AirAsia kompaniyasida menejer yordamchisi bo‘lib ishlaydigan malayziyalik (asli hind) Rashil Kaur har kuni ofisga samolyotda qatnaydi. Chunki uning oilasi Penang shahrida yashaydi, lekin ish joyi Sepangda joylashgan. Shaharlar orasidagi masofa taxminan 400 kilometrni tashkil etadi.
Kaur har kuni erta tongda — soat 4 da uyqudan turadi, farzandlariga nonushta tayyorlagach, aeroportga mashinada yo‘l oladi. Uning ish vaqti soat 8 da boshlanadi. Bir tomonlama parvoz o‘rtacha 40 daqiqa davom etadi. Ofisda bir kun ishlagach, ayol kechki reys bilan uyiga qaytadi.
Kaurning aytishicha, u har kuni farzandlari bilan ko‘proq vaqt o‘tkazish maqsadida ishga qatnashning shu yo‘lini tanlagan. Bungacha u Kuala-Lumpurda ofisiga yaqin joyda ijarada yashagan va oilasini faqatgina dam olish kunlarida ko‘rgan.
“Albatta, har kuni ertalab 4 da uyg‘onish meni charchatadi. Ammo uyga kelib, bolalarimni ko‘rganimda barcha charchoqlarim yo‘qoladi, deydi u.
Rashil Kaur 2024-yilning yanvar oyidan boshlab ucha boshlagan. Bu vaqt ichida u hatto oz miqdorda pul tejashga ham muvaffaq bo‘lgan. Ilgari ofis yaqinidagi kvartirada yashash uchun 474 dollar xarajat qilgan bo‘lsa, hozirda bir kunlik reyslar unga 160 dollarga arzonroq tushadi.
Izoh (0)