Dunyodagi eng mashhur YouTube blogeri Mr. Beast (asl ismi Jimmi Donaldson) o‘zining hali efirga uzatilmagan Beast Games reality shousi tufayli Ginnesning 30 ga yaqin rekordini yangiladi. Bu haqda Oxu.Az xabar berdi.
Yutuber X (sobiq Twitter) ijtimoiy tarmog‘ida Ginnesning rekordlar kitobiga kiritilgani uchun taqdim etilgan sertifikatlar to‘plami suratini joylashtirdi.
https://x.com/MrBeast/status/1861863140549390564
“Ginnes bizga Beast Games shousini suratga olish jarayonida bir nechta rekordlarni yangilaganimiz haqida ushbu hujjatlarni taqdim etdi. Shouning premyerasi 22 kundan keyin bo‘lib o‘tadi. Hozirda men qattiq hayajondaman”, deya izoh qoldirdi Jimmi.
Bundan tashqari, Mr. Beast ko‘ngilochar shouda qatnashgan eng ko‘p ishtirokchilar soni hamda eng katta pul mukofoti sovrini kabilar uchun ham Ginnesga kiritilgani haqida qo‘shimcha qildi. Dexerto nashri yozishicha, suratda Ginnesning rekordlar kitobining 28 ta sertifikati aks etgan.
Avvalroq Beast Games shousi tufayli Mr. Beast sudga berilgan edi. Chunki o‘yin ishtirokchilari ularga taqdim etilgan sharoitning o‘ta og‘irligidan shikoyat qilgan va blogerni zo‘ravonlikka olib keladigan xavfli muhit tashkil etganlikda ayblagan.
Izoh (0)