Бугунги кунда ушбу актёр ва актрисаларни бутун дунё танийди, аммо жаҳон миқёсида машҳурликка эришишдан аввал улар тасодифан муайян вақтда керакли жойда бўлган оддий одамлар эди. “РБК-Украина” нашри миллионлаб мухлисларнинг севимли юлдузига айланиш учун санъат соҳасида ўқимаган ва бошланғич даромади бўлмаган Голливуд юлдузларини санаб ўтди.
Мерилин Монро
“Жазда фақат қизлар” мусиқий фильми юлдузи, америкалик актриса Мерилин Монро ўз фаолиятини санъат билан боғлиқ бўлмаган соҳадан бошлаган. 1944 йилда Мерилин 17 ёшида самолёт заводида ишлади. У парашютларни синовдан ўтказиш бўлимида фюзеляжга ёнғинга чидамли модда билан қоплаш иши билан шуғулланган.
Ўша кунларнинг бирида уни ЯНК нашриёти сураткаши Девид Коновер пайқаб қолди. Кейинчалик Монронинг фотосурати мазкур журнал муқовасида пайдо бўлди. Шу тариқа Мерилин мода ва кино оламига кириб келди.
Жейсон Стейтем
“Форсаж-10”, “Чегарасизлар-4”, “Fortuna операцияси” ва “Мег-2: тубсизлик” фильмларидаги роллари орқали машҳур бўлган ва катта даромад кўрган британиялик актёр Жейсон Стейтем авваллари профессионал спортчи бўлган. У 12 йил давомида Британия миллий сувга шўнғиш клуби аъзоси бўлган ва ҳатто Олимпия ўйинларида иштирок этган.
Интервьюларда Стейтем спорт унинг севимли хоббиси бўлгани ва бундан аввал у Лондон кўчаларида атир-упа ва заргарлик буюмларини сотиш орқали кун кўргани ҳақида сўзлаб берган.
Кейинроқ Жейсон модел сифатида ишлай бошлади, агар у тасодифан Гай Ричи билан учрашиб қолмаганда, бу соҳада қолган бўларди. Ричи “Карта, пул, икки стол” фильмидаги кўча сотувчиси билан боғлиқ эпизодга актёр қидираётган эди. Шу тариқа Стейтем шоу-бизнес оламига кириб келди.
Памела Андерсон
90 йилларда АҚШнинг энг мафтункор актрисаларидан бири бўлган Памела Андерсон ўз фаолиятини Ванкуверда фитнес бўйича тренер сифатида бошлаган. 1989 йилда Ванкуверга кўчиб ўтган Памела Андерсон дугоналари билан футболга боради. Ўйин тўғридан тўғри трансляция қилинаётган эди. Оператор камерани алмаштираётган пайтда таниқли пиво компанияси логотипи туширилган кўк топикдаги Памелани кўриб қолади. Стадионда бир зум қарсаклар янгради — бу қарсаклар майдондаги ўйинга эмас, экранда кўрсатилган гўзал қизга чалинган эди.
Андерсоннинг моделлик карьераси шундан кейин шакллана бошлади. Барча фотосуратчилар уни ўша ерда суратга олишни хоҳлади ва пиво компанияси Памнинг энг муваффақиятли суратларини сотиб олди ва у билан ҳамкорлик қилди. Шу тариқа Памела аввал модел сифатида танилди, кейинроқ унга фильмлардан турли роллар таклиф этила бошлади.
Ченнинг Татум
Ченнинг болалигида турли спорт турлари билан, жумладан, футбол, бейсбол, трек ва кунг-фу билан фаол шуғулланган, шу сабабли кўпчилик уни келажакда Олимпия чемпиони бўлади, деб ўйлаган. Орадан вақт ўтиб, у ўқишни ташлади, стипендиясини йўқотди ва Майамига кўчиб ўтди. У ерда актёр клубга ишга жойлашди, лекин у рақс эмас, моделлик агентлиги билан шартнома имзолади. Татум клипларда суратга тушишга чақирила бошланди ва шундан кейин кинофильмда рол ўйнади.
Эванжелин Лилли
“Ҳаёт-мамот” лойиҳаси юлдузи ҳеч қачон актриса бўлишни истамаган, у Аир Cанада авиакомпаниясида стюардесса бўлиб ишлаган. Эванжелин бўш вақтида қўшимча пул ишлаш мақсадида официант бўлиб ишлади, айнан шу йилларда у менежер Жефф Палффининг эътиборига тушди. Жефф Лиллининг ташқи кўринишини юқори баҳолади ва унга модел сифатида ишлашни таклиф қилди. Натижада у фалокат ҳақидаги машҳур сериалда Кейт Остин ролига тасдиқланди.
Изоҳ (0)