашни таклиф қилади — шу тариқа Марям уни машҳур қилган “Муҳташам юз йил” сериалида иштирок этади. Актриса, шунингдек, косметика брендининг юзи бўлиб, яқинда дўконлар ва кафелар тармоғини ҳам очди.
Бариш Ардуш
Гарчи Бариш турк актёри бўлса-да, у Швейцарияда туғилган, ота-онаси эса албан миллатига мансуб. Болалигида у пахлава сотувчи бўлишни орзу қилган, аммо катта бўлгач, спортга: футбол, сузиш ва баскетболга қизиқиб қолган. Бироқ спорт академиясида бир йил ўқиган Бариш бу орзусидаги иш эмаслигини тушунади ва консерваториянинг актёрлик бўлимига ўқишга киради.
Ёш йигитнинг карьераси театрда бошланган, аммо у тезда кинорежиссёрларнинг эътиборини тортади ва рол ўйнай бошлайди. Баришнинг машҳурлиги Элчин Сангу билан бирга “Ижарага олинган севги” фильмида иштирок этади. Кейин эса “Қузғун” сериалида рол ўйнайди. Суратга тушишдан ташқари, у акаси билан бирга аксессуарлар дўконини очиб, бизнес билан фаол шуғулланади.
Изоҳ (0)