“Mening qo‘shnim Totoro” animesining bosh qahramonlari ko‘chib o‘tadigan qishloqdagi shinam uy yodingizdami? Tez orada shunday uyning kichik prototipi har bir anime ixlosmandlari uchun sotuvga qo‘yilishi kutilmoqda.
![](/static/2024/07/18/1-P8jP7kv4.jpg)
Yaponiyalik rejissyor Hayao Miyazaki asaridagi Satsuki va Mey ismli opa-singillar yashagan uyning mitti varianti Studio Ghibli tomonidan ishlab chiqildi.
![](/static/2024/07/18/2-4dN5V-rX.jpg)
![](/static/2024/07/18/6-UG7FYVY_.jpg)
Mualliflar animedagi uyni “devordagi bo‘yoqlari xiralashgan va bir nechta qismi shikastlangan eski uy”, deb ta’riflagan.
![](/static/2024/07/18/1666762152_45-colodu-club-p-dom-khaula-dizain-vkontakte-52-LHPAGs9N.jpg)
Mazkur uy bir nechta binolardan iborat. Unda shinam xonalar, opa-singillar cho‘milgan hammom, turli anjomlar, taxtacha, gaz plitasi va hatto rakovina bilan jihozlangan oshxona mavjud.
![](/static/2024/07/18/7-GFn1sTnq.jpg)
![](/static/2024/07/18/5-rsdkygJj.jpg)
Uyda Satsuki bento tort uchun maxsus qutilar tayyorlagan xona ham tasvirlangan. Qizlar otasining kabineti kitoblar bilan to‘la, stolda esa Mey dadasiga sovg‘a qilgan bir quchoq gullar turibdi.
![](/static/2024/07/18/8-ZKdWGODS.jpg)
![](/static/2024/07/18/9-3wLmrp2o.jpg)
Uyning barcha ajoyibotlarini o‘z ko‘zingiz bilan tomosha qilish uchun tomni olib tashlash mumkin. Eshiklar va derazalar ham ochiladi. Xonalarda o‘zgacha tarovat baxsh etuvchi yoritgichlar ham bor.
![](/static/2024/07/18/3-U0jLg9KA.jpg)
![](/static/2024/07/18/4-S1RPkYi1.jpg)
Modelning o‘lchamlari 52,3×27,3×41,8 sm bo‘lib, 20-iyuldan boshlab taxminan 300 AQSH dollari narxida sotuvga chiqariladi.
Izoh (0)